Lenes Fritidsblogg

3 dager - 2 netter på Fraser Island

2012-01-28T06:43:00.000+01:00

Ankomst (dag 1):

Etter nokon opplevelsesrike dagar i Brisbane og omeng tok eg, Camilla og Cathrine turen vidare til Hervey Bay og vidare til verdas største sandøy Fraser Island. Øya er 120 km lang og 5- 25 km brei. Sanden som øya er laga av stammar frå antarktis fleire millionar år sidan. For å komma seg ut på øya må ein ta ei ferje ut dit. Vi fekk plassert bagasjen vår på ein bil, som transporterte den dit vi skulle overnatta, medan vi gjekk ombord og kunne nyta utsikten. Vel framme på øya var det ein kort spasertur inn lengden av jettyen (brygga) og meir eller mindre rett på ein svær 4WD buss og direkte på sightseeing på øya.

venstre til høgre: 1) Fraser Island dead ahead, ombord på Kingfisher Bay Ferry. 2) Bussen vår, ser meir ut som ein lastebil... 3) Camilla har fått på seg sikkerheitbelte og er klar!! 4) Ein liten spaser opp jettyen (brygga) til bussen som venta på oss.

Dag 1: Central Station, Wanggoolba Creek og Lake MacKenzie med lunsj og kookaburra.

Etter vi hadde komt oss på bussen så bar det rett avgarde innover på øya. Fyrste stopp var Central Station, men før det skulle vi oppleve korleis det er å kjøre på ei øy laga av sand som er utsatt for å regelrett renne vekk i kraftig regnvær. Nøkkelordet vert HUMPETTE!!!! Men vel framme på Central Station så fekk vi ut av bussen og hjernen kunne stoppa å hoppa. Central Station var knutepunktet på øya for all tømmervirksomheita. Denne industrien blei lagt ned fyrst i 1991 og øya blei lagt på verdensarvlista året etterpå. Tømmer frå Fraser finn ein i store delar av Suez Kanalen pga at det er så sterkt.

Frå Central Station gjekk vi langs Wanggoolba Creek som renner gjennom ein av verdas eldste regnskogar. Creeken høyre ein ikkje at sildrar ein gong, dette skal vera pga av formen på sanden på øya. Sanden er nemleg rund. Alt vatnet i innsjøane og creekane på øya er og ferskvatn, frå så langt unna som Uluru/Aiers Rock.

Etter Wanggoolba Creek kjørte Les (guiden) oss til Lake MacKenzie der vi kunne bada, sola oss og innta lunsj. Lake MacKenzie er ein av ca 100 ferskvannsinnsjøar på øya. Innsjøen har pH 2-3, så vi fekk beskjed om at vatnet ville ha ein balsameffekt på håret vår. Dei fleste var under i den innsjøen :) Vatnet var varmt og klar og deilegt. Lunsjen fekk vi servert på eit inngjera rasteområde ovanfor innsjøen. Der fekk vi besøk av fleire kookaburra (australias nasjonalfugl) og den er SØT! Likar litt på Solan :)

Etter lunsj blei vi humpande kjørt tilbake til Lodgen vi skulle overnatt på. Der kunne vi slappa av og kosa oss før middag blei servert litt seinare på kvelden i nærmaste DingoBar. Vi hadde booka tur med Cool Dingo Tours.

Venstre til høgre: 1) Kookaburra. 2) Central Station, midt i regnskogen. 3) Wanggoolba Creek. 4) Alle kosa seg i Lake MacKenzie. 5) Vatnet var varmt, deilegt og klart!

Dag 2: 75 mile beach, Eli Creek, Maheno (vrak), Coloured Sands, The Champang Pools, Indian Head og DINGO!

Allereie før 0800 så er vi på bussen og humpar avgarde, då har vi ete frukost i DingoBaren og. Dette er den dagen på touren der vi har heile dagen til disposisjon, så der står mangen stadar på programmet. Programmet var dessverre ikkje vidaresendt værgudane kvelden i forvegen, så vi vakna til regnvær... Været fulgte oss på vegen og.

Vi kjørte rett over til motsatt sida av øya for å byrja å kjøra på highveien, meir kjent som 75-mile beach. Denne stranda funkar som 2-4 felts motorveg og delar av den vert og brukt som rullebane for Air Fraser Island. Ein badar heller ikkje i havet på Fraser Island, den enkle forklaringen er hai. Pga måten reva ligg utanfor kysten så er farvatna rundt Fraser Island matstasjon for mangen typar hai. Medan vi kjøre i 80 km/t oppover stranda så kjem det frå Les: "Dingo on the beach guys, get your cameras ready!" Som sagt så gjort. Alle av bussen og knips, knips, knips. Dingoen blei teke med over til øya av urinnvånarande langt tilbake i tida og brukt som jakthunder. Opptil for ein del år sidan så mata regjeringane den dingostammen som var på øya og. No derimot så kjempar dingoen for å overleve, dei er alle magre då der er lite og ingen naturlege matkilder til dei. Og når dingoen er opportunistisk og angripe menneske (som var sjeldan, men ikkje så sjeldan som når dei blei mata) så blei fleire generasjonar med dingoar skutt og drept :(

Etter fotosesjonen så hoppa vi inn på bussen og kjørte forbi dei fleste severdigheitene med ein lovnad om å ta dei påveg tilbake i håp om at været var blitt betre. Når vi kom til endes (nesten på tuppen av øya) stoppa vi og sola byrja smyge seg fram. Og på turen til The Champange Pools så kom den fram gitt. The Champagne Pools er naturlege havbasseng og den einaste trygge staden å bada i saltvatn på øya, så her blei det litt sand, sol og hav :)

Etter bading så gjekk tura tilbake til forrige strand. Der tok vi lunsj, og som dessert så blei vi peika i retningen Indian Head. Ein liten spasertur opp på ei klippe som stikke dramatisk ut i havet. Dette er ein heilag stad for urinvånarane, så delar av Indian Head var forbudt å entre. Men resten var heldigvis åpen for allmennfolk og utsikten var upåklageleg der og. Turen opp var kjapp, men blei høgt ned alikevel.

Vidar påvegen tilbake så stoppa vi ved Red Canyon, ein del av The Coloured Sands. Dette er sandklippar langs kysten i gult, raudt, orange, brunt og kvitt. Dette pga av eit utallig antall minerallar i sanden på Fraser Island, og desse reagerar ulikt på luft og fuktigheit og fargar sanden deretter. Red Canyon f.eks inneheld ein del jerndioksid og vert raud av rust. Her møte vi og Air Fraser Island som nokon valgte å ta ein aldri så liten flytur med.

Medan dei flaug, flytta vi andre oss ned til skipsvraket S.S Maheno (byggeår 1905), eit luksusskip som skulle gå mellom Tasmania og Sydney. Skipet har og vore eit flytande sjukehus i fyrste verdenskrig før det gjekk tilbake til å vera luksusskip før det blei stempla som utdatert i 1935. Når skipet skulle tauast til Melbourne i juni 1935 sleit det seg i ein cyklon og hamna på stranda på Fraser Island. Der har det lagt sidan og blitt ein stor severdigheit, men det har ikkje lang levetid som det igjen heller no...

Siste stoppet på returen vår denne dagen blei Eli [ee-lahy] Creek. I denne elva/bekken renner heile 4 millionar liter ferskvatn i timen. Vatnet var kaldare enn det meste vi hadde opplevd så langt på øya, men særdeleg forfriskande alikevel. Og 4 millionar liter i timen betyr visst at der er ein viss fart på vatnet, flaut kjapt nedover bekker ja :) Men fekk skylt av saltvatnet frå The Champagne Pools og fekk drikke ferskvatn direkte frå bekken. Mykje betre enn det klor-greiene som kjem frå springen her nede...

Etter dette kjørte Les oss humpande tilbake til Lodgane. Igjen fekk vi slappa litt av før middag og vi måtte ta farvel med den delen av gruppa som kun skulle delta på 2-dagers touren, trist...

Venstre til høgre: 1) ein einsam dingo på 75-mile beach. 2) Red Canyon, ein del av the Coloured Sands. 3) 75-mile beach, funkar som highway og rullebane for fly. 4) Maheno, vrak. 5) Treppene ned til The Champange Pools, naturlege havbasseng. 6) Rett ned i havet frå Indian Head. 7) Spasertur opp Eli [ee-lahy] Creek.

Dag 3: Lake Wabby, Sand Blows, REGN og Lake Birrabeen:

Så starta siste dagen, gruppen var redusert (i antall), vi hadde fått sova litt lenger og regnet var tilbake. Så var spørsmålet på alles lepper, ville Les kunne lura værgudane denne gongen og?

Fyrste stoppen denne dagen var The Sand Blows og Lake Wabby. The Sand Blows er eit stort område med kun sand som forflyttar seg 2-3 meter på ein år og som slukar opp alt som skulle komma i vegen. Lake Wabby er eit resultat av the Sand Blows. Denne innsjøen er ferskvatn som ein gong blei innesperra av sanden og som ein dag vil bli slukt av sanden. Innsjøen er den djupaste på øya og. Den har pH 8-9 og utruleg nok så lever der dyr i den. Der er små rensefiskar og store mulefiskar. Det er og mogleg å sjå ferskvann skillpadder i innsjøen, men desse er veldig sky... Desse var nok flykta når vi oss ned til innsjøen då der allereie var nokon å bada å innsjøen. Etter kanskje 20 min ved innsjøen blei det klart for alle at Les ikkje klarte å halde regnet på avstand denne gongen. Vi valgte å gå gjennom skogen i håp om å få litt ly frå regnet (framfor å gå over the Sand Blows), dette funka då ikkje. Den 35-45 min lange turen tilbake til bussen var ein ekte regnskog opplevelse. Alle kunne vri klærene etterpå. Godt bussen hadde betre plass til å henge kler til tørk denne dagen :)

Vi tok tidleg lunsj denne dagen, og på Eurong Resort (ein av kanskje 4 resorts på øya). Etter den så besøkte vi nok ein innsjø, Lake Birrabeen. Hit reiste dei nesten aldri med gjester lenger på øya, og det kunne vi sjå då der ikkje var andre hjulspor i vegen dit. Vel framme så kom vi til ein innsjø som hadde mykje felles med Lake MacKenzie (dag 1), men denne var omkransa av høge sivplanter. Ellers så hadde denne innsjøen (som Lake MacKenzie) og pH 2-3. Eg hadde då valgt å ikkje bytta på meg tørre kle etter regnskogturen vår og blei einaste som bada i her. Eg bytta til tørre kle etter denne dukkerten eg :) Deilegt!! Når vi skulle ta oss te/kaffi og kjeks ved Lake Birrabeen så kom regnet, så vi tok litt te/kaffi på bussen og kjørte tilbake til Kingfisher Bay.

Her tørka vi kler i ein tørketrommel vi klarte å oppdrive medan vi venta på at ferja skulle gå tilbake til fastlandet.

Alle var einige i at det hadde vore ein KJEMPE bra tur!!! Litt regn har jo aldri skada nokon, no derimot er der sikkert oversvømelsar på Fraser Island... Glad vi reiste når vi gjorde :)

Takk til Camilla og Cathrine, og til Les hjå Cool Dingo :)

venstre til høgre: 1) Lake Wabby og The Sand Blows. 2) Gjengen har komt seg frå utkikken og ned på the Sand Blows og nærmar oss Lake Wabby. 3) Endeleg!! tilbake ved bussen... VÅT! 4) Liv i Lake Wabby, også utanom roommaten vår frå Korea. 5) Lake Birrabeen, eg var einaste som bada (alle andre hadde fått på seg tørre kler). 6) Regnet tok oss att igjen, etter kort tid var vegane på øya elvar og innsjøar...

Neste eventyr: Vi har leigd CamperVan og skal begi oss ut på road trip i 11 dagar. 11 dagar på feil side av vegen og mykje spanande å sjå... Oppdatering vil følgja seinare :)

Park #4 - Australia Zoo

2012-01-20T20:00:00.000+01:00

Øverst og nedover: 1) Koala, trøyt... 2) Kakadue. 3) Elefant, denne er ei 50 år gamal dame. 4) Ecidna, australsk pinnsvin. 5) Kenguru, mating og handspålegging. 6) Wombat 7) Tiger. 8) Krokodillen, favorittdyret til Steve Irwin som dyrehagen er mest kjent for. 9) Dyrehagen har nyleg fått ein Afrika del med bl.a kvite neshorn som har fått baby Savanna :)

Foreldrene til Steve Irwin, kjøpte området Australia Zoo idag ligg på i 1970, det var då starten på ein av verdas mest kjente dyrehagar.

Vi er alle glade i dyr, og nokon meir enn andre :) Så ein dyrehage var midt i blinken som avsluttning på turen til Brisbane. Og her var det mange dyr å observera og ohhhh'a og ahhhh'a oss over :) Parken har og eit stort utvalg at aktivitetar der folk kan betala litt ekstra for ein opplevelse for livet; om det måtte vera å halda ein lys levande koala, gå på tur med wombaten, klappa og kosa med ein tiger, fotograferast med ein STOR slange m.m. All inntekt er øyremerka parkens konseveringsprogram og dyresjukehus.

Det er og mogleg å handla kengurumat i parken, då innhegningen til kenguruane og wallabyane er åpen. Det vil seie at gjestene går fritt i innhegningen og kan mate dyra og klappa. Kenguruane har derimot friområder i innhegningen, så dersom dei bevegar seg inn der så skal gjestene la dei vera åleine. Vi mata og klappa alt vi var god til :) Kan verifisera at kenguruar og wallabyar er mjuke og deilege å ta på.

Vi benytta og sjansen til delta i matinga av elefantane i parken :) Der var 3 elefantar, alle var damer og alle var godt oppi åra. Så når det var teatime så måtte gjestene bevega seg opp til dei i desse dager (motsatt ende av inngongen), før kom nemleg elefantane til gjestene. Dei var skikkeleg søte, store og snille :)

Leyla bestilte seg time for å gå på luftetur med wombaten. Og medan ho kosa seg med det benytta vi andre sjansen til å halde og bli fotografert med ein super mjuk koala. Eg spurte fint passaren om eg kunne springa min veg før han tok koalaen tilbake, men det berre lo han av gitt... Skjønnar ikkje kvifor??

Så utan koala under armen, eit nytt smykke om halsen, mangen bilete og opplevelsar rikar så gjekk vi på bussen, klar for togreisa tilbake til Brisbane (siste 1 timers togturen). I Brisbane venta pakking, middag og soving før alle reise neste morgon. Leyla skal tilbake til Sydney og resten skal på 3 dagars tur på Fraser Island :)

Denne dagen hadde ho mamma bursdag og, så eg satt meg på gongen og ringte heim og preika litt. Må til, ikkje kvar dag ho mamma har bursdag :)

Park #3 - SeaWorld

2012-01-19T19:30:00.000+01:00

Øverst: 1) Vert møtt med vennlege ansikt med ein gong, denne delfinen er eg sikker på smilte og blunka til oss. 2) Nelson the polarbear kosa seg i det kalde bassenget sitt. 3) I undersea utkikken var der myjke spanande å sjå på, trur denne stingrokken syns det same. 4) Delfinshow, eit must! 5) Etter å ha sett Happy Feet 2 eit par kveldar før så var pingvinane om mogleg endå søtare.

SeaWorld, også 1 time med tog og ein aldri så liten busstur unna Brisbane. Denne parken var ikkje drevet av eit filmstudio, men det var klart at dei hadde eit godt samarbeid med Nickelodeon (barne-tv kanalen) pga Svampe Bob. Her var færre berg-og-dal-banar enn dei andre parkane (vi tok kun ein tur), men til gjengjeld så var her mykje anna å sjå og ta på. Der var mangen små basseng rundt om der ein kunne stikke hendene nedi og ta på; det kunne vera hai egg (nokon hai-artar legg nemleg egg), sjøpølser, sjøstjerner og rokker m.m :) Og dersom ein ikkje fekk ta på, så kom ein rimleg tett opptil dyra alikevel. Delfinshowet var og veldig bra. Desse dyra imponerar alltid og vi hadde glatt teke ein med heim om det var mogleg.

Denne dagen, så blei dei flesta av oss litt solbrent ein eller annan stad. Vi var nok ikkje flinke noko til å driva med påfyll av solkrem og ingen tenkte stort på at alt vatnet ville gjere sola sterkare... Jaja, slikt skjer! Vi vert flinkare i morgon, garantert!

Nok ei returreise står for tur, middag og znork! :) Ny dag og park i morgon...

Park #2 - DreamWorld

2012-01-18T20:00:00.000+01:00

Øverst: 1) Vel ankommet DreamWorld, kor er køen vår? Kjøp billettar online og gå i kjappare spesialkø... 2) Ein vanntur i det varme gode været, DIGG! 3) Tårent til Tønneturen. 4) Tårnet til turen BuzzSaw, sinnsjukt bane!!! 5) Dagane blei alltid avslutta med solnedgong

Etter ein kviledag i Brisbane med shopping så vakna vi til rimleg bra vær og kom oss tidleg avgarde til toget. For nok ein gong var det 1 times togtur og ein busstur på 20 min som stod mellom oss og neste park, DreamWorld. Denne parken er drevet av DreamWorks kjent for filmar som; Shrek-filmane, Madagaskar 1 & 2, Gladiator, American Beauty, Redd mening Ryan og Transformers-filmane.

Denne parken hadde mange fleire berg-og-dal-baner enn MovieWorld og færre butikkar. Vi byrja med BuzzSaw, der blei vi sakte men sikkert trukke opp ein vegg (loddrett) og så opp/ned før vi blei sluppe ut ein ein liten korkeskru. Så gjekk det mest på farten vi hadde fått opp og tilbake 2 gongar før vi blei stoppa. Trur alle hadde litt blodsmak i kjeften etter å ha hengt oppned i den ja. Vi fortsatte med 2 rolege, men våte turar. Etterpå var vi i desperat jakt på nokon stad å tørka oss :) Endleg rimleg tørre så kjørte vi Motocoaster, vognene var forma som racersykklar. Vi hadde lenge sikla på Tower of Terror 2. Den bana høyrte vi uansett kor vi var i parken. Så endeleg gjekk vi i kø, men gjett om dei fekk problem med turen når vi hadde stått 15 min i kø då?? Alle blei oppfordra til å forlata køen og heller komma tilbake. Det var uvist når dei ville få fiksa turen. Vi fulgte nøye med, så når vi såg der byrja skje noko så var vi på plass. Og der var jo ikkje kø å snakka om, så på 10 min så blei vi skutt baklengs opp i loddrett posisjon i 120 km/t og sluppe tilbake. IIIIIKKKKK!!!!!!! :D Vi sprang tilbake og klarte akkuratt å få oss ein tur til før parken stengte, TAKK OG LOV for den var KONGE!

Så var det retur til Brisbane, middag og eit godt stykke søvn som gjenstod av den dagen :)

Park #1 - MovieWorld

2012-01-16T19:00:00.000+01:00

1) Rett etter inngongen var der plassert eit par superheltar på taket av ein suvenirbutikk. 2) Ein av rides'ene vi tok heite Escape, der blei vi skutt opp til 100 km/t på 2 sek og over det høgste punktet KULT!! 3) Utanfor Harry Potter butikken var det det korrekte tilbehøret. 4) Og på ettermiddagen var der parade gjennom parken med alle dei kjente og kjære karakterane.

Etter ca 1 time på togen frå Brisbane sentrum og ein 10 min busstur så ankom vi endeleg MovieWorld. Denne parken er drevet av Warner Brothers, kjent for Supermann filmane, Looney Toons teiknefilmane, Batman filmane, Dødleg våpen m.m. Denne parken er ein miniversjon av Disneyworld vil eg tru. Den var eit par rides/berg-og-dal-baner, mangen butikkar, ei hovudgata og mangen små gater som alle følast som ein har sett i ein eller annan film.

Vi starta direkte i køen til Escape (Supermann berg-og-dal-bana), tok oss vel ein 45 min å komma gjennom køen og 45 sek å fullføra bana. Men vert ein sendt ut i ein fart på 100 km/t så går det fort, uansett kor mangen snurrar banen har :) Vi tok og Dødlig våpen berg-og-dal-bana, der trur eg hjernen min blei rista laus... Barneturen til Scooby Doo gjekk vi og inn på, lengste køen og den mest overraskande banen :) Såg oss mykje rundt, handla ein del (eg er 2 tekoppar, akkuratt det eg ikkje trengte, rikare) og fekk med oss ein film i 4D (Reisen til jordens indre). 4D betyr at filmen er 3D men den vert fylt ut litt ekstra med effektar i og rundt settet du sit i... Skikkeleg artig :)

Når dagen var omme og sola holdt på å gå ned var det tid for ein 10 min busstur og 1 time på toget tilbake til hostellet og Brisbane. Alle var einig i at det hadde vore kjekt og sov godt den kvelden :)
Meininga var å reise i ny park dagen etter på, men når vi tysdagen var det høljeregn. Vi bestemte oss for å ta denne dagen i Bristbane med litt shopping. Så sagt så gjort, og du kor lurt det skulle visa seg å vera :)

Brisbane - Australia

2012-01-15T18:00:00.000+01:00

Oppe, venstre - høgre: 1) Vi (minus Cathrine) står på ein av fleire bruer som krysser elva som renne gjennom Brisbane. 2) Brisbane skyline. 3) Høljeregn, vi har søkt tilflukt i ein undergong. Fekk tida til å gå med sang :) Nede, ventre - høgre: 4) Brisbane hadde sitt eige parisarhjul. Ved sida av det stod The Nepal Peace Pagoda. Camilla poserar på ein elefantstatue. 5) Lett galopp ned strandpromenaden. 6) Eg og Camilla har lukta oss fram til ein lokal garnbutikk i Fortitude Valley. Begge handla :)

Eg er tilbake i Australia for dei som ikkje har forstått det utifrå forrige post. Desseverre så gjer dette landet/kontinentet slikt inntrykk på meg at eg verken klarar å velgje ut få bilete eller å fatte meg i kortheit om turen... Så for dei om ikkje orkar så er det berre å skumme gjennom dette og dei neste innlegga, eller hoppa direkte over dei :)

Har no vore her litt over halvparten av ferien. Følar eg har gjort mykje, men der er og så sinnsjukt mykje meir eg skulle likt å gjort. Men det som er gjennomført og opplevd er tur til Brisbane. Meg, Camilla, Leyla og Cathrine (kollektivet til Camilla) bestilt oss fly oppover and of we went. Værutsiktene var ikkje allverdas dessverre. Vi har gått litt rundt, men hovudgrunnen til reisa til Brisbane er alle parkane som ligg rundt denne byen. Men i Brisbane fekk vi sett litt, opplevde down pour (høljeregn) og fekk dekka eit aldri så lite garnbehov. I Brisbane fekk vi eit 4 bed dorm for oss sjølv på eit hostel. Det blei basen vår og turen gjekk nesten dagleg med tog til og frå ein park utanfor byen. Der kjem eigne innlegg om parkane, heile 4 parkar faktisk :)

Leikar trekkfugl...

2012-01-11T00:41:00.000+01:00

MH017 - Malaysia Airlines frå Schipol til Kuala Lumpur i soloppgong.

Igår, etter ein elendig natt med søvn (mangel på sådan), så stod eg opp 03:15 og gjorde siste finpussen før kofferten blei lukka og låst. Ja, du lese korrekt 04:05 kom taxien som kjørte meg til flyplassen. Umenneskeleg, men skal ein ut og ha de kjekt så vert det av og til såpass :) Eg hadde då 3 flyturar foran meg. Fyrste flyet gjekk frå Flesland igår 06:30 til Schipol/Amsterdam. Dette er ein flyplass eg kjenner godt frå tidlegare turar. Var på Schipol i ca 3.5 timar før eg gjekk ombord på fly 2 som no har teke meg til Kuala Lumpur. Heldigvis er eg allereie sjekka inn og har boardingkortet mitt, så hadde ikkje behov for å oppsøkje nokon transfer skranke her. Har då aldri landa eller vore i Kuala Lumpur før, så toalettbesøket mitt blei jo ein aldri så liten opplevelse. Har for all del sett bilete i blad og på TV, men dette var min fyrste faktiske møte med eit hull i gulvet... Grøss!!!! Heldigvis dukka det opp noko meir gjennkjenneleg når eg gjekk lenger inn og sjekka 5 båsen. Takk og Lov! No har eg ein 1.5 time ventetid før fly nr 3 skal ta meg siste rest av vegen til Sydney/Australia.

Ja, eg skal til Australia igjen... Har ein crazy venninner som ynskjer å studere meir der nede så MÅ ein jo benytta sjansen til å reise på besøk. Så om ikkje altfor lenge startar den forhåpentlegvis solfylte ferien ilag med Camilla og hennar kollektivvenninner Leyla og Cathrine. Ingen konkrete planar for ferien endå, men fleire ting har vore nemnt: Perth, roadtrip på vestkysten, Brisbane, Fraiser Island, Tasmania, Camping i Kangaroo Vally og Uluru (men den er blitt nedstemt pga sommertemperaturar opp mot 40-45 grader denne tida av året).

Uansett kva som skjer så skal eg prøva å få laga nokon innlegg her iløpet av turen. Overflødig sol loves sendt heim til trengande i Noreg :)

Varme hender!

2011-12-31T01:33:00.001+01:00

Øverst høyre og nedover: Jorids Fisherman's Friends vott, Herre selbuvott og Kollenvotten, Sjølv"designa" pulsvarmarar med dødningehovud. Øverst til venstre og nedover: Digital Chain votter og Hedgehog/pinnsvin votter

Denne jula har eg hatt eit lite "varme hender" proskjekt på gong. Eg har alltid likt selbu vottar og vottar som er litt uvanlege. I leiten etter spanande oppskrifter på votter har eg i år benytta mønsterbutikkar på nett, internett, bøker om Selbuvottar og designerhjernen min :)

Herrevottar er det som har vore vanskeleg i denne samanhangen. Eg har ikkje mannehender (forståeleg nok). Eg har hatt ein del oppskrifter på herrevottar, men om desse vert store nok når eg er ferdig har eg heller vore litt usikker på. Begge vottepara som er i svart/kvitt er herrevottar. Eg har og redigert begge tomlane på desse vottane. For å vera sikker på at eg fekk store nok vottar så gjekk eg for oppskrifter med mest antall masker. Dei blei iallefall litt for store for mine hender, så håpar dei blei passelege til hendene som skulle fekk dei. Å laga damevottar er litt enklare, då min hender kan benyttast som testarar :)

Pulsvarmarane er laga på eit innspel frå mora til mottakaren. Mottakaren er veldig glad i Pirates of the Caribbean og hadde vist i vore opphengt i pulsvarmarar denne hausten. Så søkte fram eit mønster på dødningahovud og fant ut ca kor mangen masker eg burde ha. Mottakaren er jo kun 7 år. Etter meldingen og mms som eg mottok på julafta så falt dei i smak, og passa relativt ok til bunad :)

Pinnsvin vottane var eit ork å strikka, men du og du kor søte dei blei til slutt. Så kjem nok til å trosse orket for å strikka desse igjen. Og fleire selbuvottar vil det alltid bli, eg syns det er veldig kjekt å strikka faktisk :) Selbuhanskar er heller litt meir bob bob...

Typisk at det blei den varmaste vinteren nesten i mannsminne når eg gjev vottar i julegåve, så eg kryssar fingrane for kaldare vær i januar og februar :)

Vel overstått jul og GODT NYTTÅR alle saman!!

Velkommen Gunvor!

2011-12-30T21:54:00.001+01:00

Bjørnar og Hanne blei foreldre til Gunvor den 9. des. Gunvor blei dotter nr 3. Ho er heldig som får to storesystre (Oline og Lykke) som kan passa på ho og læra ho alt ho treng. Ryktene, som eg velgjer å tru på denne gongen, seie at når jentene fekk sjå det nye tilskotet for fyrste gong var der ein del falsett lydar :) Eg måtte kjempa hardt for å ikkje komma med tilsvarande utrop når eg såg Gunvor for fyrste gong, ho var kjempe søt (nett som systrene hennar).

Når eg fekk vita at Gunvor var påveg så spurte eg Hanne kva ho skulle likt å få i babygåve. Det einaste ho kunne komma på er eit pledd eg har strikka før (faktisk inspirasjonen til å byrja å blogga) og det blei sjølvsagt laga. Oppskrifta er frå eit gamalt Sandnes Garn hefte som eg har fått av mamma. Til pleddet var det og ein sparkebukse med hue og sko til. Så dette ville eg og gjerne laga til Gunvor.

Pga eit par små garnproblemer så blei eg ikkje ferdig med dette før etter Gunvor var komt til verda. Med garnproblem meinar eg at eg gjekk tom for garn... Garnet eg brukte var Pickles Baby Merino. Og når eg bestilte nytt så fekk eg feil farge. Så då måtte eg ta kontakt med Pickles og dei fiksa alt for meg, så servicen der er absolutt upåklageleg. Så med korrekt garn i strikkekorga att så fortsatte produksjonen, men den blei litt forsinka. Til gjengjeld så fekk eg møta Gunvor og gitt gåva samstundes, det var veldig kjekt :)

Sidan eg ikkje strikka noko nevneverdig når Oline og Lykke var baby så fekk eg lyst til å gje noko ekstra denne gongen. Denne kjolen strikka eg for lenge sidan, men følte den var perfekt i denne samanhangen.

No gjenstår det å følgja med oppveksten på denne skjønningen og eg gledar meg. Har vore veldig koseleg å vera tilstade i oppveksten til Oline og Lykke så langt.

Snart kan det kanskje bli hytteturar igjen??

Angry Cake Day

2011-10-30T14:30:00.001+01:00

Eg har laga kaka att!

I vår spurte Kristina (ei venninne og kollega) meg, litt på kødd, om eg kunne laga ein Angry Bird kaka til bursdagen hennar. Eg vil berre ha det sagt, eg køddar ikkje når det kjem til kakebaking :)

Men eit problem med dette temaet er at eg er ikkje bitt av Angry Bird basillen. Så hadde ikkje all verda med kunnskap. Men det stoppar ikkje ein stakkars hobbybakar. Det er det ein har internett til og venner med iPhone og Angry Bird. Så lasta ned ein del bilete på nett og fekk spele litt på Kristina sin mobil. Dette ilag med eit par bloggar så forma ideen seg i hovudet mitt.

Bloggane som har inspirert meg til denne kaka er Passion 4 baking, Sweetapolita og Bakerella. Så etter ein del fornøyeleg "research" falt valget på Red Velvet kake. Som eg fylte og dekka med den kvite smørkremmen som eg brukte forrige gong. Eg bestemte meg og for å dekke kaka i marshmellow fondant som eg brukte forrige gong, men denne gongen skulle eg farga den. Så gjenstod det å komma på noko lurt når det gjaldt figurane, for eg viste eg måtte ha 3D figurar på kaka. Då slo tanke meg - Cake Pops!. Eg har lest mykje om dette fenomenet så eg laga eit vanleg sukkerbrød, smuldra det og blanda i Creme Brulee frå Piano til det blei ei masse som kunne formast. Forma og satt i kjøleskapet. Smelta kvit sjokolade som eg farga og dyppa birdsa og pigsa i :) Har brukt fondant til hjelm, nebb og stjert. Mini marshmellow blei auge... Kun fantasien setje grenser. Bakerella er nemleg dødsdyktig på Cake Pops. Eg har benytta Wilton sin fargepasta, veldig bra produkt. Fyrste gongen eg oppleve at fargeprodukt ikkje skille seg i f.eks smørkrem. Eg fant ut at Jernia var forhandlarar av Cacas som igjen forhandla Wilton i mitt nærmiljø, og heldig som eg var så hadde dei Wilton :)

Så den 25. okt var det kakeselskap på jobben, alle lunsjkoleggaer var invitert. Vel overstått Kristina!

Supersize Bamsemums

2011-10-17T22:35:00.002+02:00

Eg har hatt store kakebake planar igjen. I januar iår laga eg stor kaka til Hege sin bursdag. I helga hadde Tommy (forloveden til Hege og god kompis) bursdag. Så på kafebesøk med dei i forrige veke så spurte eg han: Kva ynskje du deg til bursdagen då Tommy? Svaret var enkelt no: Nei, ein pose med bamesmums?
Då byrjar dette hovudet å tenkje, før eg var på bussen heim den kvelden så var kaka ferdig planlagt.
Då var det berre å gjennomføre planen.

Forarbeidet:
Har nyleg falt innom ein blogg som eg berre diggar, kakebakedama frå USA. Sweetapolita lagar kaker som ein berre lurar på om er like gode som dei ser ut på bilete. På hennar blog fant eg oppskrifta til ei vanilje kaka. Stor røre, men veldig god! Anbefalar dei som likar å bake kaker i ny å ne å koste på seg eit litermål som viser Cups, plagsomt å prøve å rekne om til g og dl. Kjøpte og inn bamsemums, måtte jo ha ein modell å teikne etter når eg skulle laga mal. Fyllet eg valgte til kaka var sjokoladekrem med kaffi i. Så det var berre å stabla kaka slik at den er klar for skjæring/forminga.

Ein bamse vert født:
Med malen klippa ut så er det berre å skjære vekk alt som malen ikkje dekker. Så er det å forma kaka slik at den går opp og ned på dei rette plassane, heilt til det som var rektangulær kake med 4 lag likar meir på ein forvokst bamsemums. I det fyrste laget med fyll klippa eg og opp nesten ein heil pose med bamsemums, kvifor ikkje prøva korleis det funkar. Når eg var fornøyd med skjæringa mi så er det å drive med dirty icing som det heiter å godt amerikansk. Det betyr at kaka vert dekka av ein eller annan icing/frosting/fyll/krem. Kvifor gjer ein dette? Jo for at kaka ikkje skal smule over alt når ein jobbar vidare, pluss dersom ein skal dekke kaka med marsipan eller fondant så henge denne fint på kaka. Det hjelpe og til å jamne ut kantar og avrunde hjørner. Eg brukte Cacas sin kvite smørkrem til dette. Bamsen fekk litt rundare formar med denne kremmen :)

Fondant:
Hadde planar om å ha smelta sjokolade over heile kaka, slik som ein ekta bamsemums har. Men for at sjokoladen ikkje skulle trekke inn i sjølve kaka så bestemte eg meg for å laga marshmallow fondant, for fyrste gong. Forrige gong laga eg sukkerpaste, så då måtte eg gjere noko nytt no. Nok ein gong så brukte eg oppskriften eg fant på Cacas. Advarsel: 300 g melis var altfor lite, eg knadde og knadde og knadde og knadde... Heldigvis så blei fondanten metta med melis til slutt, så fekk kjevla den ut og lagt på bamsen. I tillegg så prøvde eg meg på å farge fondanten, så dekka og to "små kaker" aka avkapp. Har då i dette forsøket funne ut at marshmallow fondant treng MYKJE melis men er veldig ok å farge. Så no var det inn i kjøleskapet med kaka.

Ferdig bamse, god nok til å ete opp!:
Den skal trekkast med lys kokesjokolade. Så 3 plater har eg oppi ei skål over vannbad. For at sjokoladen skal bli glattare så har eg i 1 ts kokosfett. Dette satt litt smak på sjokoladen, men det var berre godt :)
Så var storebjørn og lillebjørn klar for fest :)

Med kaffi eller te i koppen så kosa vi oss ein liten gjeng med bamsemumskaka og sjokoladekake. Vi fortsatte med ost og kjeks, så skal love vi var mett etterpå ja :)

Tusen takk for ein strålande kveld Tommy og Hege!!

5 år på overtid

2011-10-09T20:55:00.002+02:00

Vennene mine på Facebook har nok den siste veka lagt merke til at eg har sove på ei madrass på golvet i stova. Kvifor har eg det? Jo eg har pussa opp soverommet. Forrige helg sparkla og pussa eg veggane på soverommet. Eg klarte å velgje farge til veggane og handla inn malingen. Eg fekk og på 2 strøk. Malingen eg valgte var Lady Pure Color i ein grå-grønn farge, og har no lært at den malingen luktar ein del... Det tek og lang tid å lufta ut, derfor har eg lagt på stova heile forrige veke.

Natt til idag var fyrste natta tilbake på soverommet og senga. Der har vore ein del oppgraderingar og i tillegg til at veggane er blitt malt. I sommar fekk eg hjelp av mamma og pappa til å tapetisere eine veggen på soverommet, veldig nøgd med tapeten eg endeleg valgte. Når eg endeleg bestemte meg for maling så funka jo det og. Før hadde eg ikkje bokhyller på soverommmet mitt, dei er flytta inn frå stova idag. Har og laga klar 3 bæreposar med bøker eg skal kvitta meg med. Eg hadde heller ikkje PC bord på soverommet mitt, dette har eg montert idag (har fått blemme i skrujern handa mi) etter at Irene hjalp meg opp i leiligheita med det igår. Så endeleg har eg ein stad å setje laptoppane og skanner/printeren min. Har og fiksa meg ny overmadress til senga mi, sjølv om det ikkje er synleg... Einaste som manglar no er lister, nye gardiner, ei ny taklampe og nattbordlamper. Så nærmt ferdig har aldri soverommet mitt vore :)

2011-10-02T18:00:00.000+02:00

Dette er min Still light tunika. Fyrste gongen eg såg oppskriften så viste eg at den berre måtte eg laga. Den blei strikka kort tid etter eg fekk oppskrifta, og den er i Pickles Baby Merino i grå og røsslyng. Eg elskar det garnet, det er så mjukt og deilegt pluss behagleg å strikka med.

Tunikaen blei ferdig for vel 4 mnd sidan, har berre ikkje fått fingen ut og festa alle trådane. Skulle likt å kunne knipse fingrane mine og alle trådane var magisk festa. Men sidan eg ikkje har slike krefter så måtte eg ta eit tak...

Er veldig fornøyd med resultatet. Har brukt den eit par gongar alt og. Sukk, kven treng kosedressar når dei har ein still light tunika i skapet! Denne skal eg kosa meg i fleire gongar utover hausten og vintaren :)

Fisker og baby

2011-09-22T17:14:00.000+02:00

Av og til så får vi alle særdeles gode idear, iallefall så syns vi det sjølv. I forkant av årets blåtur med jobben fekk eg ein slik ide. Tema for blåturen var Maritimt, og på bussen heim frå jobb ein dag så slo det meg... Eg hadde tidleg i min strikkekarriere lagt merke til oppskrifta til nokon huer som var forma som fiskar. Og når ein tek på seg desse huene så ser det ut som at fiskane prøvar å bite av deg hovudet. Så inn på nettet og fant oppskrifta på Knitty.

Fant fram restegarn og strikkepinnar og kasta meg over oppgåva. Fant og ut at denne ideen var så bra at eg måtte dela med andre. Så til slutt så blei det 4 fiskar, ein heil liten stim :) Huene falt såpasse i smak at eg vant ein premie for godt påkomme "utkledning". Fekk og bestilling frå ein kollega på denne rosa fisken på bilete. Den blei avlevert og særdeleg godt mottatt denne veka, noko som var veldig kosleg. Så det gjenstår kun å spela premien min, nemleg Boules.

Andre kollegaer driv med babyproduksjon. Det har ikkje vore ynskje om å dele kunnskapen om kva kjønn denne nye verdensborgaren skal få, før etter garnet var bestilt (på Pickles) og hentesettet var påbegynt. Men uansett kjønn så håpar eg settet fell i smak. Den vordende mora må berre komma tilbake på jobb etter sjukefråværet sitt... Oppskriften er Pickles sitt Melkers Hentesett strikka i Pickles Extra Fine Merino. Knappane er bestilt på etsy.

Helga som kunne regna vekk, men gjorde det ikkje...

2011-09-14T00:45:00.001+02:00

Helga som allereie følast milevis unna (altså den siste helga), var begivenheitsfull i Bergen by. Der var Bergen Matfestival, Bergenhusdagene, skipet frå Pirates-filmane låg til kai pluss ein del gamle kjenningar (Stord I, Granvin og Oster bl.a). Og særdeles skiftande vær, noko eg reknar med ein kan sjå på bileta under. Så innimellom sveler, sol, fotografering, fiskekaker og øs pøsande regnvær så var det tid for å ha det kosleg og.

På bileta ser vi kor gråsporven kosar seg i Skomakerstredet, godt gamalt øs pøsande regnvær med særegen karakter, skipet Bounty (bygga for filmen "Mytteriet på Bounty" på 70-tallet) som har hatt rollen som The Black Pearl i Pirates of the Carribean-filmane, og galningane i riggingen er på Statsraaden. Tusen takk for lufteturane til Kristina og Kenneth på laurdagen og Tommy og Hege på søndagen. Blei lite sparkling, men ville jo ikkje vore utan sveler, godt selskap og omvisning i Rosenkrantztåret på Festningen heller... Sparkle kan eg gjere til helga att :)

Hyttetur - makrell og tyttebær!

2011-09-13T15:00:00.000+02:00

Siste helga i august måtte eg benytta siste sjansen til å bruka bilen eg var bilpassar til heile sommaren. Var meininga å reise heim til sogn, men foreldra mine hadde planar om å reise på hyttetur til Skifjorden. Der var meir enn nok plass til at eg kunne vera med dersom eg ville og, så kvifor ikkje. Pakka sekken torsdagskvelden og pakka alt i bilen når eg reiste på jobb fredagsmorgonen. Reiste direkte frå jobb mot ferja på Oppedal - Lavik. Der møtte eg mamma og pappa og fulgte dei resten av vegen.

Fredagskvelden slappa vi av, blei med kveldsmat og preik før alle la seg rimleg tidleg. Hadde nemleg fått grei beskjed om at det skulle fiskast denne helga, og vi kunne ikkje vera for seint ute på vatnet.

Laurdagen byrja med felles frukost. Så steika vi kvar vår omelett som vi pakka med oss til nistepakke, ilag med ei kanne kaffi og ein liten termos te. Det regna denne dagen, så utkledd som småungar påveg til barnehagen i Bergen så gjekk vi til båten :)

Med himmelen i hovudet og regn i fjeset så tøffa vi utover fjorden, runde fyrtårent og la oss til. Slapp uti to pilkar med tyttebærkrokar og ei fiskestang med diverse. Plutseleg så ville ikkje pilkane synka meir, og når vi byrja dra opp så var dei snøra definitivt i live. Å dra opp eit snøre og sjå 4-5 raske makrellar på tyttebærkrokane er eit rush. Var veldig gledeleg og sidan vi hadde jo håpa på å kunne få litt makrell og då. Etter eit par gongar der snøret aldri kom halvveges til botn og ca 30 makrell seinare så satt vi foten ned (bøtta var FULL). Så utpå fjorden så måtte pappa byrja å sløye, noko stor måken likte veldig godt :) 6 timar seinare og ca 30 makrellar rikar så reiste vi heim.

Heldigvis så fekk vi litt opplett på søndagen, så då fekk vi alle nyta utsikten og terrassen. Eg fekk og plukka eit par verkelege tyttebær utan krok. Desse fekk farmor, ho er veldig glad i rørte tyttebær. Etter stekt makrell til middag og ein kjapp utvask så gjekk vegen heim att. Ei strålande helg må dette definitivt kallast :) Tusen takk mamma og pappa!!

Tida flyr...

2011-08-14T20:42:00.000+02:00

Eg har hatt ein LANG bloggtørke, for å seie det mildt. Den blei faktisk like lang som vinteren vi fekk denne gongen. Rett før snøen forsvant og livet byrja å komma tilbake til Noreg så gjekk det opp for fleire av meg og mine venner at vinteren hadde vart i 6 mnd. Min blogg tørke har vore litt lenger, men skal no prøva å oppsummere tørketida slik at eg kan komma igong att med ny frisk :) Vinteren var lang, men der var eit par flotte dagar då og.

I vinter blei eg veldig hekta på å strikke selbuvottar, sokker og inne-strikke-sko. Reknar med å selgja til folk på jobben. Det er ikkje den varmaste plassen på jord på kalde dagar, så der er det behov for varme plagg. Blei hekta på mønstera til Jorid, så vottane i effektgarn er begge hennar mønster. Mønsteret til dalahesten hugsar eg ikkje kor eg fant no. Den raude og gule votten er Stjørdalsvotten, fant den som kit på Værnes flyplass påveg heim frå eit møte i Trondheim, måtte berre kjøpa :) Alle er strikka i reint ullgarn av forskjellege typar. Inne-strikk-skoa mine har eg i det siste strikka i Colorado, kjøpt her. Oppskrifta til Inne-strikke-skoa er kjøpt hjå Ateljè Margarethe. Sokkane hugsar eg ikkje kva mønster eg har benytta, men det lilla garnet er arwetta. Der vert nok meir av dette gjennom året :)
I februar blei eg og bror min invitert til å møta mamma og pappa i syden for ei veke med sol, avslapping og ikkje minst familiehygge. Det var deilegt!! Kor mangen er det som reise til syden, kjøpe seg eingongs grill og grillar pølser og småpølser på plenen? Storkosa oss!!

I påsken har eg og bror min dei siste 4-5 åra laga 3-retters middag til heile familien. Vi pønskar ut menyen eit par måndar i forvegen, planlegge kven som handlar inn kva, så kokkelerar vi ilag og byr på god mat og drikke. Iår laga vi skalldyr risotto til forrett. Kalvesteik med fløtegratinerte poteter og diverse grønnsaker. Til dessert hadde vi laga pannacotta med bærcoulie. Vi blei alle like mett som etter jule og nyttårsmiddagane :)

Har hatt ein liten tur til Luxembourg. Ein flott plass og definitivt vert å besøkja. Så neste gong du har lyst på ein storbyferie men ikkje veit akkuratt kva storby å besøkja, vurder Luxembourg sterkt. Resten av Europa er kun korte togturar unna, f.eks Paris er 2 timar hurtigtog, Trier (Tyskland) er kun 30 min togtur unna. Men Luxembourg har mykje å by på av ting å sjå og historie. Folk var veldig hygglege, maten var god, shopping og sightseeing m.m :)

Der har vore forøkningar i verda, og nokon har faktisk eg og strikka til (og hekla faktisk). Dette blei eit sommarbarn, født 2-3 veke for tidleg. Eg fant ut at ei jakke i tynn bomull, og oppskrift blei Garder Yoke Baby Cardigan. Pleddet er enkle bestemorsruten i Spar Kjøps Baby Superwash. Kjekt å høyra at begge deler vert brukt regelmessig :) Kanksje eg må strikka ein vintersett til vetleguten Sander til vinteren?? :)
Sommarferien har eg tilbrakt heime i Sogn. Rundt huset har det florert med småfuglar, meir enn noko år tidlegare. Reknar med det er eit resultat av pappa sin trufaste mating av alle småfuglar dei siste par vinterane. Det er ei fryd å sjå og høyra alle småfuglane, men det er og moro å prøva å fotografere dei. Kamera låg alltid klart med telelensa klar denne sommaren. Under er eit lite utdrag av det vi hadde i hagen :)

Dette er noko av det eg har gjort på i bloggtørketida mi når eg ikkje har sete i sofaen med strikketøyet i fanget, vore på trening, vore med venner, spelt brettspel o.l.

Håpar no å komma igong med litt meir regelmessig blogging att. Det er litt med blogging som med slanking og trening, det er tungt å komma igong men når ein fyrst er komt igong så går det delvis av seg sjølv :)

Kake - American style

2011-01-30T17:56:00.011+01:00

Eg laga KAKA i helga, skikkeleg american style. Lysten har vore der lenge, så når Hege hadde bursdag så følte eg tida var dags for å prøva seg. Så byrja å planlegge der og då. Var innom mangen tema fær eg fekk ideen til å laga ein Sugar skull, og den ideen satt seg fast :) Til høgre er ein av mangen inspirasjonskilder.

Så då var ideen klar, men kva kaka ville eg ha, kva kremmar, korleis ville eg pynta den osv. Så tok for meg internett og ein liten tur på bakebutikken. Så kakene blei bestemt fyrst; cappoccino kaka, kokoskaka og sjokoladekaka. Så var det kva som skulle vera mellom kakene og kva ville eg ha oppå kaka. Mellom laga blei det kaffesmørkrem. Utanpå blei det vanilla icing og heimelaga og heimefarga sukkermasse. Og alt, bortsett frå sjokoladekaka, laga eg for fyrste gong i helga.

Fredagen steika eg alle langpannene. Laurdagen laga eg kremmane, stabla kaka, kutta den til, laga sukkermassen og farga den, kjevla den ut og dekka kaka. Og så pynta deg den med marengs icing, sukkermasse (blomstra, stjerne, hjarte m.m), sølvkuler og tusj med matfarge. Blei ferdig og henta med kaken ca 19:30 laurdag kveld. Tente lysa og ringte på dørklokka, kjekt å komma med kaka på litt anleis måte :)

Søndagen laga eg pikekyss av resten av marengs icingen. Dei såg giftige ut fekk eg vita av døtterene til eit vennepar, men dei var vist berre farlig gode :)

Har allereie byrja å tenkje på kva kaka eg skal laga neste gong, for dette var veldig kjekt :)

Sydney Operahus

2010-12-31T10:55:00.001+01:00

Dette bygget treng ingen introduksjon reknar eg med :) Det er jo ein interesant og litt rar bygning, men ein ting skuffa meg stort... På kveldane så var den sjeldan og aldri opplyst, og dette er ein bygning som ber som å bli opplyst. Bergen er flinkare med å lyse opp Ulrikken enn Sydney var til å lyse opp Operahuset på nattestid. Nattebilete eg har av Operahuset var berre eit eingongstilfelle, vanlegvis var der toppen 3 lommelykter som lyste på det. Trur Operahuset er den eine tingen eg kan seie eg har gjort meg ferdig med i Australia...

Resten av Australia må nok besøkjast igjen. Ein veit at det er eit stort land, men at det var så stort blei iallefall eg klar over fyrst når eg kom ned. Neste gong skal eg ikkje reise på slutten av året, heller på starten :)

Jentetur til Melbourne

2010-12-30T10:00:00.001+01:00

Ein liten gjeng på 5 jenter tok turen til Melbourne; meg, Camilla, Rine, Leyla og Cathrine ("samboaren" til Leyla). Tiger Airways er ikkje å anbefala når det skal flygast innlands i Australia...

Melbourne er ein by som virkar til å vera veldig ulik mangen av dei andre byane i Australia. Den har eit meir europeisk preg. Byen lønnar og ein liten hær med kunstnarar som har i jobb å dekke over tagging. Byen er og dekka av kunstverk langs gatene og inn i smug. Ein må følgja med heile tida.

Bileta, øverste halvdel:
Øverst til venstre: Ved eit overgangsfelt midt i byen traff vi på desse tre karane, skikkelege sjarmørar. Vi var solgt alle :). Vetle bilete under til venstre: St. Pauls Cathedral ala Australia. Ei flott kyrkje, men ikkje like imponerande som motparten i London. Vetle bilete under til høgre: Tre benkar var plassert utanfor St. Pauls og foran dei stod det Ladies only. Den var ny, og karen som satt seg brydde seg ikkje så veldig. Stort bilete oppe: Cooks Cottage, som i barndomsheimen til Capt. Cook som "oppdaga" Australia. Flytta til Melbourne frå England, stein for stein. Vetle bilete oppe og nedover (3 stk): Dette er kopi av fosilet til eit maurpinnsvin. - Så har vi det artig i hagen til Cooks Cottage. Trur ikkje eg har ledd så mykje på det eg kan minnes. - Så har eg klart å ta eit bilete av solnedgongen over Melbourne frå toget frå ein bydel litt utanfor.
Underste halvdelen:
Vetle bilete oppe til venstre: Denne papegøyen eksisterte kun for å dekka over nokon som ikkje såg like kult ut på same veggen. Det same gjelder det storte bilete til høgre. Det midels store bilete nede til venstre er ein installasjon som vi tilfeldigvis såg inn eit smug og måtte sjekke nærmare. Hang på veggen frå 3. etasje og ned til litt over døre i 1. etasje. Skikkeleg kul. Resten av dei små bileta visar korleis heimelaga/handlaga drops blei til. Dette oppdaga vi i eit butikkvindauga vi gjekk forbi, så den butikken måtte vi sjølvsagt inn i :)

Gjentar at Tiger Airways er ikkje anbefalt til innlandsflygning i Australia. Dårleg info, plutselege ekstra utgifter og veldig varierande service. Ellers var Melbourne ein opplevelse, der det gjenstår masse.

Taronga Zoo

2010-12-29T12:00:00.000+01:00

Ein liten ferjetur frå Sydney Harboure ligger Taronga Zoo. Dit reiste eg, Camilla og Leyla (ein medstudinne av Camilla). Alle er vi fans av søte dyr. Så dette kom til å bli ein kanon dag :)

Bileta:
Øverst til venstre: Her er Sydneys største landemerker sett frå kaien til Taronga Zoo. Midten oppe: Koalaer er søte, og dei vert ikkje mindre søte når dei søv i stillingar som er ubeskrivelege. Midten under: Virka som fleire enn oss nøt sola den dagen. Øverst til høgre: Fluffy profil av beste sort. Vil KOSE med!!! Midte venstre til høgre: Sebraene delte innhegning med sjiraff, søte var dei alle. - Vi såg og Edderkoppaper, i solsteiken hadde dei søkt tilflukt i skyggen og tok seg likegreitt ein lur. - Eit anna landemerke i Sydney er Sydney Tower (dit kom eg meg aldri). - Vi kom oss på hagens selshow, her demonstrerte ein sel kva dei kunne finne på å gjere med eit stykke fiskegarn som kunne flyte rundt i havet. Moro på show, ikkje fult så kjekt på skikkeleg. - Surikat'er er noko av det søtast på ein savanne, det er iallefall eg overbevist om.
Under til venstre: Gjennom glass kunne vi trygt beskue løvene. Hannløva ved Taronga var eit imponerande skue. Flott kar. Midten oppe: Taronga Zoo hadde nyleg fått ein ny "innbyggar", ein dødssøt liten baby elefant. Midten under: Pingviner!!!! Treng eg seie noko meir? Under til høgre: Sjølvsagt var der kenguruar i hagen og. Innhegningen hadde sikkert alle typar kengurudyr i seg, og den fekk vi gå gjennom :)

Nok ein kjekk dag i Australia. Rart eg kom til nesten 1300 bilete på turen?

Bondie Beach - sun, surf og badevakter!

2010-12-28T22:14:00.000+01:00

Bondie Beach var ein sjølvsagt strand å besøkja, og ja eg har sett på Bondie Rescue. Men når vi var på Bondie så forstod eg kjapt at eg ikkje har sett nok. Veit absolutt ikkje kven av livvaktene på TV'en eg har eller ikkje har sett. Når vi ankom stranda såg vi at filmteamet var på plass denne dagen, men der var lite action. Såg ein gong at 2 politifolk kom springande ned trappa ved vakthuset, hoppa opp bakpå den lekre vetle badevaktbilen og blei kjørt bortover stranda. Filmteamet kom styrtande etter 2 stk på ein ATV. Meir fekk eg ikkje med meg dessverre.

På bileta er der litt fokus på badevaktene og vakthuset. I tillegg er der eit bilete av Camilla som benytta tida på stranda til å lese bok og jobba med brunfargen. Der er og eit bilete av 2 ridande politi som patruljerte stranda og promenaden. Hestande var pynta med nissehuer :)Eg benytta dagen på Bondie til å bada og sola meg. Eg holdt meg ikkje mellom flagga, men eg symde heller ikkje. Blei til at vi gjekk utover til vi hadde havet til midt på magen, dukka oss under og gjekk tilbake. Vi kosa oss på Bondie Beach, det var faktisk vanskeleg å ikkje gjere det.

Sydney Chinese Tea Garden

2010-12-28T12:02:00.002+01:00

Blei kjent med to jenter i Australia. Rine kom ilag med Camilla til Australia for å studere, Beate kom ned for å besøkja Rine. Vi tre tok ein tur på Chinese Tea Garden siste dagen Beate var på besøk. Roen i den hagen var utruleg når ein såg alle dei store husa som omkransa hagen. Der var flotte bonzai tre, små stiar omringa av bambus som susa i vinden. Ein rundtur blei avslutta med te og brus i tehuset i hagen. Ein veldig flott opplevelse. Så tusen takk til Rine og Beate som ville vera med meg :)

Whitsundays, GBR og Cairns

2010-12-27T12:00:00.003+01:00

Vi bevega oss, men tilgongen til pc etter vi kom att var litt sporadisk og ikkje med tanke på å laste opp bilete eller å laga blogginnlegg. Kva har vi romjula til :)

Vi hadde planlagt noko, men pga særdeles dårleg vær så blei det gjort litt endringar. Vi enda med å reise til Hamilton Island, ta båt til Long Island, overnatta der 4 netter for å dykke (men blei regn, backgammon og strikking istaden), så droppa vi Fraser Island (grunnet dårleg vær og flomvarslar), reiste til Cairns (med Greyhound), livabord båt på Great Barrier Reef (2 dagar, 1 natt og 6 dykk), tilbake til Cairns 1 dag før vi måtte tilbake til Sydney fordi Camilla måtte pakke seg ut av hybelen sin.

Bileta: Øverste halvdel er frå Whitsunday Islands (Long Island) og underste halvdelen er frå Great Barrier Reef og Cairns.
Øverste halvdel fyrst; Stort bilete: På resorten gjekk ein del Wallabys laus, blant anna ei som hadde ein Joey (namnet på babyane). Desse to måtte eg følgja etter og fotografere ein del. Vil kosa med!!! Mindre bilete oppe til venstre: Her er ein Knelar. Denne kom flygande ein kveld vi satt ute og såg på tropenatta. Eg måtte sjølvsagt fotografere, men eg blei vist litt for innpåsliten så han gjekk til angrep og eg flykta høglydt og Camilla LO!!. Oppe til høgre: Flygehundar. Desse hang i massevis i eit tre bak hovudinngongen til resorten og dei BRÅKA, skråla noko heilt sinnsjukt. Nede til venstre: Heldigvis såg vi ikkje så mangen av denne typen up close, sjølv om der var edderkoppar over alt. Vi gjekk tur i "regnskogen" på øya når det slutta å regne, og der var høg armføring nesten heile vegen (fram og tilbake). Nede til høgre: Vi fekk eit veldig nært forhold til hotelparaplyane våre. Her er vi på ein liten tur til andre sida av øya med paraplyane. Andre sida av øya (i forhold til der vi budde) var heile 100 m (toppen).

Underste halvdelen, småbileta: Oppe til venstre: Her er vi påveg ut til Liveabord båten på Great Barrier Reef (GBR) for å dykka. Påvegen ut får vi ein liten gjennomgong av reglar på båten, korleis opplegget funkar og kva vi kan forventa oss av dykkinga på GBR. Oppe til høgre: Solnedgongen mot fastlandet frå liveabord båten. I det eg tek dette bilete får vi beskjed om å gjere oss klar for å ta eit nattdykk på GBR. Når vi står klar for å hoppa i havet ser vi lyn i same rettningen (men ingen lyd). Nattdykk på GBR var konge! Nede til venstre: Kan du tru det? Eg gløymte å ta med batteriladaren til kompaktkamera mitt (undervannskameraet), så eg fekk kun tatt ca 10 bilete på 6 dykk. Nedtur! Vi såg hai, men fekk ikkje noko bra bilete av det før batteriet gjekk tomt. Såg mykje anna kjekt der og. Nede til høgre: Cairns Lagoon. Der var nemleg observert krokodiller langs strendene i Cairns så folk var oppfordra til å halde seg unna. Lagoonen var staden der folk samla seg for å kjøla seg ned. Stort bilete: Turistbrosjyrebilete av GBR. Blått roleg hav og ein båt mot horisonten :)

Vi bevegar oss

2010-11-29T09:35:00.006+01:00

Då har eg og Camilla vore ein liten tur i Sydney på sightseeing. Dette skjedde på laurdag. Det blei ikkje så mykje som eg kunne tenkt meg, men dette var ikkje fordi lysten ikkje var der men fordi skoa ikkje var av typen gå langt og lenger enn langt...

Vi byrja med The Rocks, dette er området frå hamna og til under Sydney Harbour Bridge. Der var det marknad kvar laurdag. Haugavis med boder og mykje fint, faktisk så mykje at det blei litt overveldande. Så gjekk turen vidare inn mot hamna, her tok vi ein liten avstikkar inn i Botanical Garden (Oriental Garden-delen) og tilbake til Sydney Opera House. Dessverre hadde skoa drept føttene våre då så vi snitta berre bygningen. Men vi har planar om å komma tilbake seinare, og då SKAL eg gå amok der :)

Idag (måndag) har vi då fiksa oss fly til Hamilton Island, Whitsundays Island, litt nordover langs østkysten. Derifrå skal vi ta ein liten båttur til Long Island til Barefoot Lodge der vi skal bu til laurdag. Og gjett om eg og Camilla skal dykka på Great Barrier Reef derifrå :) Så har vi tenkt å bevega oss sørover mot Sydney, men skal stoppa på Fraser Island og teste ut campinglivet ala Australia. Når vi har fått nok av sand i rompesprekken så tek vi fyrste fly tilbake til Sydney. Camilla må nemleg pakka saman og flytta ut av hybelen sin. Men når det er gjort så finne vi nok på noko meir.

Oppdateringar, bilete og opplevelar frå turen som ligg foran oss no, vil nok dukke opp her :)

Den lange reisen

2010-11-20T02:50:00.004+01:00

Eg har vore på lange turar før, men aldri åleine. Alt er så mykje lettare når ein er fleire om å passa på kvarandre. Denne gongen skulle eg reise åleine og som de ser av boardingpasset mitt så skulle eg bytta fly eit par gongar. Min største frykt før turen starta var at eg kanskje ikkje fekk transit på bagasjen heilt fram, men det fiksa seg heldigvis :) Ruta var kanskje av dei litt knotete, men slikt må ein ta med seg når det er prisen på turen som rådar. Så på Kastrup var vedkommande som satt ved sida av meg så supersnill at ho fulgte meg til passkontrollen før ho gjekk for å henta eigen bagasje for så å køyra heim litt utanfor København.
I London Heathrow var det berre å følgja skilta, been there done that for å seie det slik. Neste stopp var Hong Kong International Airport (se bilete til venstre), betjeningen på flyet dit var fantastiske. I 11 timar og 20 min så var dei rundt i kabinen, smilande og blide og med mat, drikke og assistanse. Takk og lov for underhaldningssystemet i nakkestøtta på alle stolane. Såg 3 filmar, litt TV og høyrte litt musikk. Så var 11t 20 min puff - borte!
Siste og endelege stoppet på turen er Sydney. Slo mobilen på når flyet var komt til gaten, og klokka viste 06:53 lokal tid. Då var det ut, følgja skilta til baggage claime, fant ein minibank og tok ut litt peng. Gjekk gjennom passkontrollen, fekk baggasjen rimleg kjapt og må beklagar til alle som håpa å sjå meg på Grensevakten, men tollen tok meg 3 min... Så var det å finne bussane som køyrte til Central Station der eg skulle møte Camilla (togtrafikken var nemleg satt ut av drift idag, typisk). 1 time etter eg slo på mobilen var eg allereie på bussen mot sentrum faktisk. Så til høgre er bilete av inngongen som eg valgte å stå ved til Central Station.
Camilla kom til slutt, flyet var nemleg for tidleg og eg var for kjapp så stakkars Camilla blei for sein :)
I skrivende stund sit eg på leksepulten til Camilla og ser på den blå himmelen og kvite skydottar. Camilla høyre på ein lecture... Snart er det butikken som står for tur.
Eg er glad eg er framme, eg gledar meg til å sova inatt, eg er spent på kva ferien vil bringa.

Leopard med mjukt indre

2010-11-11T22:45:00.004+01:00

Tove, AC og Sissel (venninna til AC) var ein bitte liten tur til København. Var kjekt å høyre på alt dei hadde sett, gjordt og handla. Feira AC sin bursdag gjorde dei og, GRATULERAR igjen!! MMS'en av drinkane dei feira med kom til meg fyrst 2 dagar etterpå. Sikkert det kalde været som har sinka den :)

På bilete er den fantastiske overraskelesen eg fekk når dei kom heim. Den er artistisk innpakka av Tove, ho har nemleg mastergrad i gåvepakking :) Garnet, Onion er ein fin blanding med camel og merino, og med ein lekker, roleg lilla farge (perfekt). Gledar meg heilt sinnsjukt til å strikka med det. Trur eg må avvente med å strikka det til i jula. Må ha noko strikkesnop å gleda meg til og :D

TUSEN TUSEN TUSEN TUSEN TUSEN TAKK!!

Tida flyr, men har gjordt litt...

2010-11-11T22:19:00.003+01:00

Om ikkje mykje så iallefall litt. Har tatt ein del bilete, strikka ein god del og jobba endå litt meir. Har og bestilt årets ferie, og sidan den skal skje no snart så har eg måtte laga det meste av julegåvene for i år. Får litt lite tid til å fiksa alle ideane mine etter ferien. Og kor går ferien så seint på året spør du? Australia, for å besøkja ei veldig god venninne som har studert der det siste halve året. Det skal bli godt å få ferie snart, litt lite med nesten 11 mnd utan meir enn 1 veke ferie, nokon avspaseringsdagar og helligdagane på våren...

For å fortelja litt om bileta over så er dei resultatet ein tidleg søndag etter ein gløymsk nattkino laurdagen. Klarte å legge igjen mobilen på kinoen ei tid tilbake. Heldigvis såg vi siste filmen og vi var dei siste til å forlate kinoen. Så viste at mobilen ville vera på kinoen, men pga litt dårleg kommunikasjon mellom vaskebyrået og kinoen så reiste mobilen min på tur... Kinoen var behjelpeleg med å ringa opp vaskebyrået og fekk mobilen tilbake. Så i mellomtida gjekk eg å fotograferte litt i sentrum og fekk mobilen tilbake litt utpå ettermiddagen. Har meir flaks enn lovleg av og til :)

Fotosafari

2010-09-05T19:02:00.005+02:00

Allereie har det gått ei veke sidan eg, Tommy og Hege tok turen til Gamle Bergen og kaiområdet nedanfor. Blei plukka opp av Tommy og Hege og påveg til Gamle Bergen åpna himmelen seg. Ikkje noko nytt i denne delen av landet, men når planen er å fotografere så er ikkje regna alltid ynskje værforhold.

Men nokon gongar så har ein flaks i denne byen og, så idet Tommy styrte bilen ned til Gamle Bergen så slutta det nesten å regne heilt. Og som bileta kanskje visar så kom sola og blå himmel. Det blei med andre ord plutseleg ein fantastisk flott fotosafari i Gamle Bergen og omeng.

Avslutta fotosafarien med brødskiver med pålegg og visning av alle bileta heime hjå Tommy og Hege.

Tusen takk for ein kjempeflott dag Tommy og Hege :) Må gjentakast...

Luftig varm hals

2010-08-25T18:48:00.004+02:00

Denne sommmaren er ikkje den som går inn i historiebøkene som tidenes varmaste, beste, med mest grilling, flest flasker med solkrem tømt... Så har strikka pulsvarmar og halsar denne sommaren.
Denne halsen har eg "dikta" saman sjølv, og syns den blei veldig fin. Funkar veldig bra med eit par sko eg har i nesten same fargen :)

Denne er ikkje revlusjonerande, men etter å ha lest nokon strikkeblad så gjorde eg følgjande:
Garn: Pickles Cashmerino, 2 nøster
Pinne: 7mm

Legg opp 126 masker og strikk ein omgong rett.

Omg. 1: *1r, 1vr, 1r, 2r sm fra baksiden, 2 kast, 2r sm* Gjenta ut omg
Omg. 2: *1r, 1vr, 2r, strikk første kast rett, strikk andre kast vrangt, 1r*

Gjenta desse 2 omgongane til der er nok garn til å felle av med. Før felling bør strikket avslutte med omg. 2, då vert det lettast å felle.

Den nyaste verdensborgaren

2010-08-15T17:44:00.004+02:00

kom til verda torsdag 12. august. Så ein liten familie er født.

Nye verdensborgarar gå sjeldan ubemerka forbi. Så etter eg rette feilen fyrsten gongen (trudde det blei gutt...), så fekk eg strikka eit Melkers Hentesett i krem og baby-rosa. Det å sende det til ho mor var ikkje like lett. Hadde settet i veska i sikkert 2-3 veker før eg fekk fingen ut. Men fekk sendt og det kom fram før tulla blei født.

Ynskje den nye familien alt vel :)

Ei lita ferieveke

2010-08-15T17:33:00.003+02:00

Veka etter Muse-konserten var eg heime i sogn. Der venta eit hus som trengte eit nytt strøk maling. Men før ein malar så må ein vaska med kraftvask. Været var så som så, men vi hadde heldigvis ein del opplett med vind så når vi fyrst byrja så gjekk alt knirkefritt. Når eg reiste tilbake til Bergen etter ei veke var der berre mindre ting som gjensto å mala.

Hadde sjølvsagt med kamera og ikkje alle bileta var av pappa og broderen som vaska huset (hjalp til altså). Edderkoppen satt no berre der. Fant og nokon fluer i mangen flotte fargar men den rotne soppen dei stod på var ikkje så delikat...

Sommerkonserten - Muse

2010-08-15T16:58:00.003+02:00

Bedre seint enn aldri er det heldigvis noko som heiter, har nemleg ikkje vore heilt i bloggehumør i det siste. Så sommerkonserten den 23. juli kjem fyrst no.

Britiske Muse tok turen til Bergen denne fredagen. Det var lange fare for været, men det blei knakande bra :) I sola prøvde Magnet og White Lies å varme opp publikum før hovudattraksjonen kom på scenen.
Muse var imponerande, så det blei ein fin start på ferieveka eg byrja den dagen :)

Ingenting muffins

2010-07-15T21:22:00.004+02:00

Er det nokon som er i vinden for tida, truleg over heile verda, så er det muffins. Har alltid likt dei amerikaske ekstravagante muffinsane, men klarar eg å laga noko liknande? Har mine tvil, men utan å prøva så får eg det iallefall ikkje. Så jakten på muffinsoppskrifter var i full gong.

Har funne fleire bloggar der ute med mangen flotte muffinsoppskrifter. Har til no prøvd 4 muffinstypar frå Pickles.

Nr 1: Sitronmuffins med valmuefrø - veldig god muffins, ufatteleg luftig. Neste gong må eg laga desse i større muffinsformer, dei var så gode men så luftig at ein liten muffins blei for liten.

Nr 2: Bananas bringebærmuffins - men med bjørnebær. Følte meg veldig sunn når eg laga desse, like så når eg spiste dei. Dei var skikkeleg gode og veldig mettande. Fancy frukost med stor kopp te. På bilete, underst.

Nr 3: Rabarbramuffins uten like - endeleg har eg fått laga noko med rabarbra, og desse muffinsene var perfekte. Desse skal eg prøva å laga igjen, men sidan rabarbera er langt mellom kvar gong ein får tak i så skal eg prøva med annan frukt. Kanskje epler neste gong.

Nr 4: Kokos og lime-muffins - dette var muffinsen som berre såg så imponerande ut at dei måtte testast. Ein vaksen muffin med skikkeleg flashy topping. Den var like god som den ser ut, men ein muffins held lenge. På bilete, øverste.

Tusen takk til Pickles, kjem nok til å prøva fleire av muffinsoppskriftane deira plutseleg. Men skal prøva oppskrifter frå andre bloggar og. Tek gjerne imot forslag til bloggar å sjekke og :)

Babystrikk og ein bommert

2010-07-06T19:00:00.001+02:00

Det er ALLTID kjekt å strikka til småfolk, så når 4 kollegare er gravide så finn eg fram strikkepinnane. Men det er ikkje alltid like lett å halde styr på kven som får jenter og kven som får gutar...
Eg hadde strikka to Lille søster kjoler og to sett med Melkers hentesett. Garn til kjolene var tweed som eg hadde handla på Garn.dk, så veit faktisk ikkje kva merke det er då nøstene kom utan merkelapp. Hentesetta var strikka med garn frå Pickles, Pickles Cashmerino og Pickles Extra Fine Merino. Knappane på kjolen har eg kjøpt på Etzy, frå ein som kalla seg AimooBaroo. Veldig fornøyd med knappane og servicen. Knappane til hentesetta er handla på Knapphuset i Bergen, noko meir veit eg ikkje å fortelja...

Når eg skulle merke det fyrste hentesettet så klarte eg å svi det med strykejernet, så eg måtte strikka ny av restane mine. Så jakka nede til høgre med striper på ermene er resultatet. Men idag på jobb fekk eg vita at ho som skulle få hentesettet skulle ha jenta... Ikkje gutt som eg var overbevist om. Vel nytt garn i korrekte fargar er bestilt, så helgestrikkingen er sikra :)

Kjolane har komt fram til mottakarane og det hentesettet som ikkje blei øydelagt er levert. No berre håpar eg på gleda av å sjå småfolk i det eg har strikka :)

Gratulerar og lukka til til alle jentene og babyane :)

Betre seint enn aldri...

2010-07-06T18:38:00.006+02:00

Oddis har sykla Bergen / Voss i år og...

Han fullførte og satt ny personleg rekord, så hatten av for han og fyrverkeri :)

Fullført ritt blei feira med avslapping på hytta til Bjørnar med familie. Det etter at Oddis hadde vaska kroppen i eit tjern på fjellet. Som bilete gjev inntrykk av så var ikkje temperaturen til å ropa hurra for.

God mat, godt selskap og masse avslappning. Kunne ikkje bli betre fyrste helga i juni 2010.

Litt meir om Bryllaupssjalet

2010-07-06T18:02:00.000+02:00

Då Charlotte gifta seg ville eg gjerne laga noko spesielt, noko ho kanskje ikkje tenkte på at ho kunne komme til å trenga.

Eg viste det måtte bli eit sjal, men hadde inga oppskrift klar, men viste at det skulle vera eit trekantsjal. Etter lenger tid med å sjekke oppskrifer overalt, så bestemte eg meg for eit hekla sjal på Garnstudio. Mønsteret gav eit luftig sjal som ein ville sjå mykje av brudekjolen gjennom, men samstundes kunne ein luna seg under det.

Så var det spørsmål ang kva garn eg skulle bruka. Tove hadde kort tid før laga eit skjerf med Jaipur Fino og ho var veldig nøgd med det garnet, og ho hadde funne ein nettbutikk i danmark som solgt eit stort utvalg :) Så på sida fant eg ein grønnfarge (fargen for fruktbarheit) eg likte.

Eg handla inn og byrja. Kvelden før bryllaupet satt eg på eit baderomsgulv og blokka sjalet. Så i god tid :)
Hang eit hjarte i kvar ende, for bruda og brudgomen. Som bilete her og tidlegare har bevist så blei sjalet brukt, så får tida visa om grønnfargen fungerte.

Bryllaup!!!

2010-06-02T20:57:00.007+02:00

Charlotte har gifta seg med krigaren sin frå World of Warcraft. Dei er blitt Mr. og Mrs. Warcraft :)

Telefonen min ringte ifjor sommar fyrste gongen, trur det var då iallefall. Då hadde Coen og Charlotte bestemt seg for at mai iår skulle ringen på fingen, og eg blei invitert. Slike invitasjonar kjem ikkje ofte, så det var ingenting å tenkja på og eg sa ja med ein gong.

Eg var delvis utskremt fotograf i bryllaupet. Så la meg ta dykk med i bryllaupet som fant stad 28. mai 2010. Småbileta fyrst, det store i midten talar for seg sjølv :) Øverst og rundt ramma mot høgre.

1: Charlotte fekk eit aldri så lite vått utdrikkingslag den 15. mai, spa faktisk, bilete er i frå boblebadet. 2: Dei fleste bruder tek turen via frisøren tidleg morgon på bryllaupsdagen, Charlotte stilte opp 0730 då frisøren ho skulle ha var blitt sjuk og den nye ville ha litt ekstra tid utan prøverunden. 3: Så er Charlotte i bilen, avventar småting som var lagt att i leiligheita og som Camilla sprang etter. 4: Coen har ankommet Oslo Tinghus etter å ha henta familien som stod veldig tidleg opp denne dagen for å fly frå Holland for å delta på bryllaupet, han veit å festa med litt champagne.... brus :) 5: Brudeparet, fulgt av brudefølgje, mot semonisalen på Oslo Tinghus. Dei tek seg riktig så godt ut syns eg :) 6: Dommaren som foretok vielsen var veldig dyktig. Det var veldig romantisk og intimt. Kjapt, nesten for kjapt... Vi hadde veldig god tid etter det. (fortsetjer under bilete)

7 & 8: Utanfor Oslo Tinghus blei det tid til litt obligatorisk fotografering. Og allereie er det rom for litt tull og fanteri i det kanskje 15-20 minuttar lange ekteskapet :) 9: Charlotte og Camilla slår av ein liten prat, planleggar nok dagen vidare. Her må eg jo og skryte av sjalet som Charlotte har på seg. Det har eg hekla til ho. Har brukt Jaipur Silke, bestilt på garn.dk og oppskrifta er her. 10: Charlotte og Coen hadde invitert heile selskapet sitt med på fest i 3 dagar på Kiel-ferja. Tidlegare koleggarer på båten hadde rotta seg saman, så brudeparet måtte ta ein liten brudevals på toppdekket som var fylt med andre passasjerar. Coen gjorde det vitterleg med stil :) 11: Under middagen var der eit par talar, bl.a Hilde (Charlottes forlovar). Ho fortalte om dei fyrste norske setningane som Coen lærte av ho. Rompe og Charlotte var nemt :) 12:Dessert var bryllaupskaka, og du og du var den god!!! Sinnsjukt god, måtte faktisk lura til meg ekstra stykke :)

Turen var fantastisk, bryllaupet var fantastisk, maten var fantastisk, nye bekjente var fantastisk, været var fantastisk, sjøen var fantastisk... Alt var fantastisk!!

MÅTTE SOLA ALLTID SKINNA PÅ MR. & MRS. WARCRAFT!

Loke var konfirmant

2010-05-12T23:59:00.005+02:00

Som så mangen andre denne mai månaden har eg vore ein liten tur i konfirmasjon. Kven sin konfirmasjon? Jo, nevøen min Loke. Eg må innrømma at eg er nok den værste tanta han har, men av forskjellege grunnar har det dessverre ikkje falt seg heilt naturleg å ha kontakt slik kanskje folk flest har med nevøar og niesar.

Men dette betyr jo ikkje at eg ikkje er riktig så fornøgd over at Loke er blitt så vaksen at han faktisk er blitt konfirmert. Dette er då rett etter at det værste sjokket over å plutseleg bli 15 år eldre er overstått.

I kyrkja måtte eg og mine foreldre, Lokes Farmor og min pappa, sitja på galleriet. Kyrkja var faktisk så full at det nesten rant over. Såg alikevel Loke frå plassen min, og hugsar eg tenkte kor orginalt av han å ha raud skjorte til dressen sin. Det viste seg då seinare, som de ser av bileta, at Loke hadde bunad. Såg ut til å vera einaste guten i rekkjene med bunad og. Way to go!!!

Må ta hatten av for Loke, han stilte sporty opp til alle mulige slags kombinasjonar av bilete. Greitt han laga mangen fjes, men kven av oss i 15 års alderen gjorde ikkje det etter meir enn 30 min med non stopp fotografering? På bileta har vi så sjølvsagt konfirmanten som gjennomgåande tema. På det øverste bilete er han avbilda med besteforeldra sine, så gjett kven som er min mamma og Lokes Farmor. Nederst er konfirmantens foreldre, der han pappa er min kjære halvbror. Den hoppande guten i midten er neste års konfirmant, Lokes vetlebror.

Gratulerar med vel overstått konfirmasjon Loke :)

Gåveleiking

2010-04-18T14:00:00.000+02:00

Ikkje ofte eg sleng meg med på trekningar. Er nok dessverre altfor pessemistisk, tippar ikkje lotto heller eg. Er og fult klar over at den som intet våger intet vinner, at den som ikkje deltek vinn heller ikkje osv... Men Gåveleiken som eg kom over på reSIRIkulert prøvde eg meg på, og kom gjennom nålauga :)

Så her for vel over ei veke sidan åpna eg postkassen og for ein gong skuld så var det ein pakke som venta på meg. SPANANDE!!!

Sprang opp trappa, låste opp døra og kasta av meg ytterklea og byrja pakka fram...

Fyrst kom eg fram til ein pakke som var flott innpakka med hjarta på og alt (hjarta heng på innsida av ytterdøra mi no). Så pakka eg opp den flotte pakken og då skua augene mine på ein heimestrikka klut (noko eg aldri har strikka sjølv), eit hekla armbånd (som eg hadde beundra på reSIRIkulert sin blogg), ei hekla nålpute (som eg har sett mangan stader i bloggverda og alltid hatt lyst på) og eit veldig koseleg kort. Dette var kjempe koseleg, så no er det min tur å fortsetja leiken :) Dette er veldig mykje kjekkare enn kjedebreva frå barndommen :)

Reglane i gåveleiken er at ein meldar seg på, mottek ei gåve og skal så senda ei gåve vidare til tre nye deltakere innan 365 dagar. På den måten kan flest mogleg etterkvart motta ei fin, og kanskje handlaga, gåve i posten. Kor koseleg er vel ikkje det...?! :o) Så har nokon lyst til å prøva lukka og sjå kva eg kan koka saman til gåve så er det berre å spørja i kommentarfeltet mitt (eller på skravlebrettet) :)

Tovemor hadde bursdag :)

2010-04-17T19:44:00.004+02:00

Det er ikkje normalt å legge ut bilete av ting ein skal gje vekk før mottakaren har motteke. Men når mottakar har motteke så er det trygt å skryta litt. Slik som eg som for fyrste gong har sydd etui.

Dette er eit i utgangspunktet eit heklenål etui med plass til korte strømpepinnar. Laga av stoff frå Ikea og Stoff og stil.

Mottakaren var TOVE, ho hadde bursdag i forgårs. Snart blitt vaksen no :)

Påsken 2010

2010-04-17T18:56:00.006+02:00

Eg veit påsken er over for lengst, men betre seint enn aldri som det heite så...
Ein relativt ny tradisjon i påsken held ein ikkje alltid fult styr på når ein starta med, men gjennomførar den iår som tidlegare. Eg og bror min har nemleg starta tradisjonen heime med at iløpet av påskeferien så lagar eg og han 3-retters middag til mamma og pappa. Det har og hendt at andre frå familien har fått vore med. I år var farmor og onkelen vår frå Arendal med.

På bileta ser de bror min godt igong med å fylla hovudretten etter å ha gitt den ein omgong med kjevla :) Der er og bilete av kvar rett.

Påskemenyen 2010 var som følgjer:
Forrett:
Queneller med fisk og skalldyr. Tomatcoulis og enkel salat til.

Hovudrett:
Okserullade med chillipesto, spinat og brie.
Rotstappe, kandiserte grønnsaker og rødvinsaus til.

Dessert:
Sjokoladefondant med pasjonsfrukt og appelsinsaus og frisk frukt til.

Denne gongen hadde vi og plukka ut litt vin som vi serverte undervegs, men då eg er sinnsjukt dårleg på vin og handlar slikt etter utsjånad på flaska så skal vinkartet forbi uskrevet :)

Men kvelden blei ein suksess, og mykje av det vi laga lagar eg gjerne igjen :)

THE Påskeegg

2010-04-02T21:38:00.002+02:00

Ein har med jamne mellomrom fått påskeegg til påske, og desse har alltid inneholdt forskjellege søtsaker. Iår derimot, siste arbeidsdagen før påskeferien starta, fekk eg eit overraskande påskeegg av Tove. Denne gongen var det ikkje søtsaker av den gode gamle sorten, men av den nye gode sorten. Heilt genialt spør ein meg, så TUSEN TAKK TOVE!! :D

Har sidan eg fekk egget leita etter påskeblomstrar (krokus, tulipan, påskelinjer...) som eg kunne fotografere det ilag med, men trur du slikt er å oppdrive i Sogn? Ikkje i 2010 iallefall... Så då tok eg med meg appelsinene og påskeegget og arrangerte på kunstgras.

Har ikkje klart å bestemme meg for kva eg skal laga av garnet, men veit eg SKAL laga noko til meg sjølv og som eg kjem til å bruka ofte :)

God påske til ALLE! Tusen takk nok ein gong Tove :)

Beskytte hovudet i kulden

2010-03-14T21:17:00.004+01:00

Eg har fått ein uventa fasinasjon med mønsterstrikking, rettare sagt, mønster av litt meir tradisjonell type. Har veldig lyst til å strikka mykje selbuvottar og den slags. Men no når kulden og snømengden var på sitt meste fant eg ut eg trengte ei hue. Gjekk ein tur på Ravelry og søkte; bl.a på Selbu og der dukka oppskrifta Selbu Modern opp. Det var ei hue med noko som kunne sjå ut som eit selbumønster, men det er det ikkje. Forstod det slik at mønsteret stammar frå Shetland/Færøyane, men så adopterte desse øyane Selbuen frå Noreg for lenge sida :) Uansett så likte eg mønsteret, og hadde nokon Senjagarn liggande som eg meinte ville fungere perfekt.
Hua i off white og lys grønn var hua laga i Senjagarnet. Når eg var ferdig så likte eg veldig godt resultatet, men måtte innrømma for meg sjølv og hua sin del at hovudet mitt var litt i største laget.

Eg nemte at eg likte mønsteret sant? :)
Eg leita i stasjet mitt og der var Pickles sitt Cashmerino Silk (off white) og Cashmerino (myk oker). Desse garna skulle strikkast på pinne 3.5 mot Senjagarnets 2.5. Så resultatet blei ei større hue som var eit par hakk mjukare men framleis like varm. Får finne ny eigar til hua i Senjagarnet ein dag.

Kenguprinsen har komt til verden...

2010-03-14T20:55:00.004+01:00

Mothers to be og alle rundt desse lykkelege gravide finne alltid på eit kosenamn for babyen som snart skal snu kvardagen på hovudet og gjere alle lukkeleg når dei kikkar forundra tilbake. Det var ikkje noko anna når vår eiga greske sol var gravid med sin fyrste. Prinsen, det var konstatert at det skulle bli ein gut, Kengubarnet, Pingvin og sikkert mange mange fleire :)

Ein vert alltid litt grepe av vørdene mødres glede og forundring, og då tek strikkelysten over for min del. Eg byrja i god tid før prinsen skulle komma, strikka hardt fram til mor skulle i permisjon, men blei ikkje ferdig. Så ein mandag iallefall 1 veke før termin så kom prinsen og strikkinga mi blei satt i høggir. Kort tid etter heldigvis var pakken i posten. Dagen etter kom sms'en med mangen takk, alltid kjekt å få :)

Bilete øverst visar jakka Lille vinkel av Tora Frøseth, eg har strikka denne ein gong før og. Oppskrifta kan kjøpast her. Eg følte og for å laga eit par sokkar til jakka, men desse måtte eg laga på grunnlag av alt eg har lært innan strikking. Blei nøgd eg. Settet er stikka i Pickle sitt Abuelita Baby Merino. Likar Pickles sitt garn VELDIG godt :)

Nederste bilete er av ein posedresse, eller kva det no kallast, oppskrifta har eg henta frå eit Simply Knit blad. Handlar det bladet i ny og ne, men dette er fyrste oppskrifta eg faktisk har strikka. Denne dressen blei ca 60 cm frå skulder og ned til knappane i bunnen + hette. Den er strikka i Viking superwash, tenkte ekte ull som kan vaskast på opptil 40 grader passar barnefamiliar bra :)

No gjenstår det å få møta prinsen, eg gledar meg noko heilt uttruleg. Trippar kanskje litt og :)

GRATULERE!! igjen Christina med Prinsen din.

Udyr på balkongen...

2010-02-22T23:08:00.003+01:00

... med lysande auge, berre sjekk bilete oppe til venstre :)

Eller kanskje der har no komt så mykje nysnø ute at eg kunne grave to hull i snøen og fekk dermed to snølykter på 1 min. Måtte berre ta bilete medan det framleis snør ute. No er det sengetid, lurar på kor mykje snø der er i morgon?

Silvi - anno lenge sida

2010-02-21T22:31:00.004+01:00

I jula når eg var heime i sogn måtte eg gå gjennom ein stor kasse med gamle ting som var mine. Der var det mykje rart og mesteparten blei kaste. Silvi, nokon diplom og eit par babyjakker som var brukt på meg som barn blei med heim til Bergen. Så la meg introdusere Silvi, papirdukka mi. Eg hugsar eg syns ho var den finaste papirdukka i heime verda. Eg teikna faktisk eigne kler til ho og eg likte godt å teiken ho. Syns framleis ho er veldig søt :)

Gått i hi...

2010-02-21T20:13:00.009+01:00

...iallefall så har eg veldig lyst til å gå i hi. Men sjølv om eg har virka veldig lite aktiv så har eg vore det, men der er mangen kjente på jobb som har vore travelt opptatt på soverommet og så... Her går det hovudsakleg i strikking av babyting, og så lenge det ikkje er levert den vørdene mor så bloggar eg ikkje om det heller.
.
Har levert ei babyjakke til no til Anna som fekk ein gutt 11. februar. Eg har laga Tora Frøseths Lille vinkel i Pickles Abuelita Baby Merino. Eg hadde restar etter å ha strikka Tora Frøseths Kjole til lillesøster i grønn og orange. Resten av orangefargen min blei levert til Lise og hennar Levinasjal-prosjekt, det viste seg nemleg at eg hadde korrekt orangefarge :)

Ellers er der fleire babyar på veg og strikkepinnane brukar eg så det nesten luktar svidd i sofakroken min :) Etter kvart som at ting er levert så skal dei komma i bloggen.

Ellers hadde eg ein liten produksjon av inne-strikke-sko som dei er valgt kalt. Før jul blei eg delvis utfordra til å gje vekk eit par, noko eg fram til dess ikkje hadde klart då eg syns dei er så gode å ha på seg. Men eg tok utfordringen og lodda vekk eit par mot kommentar i bloggen. Paret i svart og spettet lilla er gevinsten og på foten til Iryl som vant. Det raude og kvite paret (Brannfargane) har Ann Chrisitin bestilt og fått. Paret i grått og raudt blei bursdagsgåve til ei godt venninne ved namn Hege. Eg har faktisk gitt vekk 3 par på kort tid, stolt. Har og eit par i grønt og raudt på pinnene, men det får venta litt då babyane har ein liten tidsfrist på seg :)
Kristin er stor på veldedigheit, og slikt smitta av. Ifjor byrja vi å strikke prematurhuer, eg hadde ein tellar og alt (men falt litt bak på oppdateringen av den). Men no kan eg informere at med kjempegod hjelp av Tove og Kristin fekk eg tredd bånd i dei siste huene mine, 38 i antall. Ann Christin (samme som fekk inne-strikke-sko i Brannfarger) tilbød seg å levere dei på Kvinneklinikken forrige mandag då ho skulle i den rettningen. Fekk vita at Kvinneklinikken blei overraska og gløymte nesten å takke, men blei forklart at dei var gledeleg forfjamsa. Så håpar huene kjem til nytte.

Ellers har det lagt seg 10-12 cm nysnø på balkongkassen min denne søndagen... Dermed kan strikkinga av sokkar, vottar og huer halde fram :)

Ulriken med kamera

2010-01-10T14:51:00.010+01:00

No i veka informerte Tove meg om at vi skulle på Ulriken på laurdagen dersom været var flott. Viste seg at ho hadde fått tak i 2 gratisbillettar med Ulriksbanen og vi skulle på fotosafari dersom været var upåklageleg.

Når eg vakna igår skinte sola og været var definitivt upåklageleg. Vi avtalte å møtast i sentrum for å ta ein buss oppover til Haukeland sjukehus. Ein liten spasertur oppover til banen og vi var godt påveg.

På toppen var det kaldt, men flott. Kameraene blei tatt fram og utsikten blei fanga om og om igjen. Tove klarte til og med å gøyme seg frå meg der oppe. Når eg endeleg fant ho igjen og autofokusen på kamera mitt hadde slutta å funge gjekk vi inn på restauranten og handla oss lunsj (lapskaus). Den nye restauranten hevar kvaliteten på turen til toppen no, i forhold til før.

Når sola byrja å nærme seg horisonten kledde vi på oss og fotograferte vidare, eg måtte då fokusere manuelt. Ikkje nødvendigvis enkelt når kulden gjer at augene renner, ting vert aldri heilt i fokus...
.
Men det var kjempekjekt å ta turen på Ulriken for å fotografere og berre slappa av. Tusen takk for turen Tove, la oss gjere dette igjen :)

Nytt år og nye moglegheiter

2010-01-01T14:57:00.006+01:00

Då var det 2010, ikkje det at eg har venta på det...

Slutten av 2009 var veldig kosleg. Veldig god venninne på besøk og familien, god mat, snø, islykter i tunet og litt fyrverkeri (utan styrepinnar, så har råd til salt i maten i det nye året og).

Sidan vi har fått så mykje snø iår så hang vi opp mat til småfuglane ettermiddagen igår. Eg hadde heldigvis pakka telelinsa og satt meg til i stovevindauga og knipsa igår og idag. Det var skikkeleg kjekt men fuglekikking etter gamalt. Vi har til no observert masse Kjøttmeis, eit par supermodige Blåmeisar, ein Rødstrupe, ein Svartmeis og ein Grønnsisik. Ikkje akkurat utvalget som der ein gong var men kjekt likevel.

Er dette berre forsmaken av kva 2010 skal tilby så gledar eg meg. Gledar meg til alt eg skal finne på, folk eg skal møte, venner eg skal invitere på middag, alle spela eg skal spele. Kryssar allereie fingrane for flott sommarvær.

GODT NYTTÅR ALLE SAMAN!!

Vinter

2009-12-29T21:56:00.008+01:00

Iår har vi endeleg fått snø til jul og til nyttår, eg er så strålande fornøgd :) I skrivande stunde er det ca 25 cm snø ute og minus 10 grader. Kan ikkje minnes sist det var slik til jul.

Og kva gjer ein i slikt vær? Jo ein må måke snø, noko armane mine skrike at dei ikkje likar. Ein "leikar" og litt i snøen, laga snølykt i forgårs. Då var det litt mildare og snøen var perfekt. Lykta blei sikkert 60 cm høg og lyst noko heilt sinnsjukt :)

Har hatt lyst til å ta ut sparken på tur, den har ikkje vore på vinterføre på MANGEN år, men det har ikkje skjedd endå. Kanskje i morgon?... Gjer eg det vert det nok dokumentert :)

Ellers så kom eg på at eg hadde laga ei julegåve til i haust. Bror min fekk nemleg eit par heimestrikka selbuvottar. Mønsteret heiter Knut og er kjøpt på Jorid's Mønsterbutikk. Skorpionen som lurar seg inne i eine handflata var for kul til å motstå å laga, spesielt når ein har ein bror som har ein skorpion tattovert på eine underarmen :)

No har eg byrja nedteljinga til nyttårsafta. Den skal feirast med fint besøk frå hovudstaden, Mooncat kjem på besøk. Det vert stille og roleg heime, med pinnekjøtt for 2. gong denne jula og riskrem... Det vert nok og sett litt på TV og spelt litt DOG. Ohhh... Kor eg gledar meg :)

Juleproduksjonen

2009-12-26T20:00:00.001+01:00

Då var julaftan vel overstått, all den gode maten, julegåver, godt selskap, snø ute... Heilt perfekt! Det er og trygt å visa kva ein har brukt delar av hausten og mesteparten av desember på.

Har jo sjølvsagt brukt desember til ein del julegåveproduksjon. Bl.a har eg strikka eit par Twillight-vottar av Pickles Abuelita Tjukk Merino Mørk Advent som Oline fekk. Totoro-vottar (ravelry) strikka eg av Pickles Abuelita Baby Merino som Lykke fekk. Veit vottane falt i smak, håpar og dei passa :)

I haust fekk eg boka Creepy Cute Crochet i postkassa. Etter å ha bladd i boka eit par gongar så fekk eg ideen at eg skulle laga desse som nøkelringar. Og dette utvikla seg til å bli ein del av årets julegåver. Her er dei fyrste 10 eg har laga. Der er Day of the Dead menn og damer, der er Mannen med ljåen, ein Ninja, ein Zombie, ein Lirekasseape og eit ekte til-døden-skiller-oss-ad-par. Der blei to ekstra figurar på tampen, og alle har blitt fordelt til det eg meinar har vore verdige eigarar :) Alle i spesiallaga innpakkning. Så håpar eg nokon av dei får nøklar eller kanskje ein sekk å passa på :)
Tove var vel den einaste som faktisk kom med ynskjer før jul, bl.a avlange puter til å ha i sofane/ryggen. Etter å ha tråla gjennom alt av butikkar og konstatert at der ikkje fantes nokon puter som var i Toves stil... Då blei ideen revidert når eg kom over ein kul gardin på Indiska, korrekte fargar og mønster for Tove. Kva gjer ein då? Jo, ein syr sjølv :) Ein lyge og til Tove når ein handlar paljettar til å pynta putene med :) Eg er nøgd med resultatet, og har fått inntrykk av at Tove er nøgd og :)

Framleis GOD JUL til alle kjente og ukjente :)

Og vinnaren er...

2009-12-12T12:07:00.005+01:00

Fyrst kan eg informere at på bilete som eg ville det skulle tippast på så var det kandisert mandarinskall. Der var 3 kommentarer som tippet at det var noko innan rette fruktfamilie, så da trakk eg mellom desse tre :)
Eg fant fram ein kakeboks som var halvfull forrige helg, men som i løpet av veka har blitt tom igjen. Denne brukte eg til å trekke vinnarane i, følte det var passande no i julestrida :) 12 lappar med 12 namn gjekk oppi fyrste gongen, og ut kom Iryl. Så gratulerer masse.

Så la eg tre lappar oppi for å trekke for gjettingen på bilete. Og då kom Iryl ut av boksen igjen gitt, så Gratulerer endå meir :)

Ellers takkar eg ALLE for kommentarane og må alle få ei kjekk førjulstid.

Vellukka julebakst og litt konkurranse

2009-12-06T16:04:00.011+01:00

Eg og Tove byrja ein tradisjon med felles julebakst. Igår var den dagen iår. Vi bakar sjeldan dei tradisjonelle 7 sortane, men vi fekk boksa 5 sortar igår alikevel. Iår laga vi: Sprø kardemommebiscotti, Karamellsnitter, Havremakroner, Jødekaker og tradisjonsrike Kakemenn men i utradisjonelle former.

Idag bestod då frukosten min av ein stor kopp te, i tekoppen frå filmen "Nightmare before Christmas" og eit assortert utvalg av gårsdagens produksjon. Det var nam nam!! :)

FØRJULS KONKURRANSE:
Sidan vi no nærmar oss jul så tenkte eg eg kunne laga ein liten konkurranse, men då dette vert min aller fyrste konkurranse så vert den av den enkel sorten. Legg du att ei helsing til dette innlegget er du med i trekningen av det eg har på strikkepinnane idag (Det passar til størrelse 38-39 men det er ikkje sokkar). Og dersom nokon tippar rett på kva bilete under visar så skal du få ein liten overraskelse. Trekningen vert fredag 11. desember, så eg får sendt premiane så fort som mogleg :)

Eksamen overstått - Juleproduksjonen påbegynt

2009-12-06T12:02:00.000+01:00

Der har i det siste vore ein del forsøk på eksamenslesning. Hadde eksamen på torsdag, så då var eg ferdig for i år med den slags. I tillegg har det som er produsert i sofakroken veldig ofte vore med ein pakkelapp på, så å blogge om det heilt endå er litt uansvarleg. Vil jo sjølvsagt ikkje øydelege jula for dei som skal få gåver av meg :)

Der er sjølvsagt litt produksjon som ikkje har merkelappar på seg, men det er heller minimalt... F.eks så er sokkane til høgre strikka innimellom eit par julegåver. Desse er heilt straighte i ribbestrikk. Garnet er Schoppel-wolle Admiral Ombre. Eg syns det var veldig godt å strikka med, og varma godt på foten. Strikka og eit par små pulsvarmarar av restegarnet. Fargeovergangane overraska meg, vanlegvis er der klart at eit vist parti med fargeendringar vert gjordt om att gjennom heile nøstet... Denne gongen fant eg ikkje kor effekten byrja igjen, virka nesten som at heile nøstet var ein lang endring. Veldig imponerande.
I sokkegarnpakken med garnet til sokkane over fekk eg og eit nøste med det no forgjette garnet Zauberball, i fargen Fuchsia. Garnet var ufatteleg mjukt og fargane fantastiske. Lurte lenge på kva eg skulle laga av dette, men eit par skikkeleg kalde dagar på jobben gjorde valget enklare. Pulsvarmar var påkrevd dei dagane. På bilete til venstre er resultatet når eg var ferdig å strikka eit par. To veldig ulike pulsvarmarar, men der var garn til overs så eg strikka eit par til. Då fekk eg til slutt eit par i lillatonar og eit i orangetonar. Det lilla paret brukar eg MASSE, det varmar veldig godt. Det orange paret spurte Birkus om ho kunne få kjøpa av meg for nokon kroner og ein middag, så SOLD! :) Oppskriften til pulsvarmarane finn ein her.

Nedteljinga til jule er offesielt starta no...

Ingen little sister, men...

2009-11-04T21:18:00.006+01:00

... ein Little Sister's Dress kan eg laga alikevel :)

Av og til så kjem ein over ei oppskrift som ein berre veit ein MÅ strikka. Slik var det fyrste gongen eg såg denne søte kjolen. Tove strikka den i lilla i vår, og lysten blei ikkje mindre av den grunn...

Så er det den evige kampen med seg sjølv og garnlageret. Eg hadde og har framleis ingen å laga kjolen til. Eg hadde heller ikkje noko garn som berre gaula ut etter å bli strikka til denne kjolen...

Etter å ha strikka Uglekjolen, som der heller ikkje var nokon avventande babyjente til, så var der liksom ikkje nokon grunn til ikkje å strikka fleire søte små kjolar. Så åpna Pickles eigen garnbutikk, og utvida garnutvalget og fargeutvalget sitt... SUKK!

.
Pickels' Abuelita Baby Merino i ein knall orange og grønn kom endeleg i poste, og kort tid etterpå var det lagt opp til kjolen :)

Som ein liten ekstra finish så har eg sydd på eit par søte knappar kjøpt på Etsy fra AimooBaroo. Har nemt ho i eit tidlegare innlegg, og her ser ein kor godt knappane tek seg ut :)

Så var det å finne det små søte jentene som kan får kvar sin kjole, denne og Uglekjolen :)

Fullført bestilling

2009-11-04T20:58:00.003+01:00

Det er ikkje ofte eg får bestillingar, men på ein strikkeklubb ein torsdagskveld på Huset Pub der vi har busatt oss kom eine bartendaren bort og spurte så fint... Eg er nemleg ikkje vanskeleg å by berre ein veit å innleda med dei rette orda. Jarle, som bartendaren heiter, seie så fint "Du Pus...?!" Har tapt alt der eg...

Heldigvis så var det ikkje bestilling på fancy sengeteppe, for då hadde eg truleg ikkje blitt ferdig før godt uti 2010. Ei skjerf mot vinterkulden derimot, det lar seg lettare gjennomføra :)

Jarle ville at det skulle vera passe langt, blei seinare spesifisert til 140-160 cm, og i svart og grått. Så var det å finna ei oppskrift som ville vera mandig utan å vera heilt vanleg. Bilete visar resultatet :)

Brukte litt over 2 nøster med Lanett Baby Ull. Oppskrifta finne ein her (ravelry-link).
Så gjenstår det å finne ut om Jarle likar skjerfet. Kryssar fingrane :)

Vielen dank Berlin

2009-10-25T02:25:00.014+02:00

Eg og Tove har vore på storbyferie til Berlin :)

Etter 2 timar med forsinkelsar frå Flesland heiv vi oss rundt i Berlin. Allereie fyrste kvelden hadde vi satt Holocaust Monomentet, Brandenburger Tor og Reichstag. Det meste blei by night, men det var jo ein opplevelse i seg sjølv for Berlin er ein by som LIKAR å bruka lys.

Vi var heldige med været, vi har for det meste hatt sol eller lettare overskya, fyrst natt til avreisedagen kom regnet. Så vi har sett MASSE, bileta her er berre eit utdrag av ialt 534 bilete som eg tok på turen. Bileta visar over : Berliner Dom og Brandenburger Tor. Under : Kaiser-Wilhelms Gedächtniskirche by night, Fernsehturm og inni Holocaust Monomentet.

Vi dreiv hovudsakleg med sightseeing, så føttene våre fekk gjennomgå ein god del. Verkande føtter pleia vi godt kvar kveld når vi kom "heim". Vi hadde nemleg badekar på hotelrommet vårt, så vi satt to stolar forran badekaret, fylte det med varmt vatn og brusbadkule, stakk føttene nedi og kosa oss med strikketøy og te. Dette kan anbefalast på det sterkaste :)

Tove hadde tatt ut ei liste over garnbutikkar i Berlin, men den låg att på stovebordet når ho reiste. Men ho hugsa at KaDeWe (nordeuropas største handlesenter, eller noko slikt) skulle ha ein garnavdeling. Denne fant vi i det minste. Den var ein liten del av ein avdeling som heite Idee KaDeWe som hadde ALT innan hobby. Der var sjølvsagt mykje flott garn, men eg klarte å komma med utav butikken utan meir garn. Einaste eg kjøpte var ullfiber som eg skal bruka til nokon vottar eg vil prøva å laga.

Sit framleis å går gjennom alt eg har vore med på og sett, men er på langt nær ferdig endå.

Tusen takk for turen Tove :)

Då inspirasjonen kom og tok meg

2009-10-18T02:22:00.006+02:00

For ei tid tilbake var eg innom ein blogg der det var snakka om handlaga knappar på etsy. Eg likte veldig godt det eg såg og vips så var det bestilt ein del knappar. Vel 1 veke etterpå var knappane i postkassen min med takkemelding og beskjed frå Aimee, ho som lagar knappane :) Eg falt då endå meir for knappane og vips så var det bestilt endå fleire knappar... Bilete til venstre er forsending nr. 2.

Så for den som ynskjar ein spesiell knapp til det spesielle plagget eller strikketøyet bør nett sjekke ut AimooBaroo.

Så skjer det veit du, inspirasjonen kjem hoppande opp og bite meg når eg minst ventar det. Hadde leste Allers sit Juleblad og nett fått fyrste sending med knappar. Og kva anna finn eg på enn at eg skal prøva å laga eit par knappar sjølv. Resultatet er så som så, men det er fyrste batchen. Dette er truleg ein kunst som må finpussast :) Er alikevel stolt nok av produksjonen til å visa den her. Kanskje kjem der andre seinare.

Selbuvottar

2009-10-17T17:41:00.002+02:00

Eg er ingen dreven mønsterstrikkar, men er full klar over at øvelse gjer meistar. Har meistra det å strikka med 5 pinnar for ei tid tilbake, så selbuvottar følte eg kunne bli neste steg :)

Desse har eg laga i Kauni effektgarn. To forskjellege fargeeffektar som bevegar seg mot kvarandre. Votten til høgre er strikka fyrst, og ser ein etter er der litt restar av lillafargen nederst på venstrevotten. Syns det er kult med slike effektar og fekk her prøvd det på ein ny måte. Så ja det ser ut som to forskjellege vottar, men dei høyre saman :)

Mønsteret har eg kjøpt av Jorid, kjøpte faktisk mangen mønster den dagen og skal strikka dei og :)

Five down...

2009-10-17T17:08:00.004+02:00

Kun 1 prosjekt gjenstår :) Så dette ser lyst ut, sjølv om eg veit eg treng litt tid på det siste prosjektet. Heldigvis har eg gode, dyktige venninner som kan hjelpa meg. Så no er Tove og Kristin advart :)

Anyway... Desse sokkane trur eg er etterlengta :) Lova for ei god stund at eg skulle laga dei, men gjekk tom for FreeStyle mørke raud :( Etter litt detektivarbeid fant eg ut at den fargen var gått ut på dato. Eg tenkte så at sokkane ikkje skal brukast på dans og kjøpte ein annan raudfarge og fortsatte. Sokkane er strikka i FreeStyle, diverse fargar. På sokkepinnar 4.5. Og etter god gamal norsk tradisjon; ribbestrikk ned til hælen. Har fortsatt ribbestrikket ut over vristen og.

Dette paret er strikka litt lenger enn det fyrste paret eg strikka. Anja, som skal få desse sokkane, prøvde typen sine, det fyrste paret eg laga, på telttur i minus 2,5 grader. Ho var varm og god der sokkane hadde vore på, men frå sokkane og opp - Not so much... Så desse sokkane er blitt heile 60 cm lange med hælen. Så Anja: Prepare to keep warm :D

Four down...

2009-10-17T16:55:00.006+02:00

To gjenstår... For dei som ikkje har fått det med seg så har eg plukka fram 6 prosjekt som SKAL fullførast innan året er omme. Virkar som det var akkuratt det sparket bak eg måtte gje meg sjølv :)

Denne babybodyen er delvis strikka etter oppskrift, så langt det er mogleg etter eit oppskrift som skal strikkast fram og tilbake når eg velgjer rundt på rundpinne...

Body'en er strikka av Viking Milk n' Honey garn. Skikkeleg mjukt og deilegt :) Har hamra fast trykknappar i skrittet for lett bleiebytte og sydd i søte knappar med litt glitter i halsåpningen.

No gjenstår det kunne å finne ein liten baby som har lyst til å skitne denne ut :)

Three down...

2009-10-04T18:16:00.004+02:00

... three to go. Nok ein gong er det den private utfordringen min.

For ei tid tilbake fekk eg Opal Bambus garn av Anna-Maylén, deilegt sokkegarn. Har sidan det byrja og rakna opp att sikkert 3 sokkemønster. Men dette siste mønsteret likte eg best så då blei det endeleg eit par sokkar gitt, akkuratt tidsnok til hausten. For hausten er kom til Hordaland med full styrke alt *sukk*.

Garnet var behagleg å strikka med og med korte fargeforandringar. 50% superwash ull, 35% bambus og 15% polyamid, interesant :) Mønsteret er frå Garnstudio, sjå her.

Idag skal eg teste ut sokkane og finne ut om garnet også er varm og godt :) Så tusen takk for garnet Anne-Maylèn :)

Se opp - 3D kino opplevelse

2009-10-02T23:00:00.002+02:00

3 D kino har eg aldri vore på før så dette var stort. Og det at det var ein Disney/Pixar film gjorde alt berre mykje betre. Så for dei som ikkje har forstått alt endå så er eg ein STOR Disney teiknefilm fan :)

"Se Opp" går på kinoar over heile landet no om dagane, "Up" heitar den orginalt. Koseleg film om kjærleik, det å møte nye venner og halde det ein lovar, blanda med action og komedie. Mykje vaksen humor ilag med humor som barn likar og forstår. Med andre ord ein opplevelse for heile familien. Eg anbefalar den STERKT!

Ser eg ikkje lekker ut i 3D brillane??

Two down...

2009-09-21T20:32:00.004+02:00

... fire gjenstår.
Då snakkar eg om lista over påbegynte prosjekt som eg har lova meg sjølv å fullføra iløpet av hauste. Denne gongen er det Uglekjolen. Etter å ha sett mangen bilete av denne kjolen på nettet så handla eg oppskrifta og garn. Det tok ei god stund før eg byrja å strikka på den. Tok og ein liten pause, sjølv om det er prosjektet eg har hatt kortast pause frå på lista mi.

Når eg kom skikkeleg igong så blei det veldig kjekt å strikka kjolen. Uglene var litt knotete, men det er mest fordi eg er litt ny til flettestrikking. Men fekk det til, så er veldig stolt av meg sjølv. No gjenstår det kun å finne nokon som fortjenar den.

Ellers så jobbar eg jamt og trutt med lista mi, er godt igong med nesten fullføring. Men har strikka hull i peikefingen min, og med teipa fingertupp er det litt "ekkelt" å strikka. Det går med andre ord litt seinare enn vanleg, men det har ikkje stoppa opp :)

Framleis fin veke og happy strikking til alle :)

Welcome to Ken Wood...

2009-09-21T19:57:00.005+02:00

Eg har lenge hatt lyst på kjøkkenmaskin, og har lært av bror min at kjøkkenmaskineri må ha namn. Så vil introdusere alle for Ken Wood. Han har til no prøvde seg på baking, og han var dyktig til det. Laurdag laga han pizzadeig og søndagen laga han bolledeig. Suverent :)

Ken Wood har og bragt med seg ein blendar og ein foodprosessor, men det har han ikkje fått sjansen til å briljere med endå. Men kjenne på meg at milkshake har eg lyst på så ein haustkveld i nær framtid :)

Pizzaen eg laga på laurdag var tacopizza. Det er kjempegodt og veldig enkelt. Denne gongen slapp eg å elte for hand og.

Pizzadeigen:
8 dl mjøl
1 pk tørrgjær
litt salt
3 dl lunka vatn
3-4 ss olje.
Nok til pizza i langpanne.

Fyll:
400 g karbonade-/kyllingkjøtt-/kjøttdeig
1 gul løk
1 pose tacokrydder
2 dl vatn (mot 1 dl som tacokrydderposen seie)

Fordel eit tynt lag med salsa på pizzabunnen. Fordel tacofyllet over bunnen, dekk med eit lag med taco chips. Ost etter ynskje på toppen. Steik til gylden på 200grader.

Server med lettrømme, salsa og guacamole :)

One down...

2009-09-19T13:26:00.005+02:00

...fem igjen :)
Dette er då mitt Starstruck sjal frå Pickles. Eg har berre brukt Pickles sitt eige garn, men kun Lava og Vinternatt. Når Pickles byrja å selgja garn så måtte eg berre handla, og Pickles Baby Merino skuffa IKKJE. Det var berre mildt sagt herlegt.

Det var ein fryd å stikke med og etter kun 10 min med sjalet på så veit eg det blir ein gjengangar i haust.

Heile tida når eg strikka sjalet diskuterte eg med meg sjølv; med eller utan frynsekant. Eg valgte å ha frynsekant då eg syns det gjer halve sjalet :)

Eg byrja og å mimre over det som faktisk fekk meg hekta på strikking etter MANGEN år der eg sverga aldri å strikka. Sjal var starten på det heile. Og det er gjennom strikking av mangen forskjellege sjal eg har å beherske forskjellege strikkemetodar.

Eg gjekk gjennom samlinga mi, den delen som ligg heime iallefall. Hang dei opp som vist til høgre. Det lyseblå heilt til venstre er nr 1, trekant sjal kun i glattstrikk med hekla kant (hekla av Hanne, eg hekla ikkje den gongen). Og så utvikla det seg med ribbestrikk, hullmønster, eit par skjerf, hekling, meir komplisert hullmønster og det siste; stjernestrikk. Eg brukar og alle desse sjala/skjerfa vår og haust.

Så då gjenstår det å fem prosjekt som skal fullførast iår, julegåver og ikkje minst HELG :)

God helg til alle saman :)

Slutt på stillheita??

2009-09-13T21:15:00.006+02:00

Det har vore litt stille frå meg i det siste, men det har alikevel skjedd ting. Har strikke eit par knelange sokkar til ein kompis, soveposesokkar, men dei gløymte eg å ta bilete av. Har stikka julegåver, så dei må eg venta med å visa fram. Men der er ting eg kan fortelja om, ting eg har plukka fram frå bunnen av kista for å fullføra. Dei skal fullførast før året er omme og, så det er lov å etterlysa og terrorisera dersom eg ikkje bloggar om desse. Legg ved ei liste her:

1 Rebecca dress with lace skirt
2 Soveposesokkar til Anja
3 Sokker av garngåve frå Anna-Maylèn
4 Babybody i Milk n' Honey
5 Uglekjole
6 Stjernesjalet frå Pickles

Eg har ikkje bestemt meg for rekkjefølgjen heilt endå, men håpar å kunne blogga desse prosjekta i fullført tilstand iløpet av hausten :) Så får seie at dette er ein utfordring til meg sjølv.

Birch til meg sjølv

2009-09-13T21:03:00.002+02:00

Eg har endeleg strikka eit Birch sjal til meg sjølv. Strikka jo 2 til Mooncat og Nique som hadde heil dag i påsken. Garnet eg brukte på mitt sjal var Rowan KidSilk Haze. Det er som bilete visar veldig tynt, men det er trulegvis det varmaste sjalet eg har laga til meg sjølv til no. Me love this long time :)

Uptown boot socks

2009-09-13T20:38:00.005+02:00

Som medlem i Sokkegarnklubben så kommer det pakke i posten 4 gongar i året med sokkegarn. Pakkane inneheld garn til to par sokkar, i teorien iallefall. Kan hende det berre er meg, men det er ikkje like enkelt å vita å byrja på hælen tidsnok på fyrste sokken når ein har eit 100g nøste... Denne gongen klarte ikkje eg det iallefall, så måtte bestilla eit nøste ekstra. Garnet heite Mellanraggi frå Järbo Garn. Garnet var greitt nok å strikka i, litt stivt kanskje. Kjennar at det eg likar best med garnet er at det luktar ull, ein lukt eg har likt sidan eg var liten og voks opp på garden til farfar og farmor.

Garnet var på plass men som alltid er det vanskeleg å finne eit mønster som funkar med garnet og fargane i garnet. Eg falt på Uptown Boot Socks frå boka "Favorite socks, 25 timeless designs". No har eg ein del garn til overs etter å ha kjøpt et nøste ekstar, så prøvar å laga eit par pulsvarmarar til.

Feriespøken

2009-08-21T20:48:00.006+02:00

Av og til får ein nyss om ein spøk ein berre ikkje kan la vera å ta del i. Dette skjedde då meg fredag i forrige veke. Problemet var å finna eit tastatur av typen Dell som var mørkt og som ikkje fungerte. Eit par meldingar, eit par turar mellom nokon etasjar, eit par telefonsamtalar seinare så hadde eg det som trengtes. Tastaturet blei overlevert Irene (kollega og partner in crime).

Utpå ettermiddagen/tidleg kveld på fredag fekk eg melding om at karsefrø (den absolutte nødvendige ingrediens i planen) var endeleg oppdrevet og planta. Søndagen fekk eg mms med at det spirer og gror...

Torsdag denne veka kom den heldige eigaren av tastaturet att frå ferie, og etter det eg er blitt fortalt så tok det litt tid før vedkommande la merkje til at plassen såg ut som avbilda under. Responsen var og at ho måtte ha nytt tastatur og lurte på om ho skulle ringa Helpdesk. Hennar fungerande tastatur blei levert tilbake og latteren satt heldigvis laust :) No står karsetastaturet i vindauga og vert vatna ved behov, lenge leva
Dette var det kjempe kjekt å vera med på, så tusen takk Irene for at du fortalte meg om ideen så eg kunne bidra aldri så lite... Kva skal ein finna på til neste år då? :)

Utfordring - Dag 7

2009-08-16T16:31:00.004+02:00

Dag 7, nok ein dag med mindre bra vær... Men som Tove seie "Der fins ikke dårlig vær, bare dårlige klær". Så på med støvlar, regnbukse og regnjakka, for ein utfordring er ein utfordring. Dei siste to dagane har det komt eit par cm med nedbør, det har nemleg for lengst passert 10 mm (spør du meg). Heldigvis er eg relativt vanntett, spesielt med det rette utstyret på :)

Tusen takk til Lise for ein kjekk og til tider veldig utfordrande utfordring. Lovar ikkje at eg kjem til å gå tur 7 dagar i veka lenger, men klarar eg 3-4 gongar i veka så er eg strålandes fornøyd med resultatet av utfordringen.

God helg vidare, no ropar nemleg sofakroken, tekoppen, Supernatural-gutta og strikketøyet på meg :)

Utfordring - Dag 6

2009-08-16T00:58:00.004+02:00

Idag såg eg ikkje ein einaste fjelltopp, så då følar eg heller ikkje for å gå tur på dei... Men tur blei det, sjølv om eg måtte moe meg opp mesteparten av dagen. Som bilete visar så var det ein våt tur, har Ilsa Jackobsen støvlane på (fyrste gong sidan i vår) og regnfrakken min (full av paraplyar). Blei ein lang dusj når eg kom heim, stor kopp te og Supernatural på DVD etter på :)

Utfordring - Dag 5

2009-08-15T23:56:00.001+02:00

Det blei ingen fjelltopp idag for eg bestilte meg time til dyprens etter jobb. Det var skikkeleg deilegt, og som så mangen før meg så hadde eg problem med å halde meg vaken. Men vel ferdig - eit "par" kroner fattigare - ein augekrem rikare så fant eg ut eg skulle ta den lange vegen heim.

Turen var utan overraskelsar, eller kanskje eg berre var for avslappa etter dyprensen... Eg sleit uansett med å få eit skikkeleg bilete på turen, soppen blei det beste... Likar ikkje å bruka blitz, men denne var heilt åleine mellom nokon steinar overdekka i mose, så... Turen var uansett ein god avsluttning på behandlingen min. Kanskje fjelltur imorgon?

Utfordring - Dag 4

2009-08-13T23:42:00.000+02:00

Idag var det ikkje vore lett å få pressa inn ein tur... Skulle fyrst gå i arbeidstida, vi har nemleg ein særs kjekk ordning - men tida for frå meg. Når eg sprang frå jobb for å nå bussen til byen var det for å fiksa nytt periodekort til bussen, ete noko middag og setja meg på pub for å strikka. Alt dette fekk eg gjordt fram til eg tok bussen heim kl 22:00...

På bussen heim fant eg ut at om ikkje turen blei lang så skulle det bli tur. Så ein kjapp 30 min rett før eg skulle leggja meg fekk eg til. Bilete som dokumenterar turen vart ikkje særleg bra då lysforholda var blitt litt labre så seint på kveld. Skal ta det att på dag 5, det er jo trossalt fredag :)

Utfordring - Dag 3

2009-08-12T22:58:00.002+02:00

Idag gjekk turen ein annan runde i nabolaget. På mine vandringar kom eg over dette dissestativet, såg ikkje ut til å vera overforbruk på det.

Det såg lenge ut som det skulle byrja å regna, men iløpet av turen så blei skyane lettare, det blei lysar og etterkvart blei skyene alle moglege fargar. Så no kryssar eg fingrane for fint vær i morgon, då skal eg nemleg benytta meg av moglegheita til å gå ein tur i arbeidstida.

Kamera er i veska alt, og no er det så godt som sengetid :)

Utfordring - Dag 2

2009-08-11T21:38:00.003+02:00

Idag fekk eg med ei venninne på tur som gjekk ned til ein lokal badeplass eg ikkje viste om. Sola kom fram og alt så ingenting kunne vore betre. Som bilete visar så var det idyllisk i vatnkanten, nesten så ein fekk lyst til å bada :)

Det vi ikkje tenkte på der vi gjekk var att tilbake fekk vi kun oppoverbakkar... Turen blei plutseleg litt meir svett enn fyrst antatt, men vi overlevde og er godt nøgde begge to.

Så no skal eg strikka litt og fundera på kor turen skal gå i morgon :)

Utfordring - Dag 1

2009-08-10T21:48:00.002+02:00

Har meg oftast ein bloggrunde kvar dag, og idag når eg las Lises Hobbyblogg så utfordrar ho alle som hadde moglegheit til å gå ein tur kvar dag denne veka. Dette er det jo ingen som har direkte ilt av, så då eg ikkje har nokon store planar etter jobb denne veka så har eg satt meg på lista :) Torsdagen har eg strikkeklubb i sentrum, men skal klara å lura inn ein tur på eit vis den dagen og :)

Byrja veldig roleg, gjekk til nærmaste skogholdt i nabolaget og gjekk inn i håp om å kanskje fylla ein liten pose med blåbær. 3 ss med blåbær, lilla fingertuppar og 45 min seinare gjekk eg heim for då kom regnværet som var meldt idag. Så bidrar med eit lite skogsbilete frå turen min, fekk teke 2 bilete før kamera var tomt for batteri.

Må hugsa å lada batteriet til i morgon :)

Inne-strikke-sko

2009-08-10T21:07:00.007+02:00

Til jul ifjor var det marknad på jobb, der var det annonsert salg av inne-strikke-sko. Dette lurte ein kollega på korleis såg ut, noko eg og gjorde. Ein annan kollega meinte at ho var i besetjing av eit par og kom med eit par tøflar (som eg ville kalla det) på jobb og eg fekk låne. Fant oppskrifta ved hjelp av nokon kjekke damer på Hobbyboden, og bestilte (på Atelje Margaretha, under strikkin/hekling og sokker/tøfler).

Oppskrifta visa seg å vera av størrelsen 39, noko som stemte etter å ha strikka det fyrste paret. Litt lite kanskje for ein vaksen kar, min kollega altså. Så eg satt meg ned i forrige veke (inspirert av vedkommandes bursdag) og teikna nytt mønster til auka antall maskar. Eg blei veldig nøgd med resultatet, er jo mitt fyrste mønster/justering av oppskrift. Dette eksemplaret av "inne-strikke-skoen" blei heller i størrelsen 44-45, og kanskje litt for stor, men pytt pytt :) Inne-strikke-skoa blei overlevert på bursdagsfesten på laurdag og hamna på føttene med ein gong.

No ser eg fram til at mottakaren skal fullføra sin del av dealen, han uttalte nemleg at dersom han fekk inne-strikke-sko så skulle han springe som ein gaselle gjennom gongane på jobb. Han har 2 veke ferie til å trena gasellespranga på og vi andre har 2 veke på å lada batteria til alle kamera.

Sommardessert

2009-07-26T12:02:00.001+02:00

Denne paien er så god så har bestemt meg for at alle fortjenar å ha tilgong til oppskrifta :) To tommlar opp av alle som har vore på JuliTreFest dei siste to åra.

Banansmuldrepai m/sjokolade

Smuldredeig:
125 g kaldt smør/melange
1 dl sukker
2 dl kveitemjøl
1,5 dl havregryn
75 - 100 g kokesjokolade

Fyll:
4 bananer
2 ss smør/melange
2 ss brunt sukker

Sett omnen på 200 grader. Bland kjapt smør, sukker og kveitemjøl, bland havregryn i tilslutt. Fordel halvparten i bunnen av en paiform, forsteik i 10 min.
Skrell bananen, del i to og halver på langs. Steik raskt i steikepanne med smør og brunt sukker (karamellisere). Legg bananene i formen. Hakk sjokoladen og bland med resten av smuldredeigen som fordeles over banane. Steik i 10-15 min eller til lokket er gyldent (framleis 200 grader på omnen). Server varm med vaniljeis til.

Denne paien er grei å gjere ferdig fram til siste rest av smuldredeigen er fordelt over bananene og så ta den med i selskap og steike ferdig og servere varm der. Ein sikker vinnar tørr eg nesten påstå :)

Terningkast: 6

Bursdagsgåve til meg sjølv!!

2009-07-26T00:30:00.009+02:00

Eg har spandert på meg macro objektiv til kameraet mitt. Under er eit par eksempel på bruken av objektivet. Der er framleis ein del prøving før eg vert brukbar i bruken av dette objektivet. Bileta eg har teke til no er sånn passe, men håpar på WOW-bilete i framtida :) Merk at edderkoppen er bittelitt større enn eit knappenålshovud.

Award

2009-07-17T11:57:00.004+02:00

Eg fekk ein award før eg gjekk på ferie, og det er sjølvsagt VELDIG kjekt så tusen tusen takk til Tove (hekleguruen min) :D Det å få awarden inn i bloggen min har teke si tid, det har ikkje vore fordi eg ikkje har satt pris på awarden (for det gjer eg så ABSOLUTT), heller fordi der har skjedd så mykje i forkant av ferien. Men heldigvis så er det noko som heiter betre seint enn aldri.

Eg må dela den med Kristin, den tredje strikketeren (ilag med meg og Tove). Ho er lantifrå ny til stikkepinner, det er sikkert og vist, denne jenta kan alt innan strikking. Blogging har eg og Tove lurt ho med på, og ho fortjenar award for begge delar. For det ho kan skikkeleg godt og for det ho har begitt seg ut på å læra og kjem til å bli grådig god i :)

Camilla fortjenar og awarden, ho har reist til Bærum for å prøva lukka og sambuarlivet. Har klart å smitta ho med strikkedilla og no er ho litt småsjuk med blogging og. Det er veldig spanande å følgja med på bloggen hennar då Camilla har mangen ting føre, et energinivå eg ikkje heilt forstår meg på, men misunnar :)

Gjev og award til Lise. Bloggen hennar er til konstant inspirasjon, ho har fått meg til å prøva meg på veskesying. Ellers så kan ho det meste, noko bloggen hennar visar igjen, igjen og igjen. Søte kattunger gjer det og kjekt å følgja med :) Keep up the good work Lise :D

God sommar til alle saman :)

JuliTreFest 2009

2009-07-11T11:38:00.003+02:00

Idag er det dags for årest sommerbegivenheit, rett etter det å starta ferien, JULITREFEST!!

Jupp du leste rett, JuliTreFest... Ein kompis og sambuaren har starta tradisjonen. Dei samlar ein passe stor gjeng med venner til å pinnekjøtt og sosialt samkvem i sommarvarmen.

Han har alltid holdt maten. Ifjor syns eg det var på tide å bidra med noko så eg tok med dessert, ein tradisjon eg skal fortsetja med så lenge eg vert invitert. Smuldrepai med banan og sjokolade blei det og den falt i smak så lagar nok det iår og. Oppskrifta fant eg i Spis Bedre, eit blad eg abonnerar på.

Iår hadde eg lyst til å laga ei JuliTreGåve til vertane og. Då det er trua med avslutta vennskap dersom eg strikka ulltruse så falt på kjøkkenhanddukar i Drops Paris. Det blei og eit sett med gryteklutar. Karen likar seg jo på kjøkkenet...

Kristin var fyrste kvinne, Tove var andre kvinne og eg kjem dilltande langt etter... Namnlappar til å sy på ting vi lagar og gjev vekk. Til høgre ser du mine lappar "Handlaga av Lene...". Brunt med orange skrift. På JuliTreGåva er der 4 lappar tilsaman, så vertane skal ikkje vera i tvil om kven som skal få bestilling om fleire :)

Lappane er bestilt på minenamnband i Sverige. Veldig enkelt, greitt og kjapt. Veldig fornøyd, har kun lyst på fleire i forskjellege fargar no...

Sokkar til tidlegare kollega

2009-07-10T18:02:00.001+02:00

I slutten av Mai forlot to kollegarer oss for nye jobbar. Eg fant ut litt vel seint at eg ville strikka noko til dei. Eg hadde nett gjordt ferdig eit par kvite fluffy sokkar som Britt fekk, men hadde ikkje tid til å fullføra eit par sokkar til Kristian på så kort tid.

Der er heldigvis noko som heiter betre seint enn aldri, så i forrige veke fekk han eit par vaksne sokkar. Oppskrifta er frå ei sokkebok eg har og garnet frå Sokkegarnklubben på Strikk innom. Mayflower heite det, inneholdt Aloe Vera som skal vera godt for føttene :)

Foreløpig er det litt for varmt til å bruka sokkane, men håpar dei kjem godt med litt seinare :)

Veldedige hueproduksjon

2009-06-23T20:32:00.005+02:00

På ein strikkepubtur i mars bestemte eg, Tove og Kristin oss for å strikka prematurhuer. Vi vurderte mange stadar og verdige mottakarar, men fant ut at Haukeland Sjukehus og hadde eit stort behov, så vi skulle strikka til dei.

Etter å ha snakka med ei god venninne av Tove, som har kontaktar på sjukehuset, fekk vi ei oppskrift som sjukehuset likte veldig godt. Den var veldig lett og kjapp, 6 nye huer blei kjapt strikka. Restetråd gjekk eg tom for... Har handla inn ny babyull idag :)

Oppskrifta på Babyhuene er som følgjar:

Legg opp 60 masker. Strikk to omganger med rettstrikk. Forsett med rettstrikk og øk med en maste etter 20 og 40 masker. Strikk en omgong rettstrikk. Øk med en maske etter 26 masker, strikk 10, øk med en maske, strikk resten av pinnen. Fortsett nå med rettstrikk til arbeidet målar 8 cm. Fell 22 masker. Strikk ut pinnen. Fell 22 masker. Nå gjenstår 20 masker i midten av arbeidet. Mål lengden på de felte 22 maskene. Strikk dei resterande 20 maskane til ca 3/4 av lengden på det felte partiet. Fell så med å strikke 2 første og 2 siste maskene saman. Strikk neste pinne rettstrikk. Gjenta fellingen til der gjenstår 14 masker. Strikk desse 14 maskene til den midterste delen av arbeidet er like lang som sidene. Hele arbeidet skal bli 8 cm + lengden på første felling (22 masker).

Montering:
Sy saman sidesømmene. Hekle en hullrand rundt halsåpningen på luen. Første omgang 4 luftmasker, *hopp over to riller hekle 1 enkelstav, 1 lm*. Gjenta * * hele omgangen, tilpass på slutten. Alternativt; Snu arbeidet. 3 lm, en fm i første lm, fest i nærmeste stav. Fortsett rundt halsåpningen, eventuelt også rundt ansiktsåpningen. Pikekant.
Fest alle trådene og tre bånd i hullranden i halsåpningen på luen.

Tada!!

Blåtur 2009

2009-06-22T20:05:00.003+02:00

Blåturen (19. juni) med jobben skapar alltid mangen spekulasjonar og sjølvsagt forventningar. Opp i det blå var tittelen og dei fleste fjelltoppar rundt Bergen var tippa i forkant. Torsdagen fekk vi utdelt einvegs billettar med Fløibanen med beskjed om å innfinna oss ved Skomakerdiket innan 1630, noko dei fleste klarte. Gruppeinndelinga var klar så det var kun å få vita planen og gjennomføra den.

Der var fleire postar som skulle gjennomførast, barkebåt som skulle byggast, tau som skulle trekkast m.m. Når alt var vel gjennomført, i regnvær må eg påpeika, spaserte vi ned til Starefossen og gjekk ombord på ein buss som tok oss mot fjelltoppen dei fleste hadde satsa pengar på, nemleg Ulrikken. Vel oppe på Ulrikkens topp så kom sola gitt, og litt før middagen var servert kom det ei tjukk tåke og. Som bileta her visar så gav det ein spesiall stemning.

Middagen var buffet med sjømat, og det gjorde veldig godt etter mykje frisk luft og oppgåver i regnvær. Så blei det dans og moro utover kvelden.

Det var ein koseleg kveld dette, skulle likt å hatt med meg tørre sokkar, men får ta den straffen no. Er blitt småforkjøla ilag med sikker 70 % av resten som var på blåturen. Godt eg har strikketøy å kosa meg med når eg sit heime og pleiar helsa :) Men vi satt heldigvis ikkje fast på Ulrikken til 5 neste morgon...

Sjåååå...

2009-06-19T19:40:00.001+02:00

Eg fekk gåve på torsdagsstrikkingen på puben. Tove var nett komt att frå andre sida av landet der ho var på konsert og på besøk til Anna Maylèn (sjekk Toves blogg for detaljar). Ho overraska meg med svart løsvekt te med Chilli Appelsin. I skrivande stund er den i koppen min, den har ein mild smak av appelsin med ein gong og chillien kjem som eit lite snikande ullteppe. Interesant :)

Tove hadde og med seg ein gavepose frå Anna Maylèn, det blei no nesten som julafta jo :) I gaveposen var der eit koseleg kort, ein Kit til å hekla ein portemoni og eit stort nøsta med Opal m/bambus. Så jakten på ein sokkeoppskrift er igong for fult :)

Tusen takk begge to, STOR klem!!!

World knit in public day

2009-06-13T19:14:00.004+02:00

13. juni utnemt til Verdas strikk i offentlegheit dag (World knit in public day). Eg har lest litt på nett over funne ut at denne helligdagen blei starta i 2005 av Danielle Landes. Den skulle lure strikkarar opp frå sofaen og ut i gatene, strikking skulle bli meir sosialt.

Eg, Tove og Kristin bestemte oss for å feira dagen på ein stad vi ikkje hadde strikka før. Vi strikkar nemleg nesten kvar torsdag på ein lokal pub i Bergen, så no måtte vi prøva noko anna. Den heldige vinnaren av vårt strikkande nærvær var Aroma ved Fløibanen.

Vi satt der og kosa oss store delar av laurdagen. Når vi gjekk fant vi spor etter andre strikkara i Bergensgatene same dagen. Eit tre på Torgallmenningen hadde fått strikkabukser, se til høgre. Dei var skikkeleg kule. Godt jobba til dei som har gjordt dette :)

Endeleg på Endeli igjen

2009-06-07T21:54:00.012+02:00

Denne helga var startskotet for Bergen - Voss. Har ein kompis som veldig gjerne syklar dette rittet, men iår var han litt uheldig med oppkøyringa så han måtte bryta. Som ifjor så bestilte han hyttetur til Endeli på Hamlagrø, utsikten frå hytta er å skue over. Vi som ikkje skulle sykla reiste opp fredagen, sykelisten med følgje kom laurdagen.

I myra nett nedfor hytta gjekk vi for å sjå etter froskar, og vi blei ikkje skuffa. Vi fant mangen, og vi falt for alle. Dei var så små og det gjorde dei veldig søte. Dei var fasinerande heile helga, jentane til Bjørnar og Hanne var heilfrelst så reknar med dei var glad vi reiste :) Som bileta visar så var dei ikkje store, og til å ta på var dei berre litt våte og kjølige.

Av oss som var på hytta så likar alle å spele spel av forskjellege slag. Det gjekk i brettspel og Nintendo DS relativt ofte. På bilete under setje vi opp til ein omgong med Agricola, merk strikketøyet som ligg nede på venstre hjørna på bordet (mitt sjølvsagt).

Agricola går ut på å laga den best fungerande bondegarden, alt kan skje og skjer. Eg og Bjørnar spelte og ein del Dominion eit kort spel som aldri vert likt, her skal vi bli den største godseigaren. Kjapt og engasjernade. Så tok vi ein runde med Through the dessert, der er vi kameldrivarar i ørkenen på leiten etter vatn, oaser og landområdet. Vi spelte 4 stykk, det blei trangt og nesten litt vanskeleg å sjå kor eigne brikker var, men det gjorde jo poengteljinga spanande.

Som bevist på bilete over så har eg hatt med strikketøy og på hytteturen, klarar heldigvis å strikka, spela og snakka samstundes. Har hatt med ein del prosjekt som var påbyrja og fullførte 2 faktisk. Til høgre her er Bosniatøfflane eg endeleg strikka til meg sjølv, laga nemleg fleire i julegåver ifjor, alle er strikka i Fritidsgarn. Strikka og ferdig ein babygåve som ikkje er levert, så den får komma seinare. Før helga fekk eg og oppskrift på prematurhuer frå ei venninne av Tove som jobbar på eit legesenter som har konaktar på Haukeland Sjukehus. Så denne oppskrifta stolar eg på, strikka 3 prematurhuer av den oppskrifta i helga. Tove må nett hjelpa meg med heklekanten på dei så er dei ferdige. Har våge meg til å telja dei alt.

Syklisten har til tross for bruddet igår ikkje tenkt å gje seg med Bergen - Voss rittet, så til neste år er vi alle på plass att. Klar for ny hyttetur, meir god mat og drikke, speling, soling, sosialt samvær med dei me ser sjeldan, høyra på fuglane, sova i stillheit og med frisk luft osv osv osv.

Gledar meg allereie faktisk. Håpar og vi klarar å pressa inn nokon hytteturar til iløpet av året :)

Aktiv Pinsehelg

2009-06-01T23:49:00.012+02:00

1. pinsedag hadde eg invitert Kristin og Tove på rømmegraut. Heimelaga rømmegraut slik farmor har lært meg, på sætersrømme og med semule-gryn. Med fettet på toppen, vaska rosiner opp på og spekemat til. Rosiner må vaskast har eg lært av farmor, dei vert jo flattørka på hustak.

Været var fantastisk så vi satt på balkongen min og kosa oss med tradisjonsmaten etterfulgt av strikking og skravling til sola forsvant. Veldig veldig koseleg og bør vurderast til neste år og for sjå kor vi kosar oss :)

2. pinsedag hadde eg avtalt med mamma at eg skulle besøkja ho på Voss. Ho var nemleg veldig uheldig ei tid tilbake, så ho har dei siste 3 vekene vore på rehabilitering på Voss. Tok toget til voss 10:28 og var på Voss litt over halv 12. Etter ein liten misforståelse så fant vi kvarandre :)

Vi satt oss på ein kafe på Vossevangen og kosa oss i sola, fekk oss litt mat og kosa oss vidare. Mamma smaka Nachos for fyrste gong i sitt liv der :) Det var meininga å ta turen opp med Hangursbanen, men etter å ha sett opp fjellsida eit par gongar så virka det til å vera lite trafikk opp den idag. Må ha den til gode med andre ord. Når vi begge hadde fått vannblemmar på føtene så tok mamma taxi til sitt og eg toget til Bergen att. Avtalte undervegs å møte Tove litt seinare.
Bileta over er av ein museumsgard og kyrkjespiret på Voss Kyrkje.

The Eagles hadde nemleg konsert i Bergen by på kvelden, og vi hadde under rømmegraut spisinga snakka om å stikka på Utsikten på Tippetue for å sjå korleis ein stor konsert tok seg ut frå den vinkelen i finværet. Bilete til høgre visar folkehavet, men her er vi komt litt nærmare byen då. Var kjekt å gå Tippetue til Hotel California og andre slagera :)

Eksamenslesing...........

2009-05-28T22:07:00.012+02:00

Forrige veke tok eg fri frå jobb for å lesa på eit fag eg tek på deltid på oppfordring frå jobben. Eg viste det ikkje kom til å bli lett. Eg veit der er ufatteleg mangen ting som er MYKJE kjekkare enn å lesa fag. Over er der bilete av 2 fullførte gamla prosjekt og eit nytt fullført prosjekt.

Babyjakka er av typen Baby Jiffy Knit Sweater. Eg har tidlegare strikka 3 av denne typen som er gitt til små yndige mottakarar. Denne er strikka i Spar Kjøp sitt Ruby garn. Denne jakka var strikka ned til armane, så den blei fullført her ein kveld. Veldig kjapp og enkel oppskrift som vert veldig søt.

Babytøflane er Super Soft Slippers frå boka "Two balls or less". Dei er strikka i Fairytale-mohair garn med eit par søte knappar til. Tøfflane byrja eg på for ei tid sidan, men dukkar alltid opp nye ting. Men under eksamenslesinga blei dei plutseleg ferdig gitt :)

Sokkane var det nye prosjektet. Garnet er mottatt i Sokkegarnklubben, Regia Softy. Garnet var ikkje akkuratt typisk sokkegarn, så å finne korrekt oppskrift... Einaste eg viste var at det trulig ville bli best med hullmønster. Så eg såg gjennom "Favorite Socks - 25 Timeless designs" - der fant eg Meida's Socks. Desse vert truleg gåve veldig veldig snart, dei er jo rimleg sommerslege :)

Det siste bilete er av balkongmøblane mine etter regnet. Der har vore ein del pollen i lufta i det siste, iallefall klare teikn til det på møblane. Alt måtte tørkast og papiret var rimeleg gult etterpå. Stakkars alle med pollen allergi, det der såg ikkje bra ut...

Men til tross for å ha strikka ein del så har eg og fått lest. Eksamen var gjennomført på tysdag, så no er det berre å avventa resultatet. Kryssar fingrane til dess rundt eit par strikkepinnar :)

Mariustunika

2009-05-13T21:36:00.005+02:00

Frå fyrst augenblikk eg såg bilete av Mariustunikaen så viste eg at den måtte eg laga. Bilete såg eg på Hobbyboden, så hadde ikkje nokon oppskrift og jakten var igong. Heldigvis så blei jakten kortvarig. Birkus kunne nemleg fortelja meg at ho fant den i eit ukeblad, så eg fekk låna.

Så var spørmålet kva fargar og garn eg skulle laga den i. Oppskrifta sa alpakka, men det slo eg kjapt frå meg. Eg er ikkje dreven nok i å stikka mønster til å bruka mykje peng på alpakka. Eg falt derfor på Silja frå Spar Kjøp og som bilete visar blei det brun, kvit og lyse grøn. Ca 150 kr for garn til eit stort handarbeid er ikkje gale.

Fram mot 1. mai helga strikka eg for harde livet, for då skulle familien min komma på besøk. Mamma er ein racer på å strikka, så eg ville ha tips om korleis strikka med fleire fargar utan at det vert snurpete. Jaggu meg klarte ho å visa meg nokon lure triks :)

Eg er veldig nøgd med tunikaen, og syns eg fekk mønsteret veldig bra til. Så TUSEN TAKK Mamma!!! No må eg berre strikka litt meir mønster framover slik at mønsterstrikking kjem inn i fingrane :) Strikkehorisonten min har utvida seg litt meir no.

Fleire veskeforsøk

2009-05-03T10:26:00.003+02:00

Då har eg prøvd meg igjen med å sy vesker. Eg har revidert oppskriften litt og eg har våga meg til å sy inn lommer i veskene.

Den svarte med fulglar på er til meg sjølv. Stoffet er frå Ikea og foret er denne gongen og frå noko sengetøy som eg skulle kvitta meg med.

Den lyse med tre på er gitt i gåve til ei venninne, Hanne. Ho hadde nemleg bursdag i midten av april, men ting tar tid... Stoffet er her og frå Ikea, men denne er og fora med stoff frå Ikea.

Har og laga ei rosa veske og, men gult mønster på. Den blei gitt til Kristin før eg fekk teke bilete av den. Stoffen i den er nok ein gong frå Ikea, men den var fora med eit sengetøy som var kjøpt i feil størrelse. Denne veska får kanskje vera med til Maldivene om ikkje så lenge. Så om ikkje eg kjem meg til Maldivene så har noko eg har laga vore der :)

Veske nr 1, som eg gav til Tove, har det no blitt montert lomma inni, så litt meir funksjonell no kanskje :)

Ein lære litt kvar dag, og iallefall kvar gong ein prøvar seg på ein ting igjen og igjen :)

Photowalk Bergen 2009

2009-04-25T23:55:00.006+02:00

I forrige veke gjorde Tove meg oppmerksam på Ur og Fotos Photowalk Bergen 2009. Påmeldingen var i beste fyrstemann til mølla ånd, og med angiveleg kun 50 plassar pr. merke: Canon, Nikon og Olympus følte vi begge eit behov for å raska på. Vi kom begge med :)

Laurdag 25. april-09, opplett og flott fotograferingsvær. Ifølgje BA.no så var det litt over 200 som møtte fram til Photowalken. Så antatte 150 personar, var gått opp til 173 påmelde og over 200 oppmøtte. God reklame kan vi kalla dette :)

Eg byrja min Photowalk med å få med meg eit seminar om macro-fotografering 14:00-14:45 ved Roger Strandli Brendhagen, Nikon Ambassadør og fotograf for National Geograhic. Resten av Photowalken skulle foregå frå 15:00- 18:00 og deltakarane var invitert til å slappa av på Logen Bar etterpå.

No har det seg slik at fredag tømte begge minnekorta min, men det eg sjølvsagt ikkje var vaken nok til å gjere var å lada batteriet til kamera... 10 bilete inn i Photowalken blei problemmet oppdaga. Kva valg hadde eg då? Jo, eg kunne reise heim og finne ladaren min, gå til Ur og Foto og krysse fingrane for at dei kunne hjelpa meg, eller spørja Brendhagen fint om han kanskje hadde ein ladar eg kunne låna litt? Eg gjekk då for siste valget...

Brendhagen hadde ikkje nokon ladar til meg, men utan å blunke så sa han eg kunne låne hans Nikon D3 dersom eg skulle på puben etterpå (sidan eg hadde bestemt meg for å droppa akvariet). Var veldig skeptisk, for eg viste at Nikon D3 var eit stort kamera, men kor stort fant eg fyrst ut når eg kom heim... På bilete over til høgre ser alle korleis eit kamera til 35.000+ tar seg ut i mine hender. Eg måtte berre lova å ikkje mista det i bakken. Har aldri holdt så godt rundt ein kamera på ein fototur før... Tillit var nokon Brendhagen var flink til å gje.

15:45 fekk alle med Nikon beskjed om å møte Brendhagen ved den Blå Steinen, då kunne nemleg intereserte gå med han til Akvariet og fotografere reptiler. Der ville to reptilspesialistar ta fram reptilane for fotografering. Dette virka til å freista mangen, så eg og Tove bestemte oss for å gå litt på eiga hand.

Photowalken hadde og eit par konkurransar hengande over seg. Nikon og Brendhagen har konkurranse der det beste macro-bilete frå Photowalken kunne bli premiert med eit macro-objektiv (Ja takk!), og Photowalken hadde ein konkurranse med tema "Fragmenter av Bergen" (litt usikker på premien her).

Så no gjenstår det som er vanskeleg, velgja bileta som eg har teke og trur eg kanskje kan vinna med. Så om folk kunne kryssa fingrane for meg så hadde eg vore evig takknemleg, har veldig lyst på det macro-objektivet :)

Bilete øverst er eit utdrag av eit bilete, motivet er frå "tagge"veggen til Sentralbadet. Eit stort parti over eit gitter i veggen er dekka med slike ansikt, ikkje eit ansikt er lite... Løp og sjå, for imorgon kan det vera vekke. Tre bilete til under.

Tusen takk til Tove for invitasjonen.

Tusen takk til Ur og Foto for å arrangere Photowalken.

Tusen takk til Roger Standli Brendhagen for å stola nok på meg til å låna meg sitt kamera.

Eg kjem tilbake til neste Photowalk!! :)

Eg har vore spreking idag

2009-04-22T22:32:00.003+02:00

Etter middag idag, som var rimleg seint (19:00), fant eg ut at eg skulle ut og gå tur. Hadde ein aldri så liten idè om at eg skulle gå inn mot den Bergen-Trondheimske postvei. Tanken på å gå opp på Veten er og ein eg har hatt, men som fyrste fjelltur etter å ha komt ut frå vinterdvale... Ikkje nødvendigvis så veldig lurt.

Eg tok no uansett på meg fjellskoa og byrja gå litt før 19:30. Vel inne ved den Bergen-Trondheimske postveg, så byrja eg like greit på den og. Bakkane i byrjinga av postvegen er forferdelege.

På toppen av bakkane såg eg at sola endå ikkje var gått ned på Veten. Så eg bestemte meg for å gå opp og kanskje få bilete av solnedgongen. Som bilete til venstre visar så klarte eg det, Nordhordalandsbrua er og på bilete. Ein kan nemleg sjå den, Osterøybrua, Askøybrua og Sotrabrua frå Veten (487 moh).

No er eg vel heime... Dusjen gaular og senga ventar trufast på ein rein kropp som vil sova godt i natt :)

Toveliten hadde bursdag idag :)

2009-04-15T22:45:00.006+02:00

Tove hadde bursdag idag, blei stor jenta :)

Historien om hennar bursdagsgåver byrjar for lenge sidan då eg etter ei stund med blogging har funne mykje rundt om på andre bloggar som eg har hatt lyst til å laga. Å sy vesker er intet unntak. Eg, Tove og Kristin har alle lenge sett og fundert på dette. Så på Ikea her før påsken blei eg ekstra inspirert. Eg leita meg fram til eit stoff med den rette retro-følelsen og kjøpte 2 meter. Vel heime gjekk eg gjennom alt sengetøyet mitt og fant litt som var modent for utskifting. Alt dette blei pakka i kofferten heim til Sogn.

Vel heime i Sogn fekk eg mamma til å leite fram endå litt sengetøy som var moden for utskifting. Og så byrja eg å tenkje hardt... Eg hadde nemleg ingenting utanom bilete frå Lise og Shamu sine bloggar å gå etter. Eg teikna litt, klippa ut på småark, tenkte endå litt til, laga større mønster, så byrja eg å klippe og sy.

Etter to dagar med jobbing så blei resultatet veske nr 1 på bilete her. Denne blei då gitt til Tove i bursdagsgåve. Fekk inntrykk av at stoffet var passe retro, veska var passe stor (men kunne ha prøvd å laga litt lommer i foret), fargane falt i smak... Ei OK fyrste vekse syns eg, iallefall når ein tenkjer på at eg ikkje har gjordt noko større enn å sy opp jeans sidan ungdomsskulen.

Gratulerar med dagen nok ein gong Tove :)

Årests påskemeny

2009-04-10T20:11:00.001+02:00

I påsken 2005 fant eg og Tom (bror min) ut at vi skulle komponere og laga ein 3-retters meny til mamma og pappa. Begge likar vi godt å laga mat, og vi likar veldig godt å laga mat ilag. Vi har prøvd oss på mykje rart dei siste 4 påskenane. Vi har laga drammeglass av is. Tapas, fisk, kjøtt og kalkun er blitt servert... Spanande og godt har det faktisk vore kvar gong :)
Over er menyen for påsken 2009, med skrivefeil sjølvsagt, men men... Forretten på forståeleg norsk var to grillspyd med marinert svinekjøtt (to typar marinade). Hovudretten var gratinert kanadisk hummar med ei krema suppe på potet og purre. Desserten var Devils food cake (mørk amerikansk sjokoladekaka) med smoothies (ein på jordbær/kiwi og ein på ananas).

Iår kom farmor og oppom på påskemiddagen, det var veldig kjekt. Etter tilbakemeldingane å dømma og stønninga etter middagen så var maten godt motteken :)

Det vert noko nytt til neste år, for ifølgje ei venninne så er alt ein gjer meir enn ein gong blitt tradisjon. Og denne tradisjonen vi likar veldig godt :) Eit år til neste gong, eit år til å planlegga ny meny :)

Og så ble tvillingene 60 år :D

2009-04-10T19:28:00.001+02:00

Eg kjenner ikkje mangen tvillingpar, men det eine eg kjenner (og kjenner godt), fylte begge 30 år i påsken. Jentene, einegga i tillegg, har eg kjent i mangen år, nesten like lenge eg har budd i Bergen. I anledningen deira bursdag så kunne eg ikkje la dagen gå heilt upåakta hen, sjølv om eg dessverre ikkje har same kontakten med dei no som før. Begge har nemleg flytta frå vestlandet, begge har ofra Bergens regnet for lange vintrar på Oslo-kanten. Skule og kjærestar er nok hovudgrunnen.

Då eg ikkje ha så mykje kontakt med dei som før, så er det absolutt ikkje lett å finne på gåver til dei. Eg har då strikka Birch-sjal til kvar av dei. Begge er i lilla-fargar, det eine med tynn gultråd i garnet. Garna eg har benytta er Fonty og Kido Lame, personleg hadde eg ingen forhold til garna. Dei var grei å strikka med, veldig tynt og veldig statisk. Så tøymjuknar luktar det av begge sjala idet dei for med posten :)
Bileta: Øverst er eine sjalet knipsa i eit tre foran slottet på Gamlehaugen. Rett over er det bilete av delar av begge sjala for å gje inntrykk av fargane og mønsteret :)

Håpar begge jentene fekk feira den STORE dagen aldri så lite sjølv om dei begge jobbar som frivillige på TG.

Svar på eiga utfordring...

2009-04-06T20:00:00.013+02:00

For dei som har vore innom bloggen min har de kanskje lagt merke til utfordringen eg har satt igong. Når ein gjer slike ting så følar eg det er berre rett og rimleg at eg og kjem med bidrag til utfordringen.

Har lenge tenkt på kva eg kunne ta bilete av. Der er mangen blomstrar no i vårværet som er fine, har vurdert diverse trafikkskilt, arkitekturlege bilete m.m. Men til slutt falt eg på ideen at eg måtte bruka garn i mine bilete :) Sjølvsagt....

Så idag, fyrste dagen i sogn på påskeferie, raidet eg mamma sitt garnlager. Fant to nøster av kvar primærfarge som eg hespa opp til runde nøster. Så då får eg dekka alle fargane og formen rund/kule.

Etter det var det å bruka fantasien og mykje av det eg har av artistiske aner. Byrja med å oppstillingen med nøstene, strikkepinnar og målebånd mot blå bakgrunn (bunnen av bassenget i vinterhage). Så festa eg sytråd på nøstene mine og hang dei i ei bjørk, så på ein balansevekt frå oldefar, så i dverg-granene i hagen. Tok med eit lite utvalg frå bileta mine :)

Kanskje påsken vil kunne lura fram fleire bilete, for dette var veldig kjekt :)

GOD PÅSKE til alle!!!

Vårleg fotosafari

2009-03-28T20:34:00.000+01:00

Eg og Tove fant været idag uimotståeleg og pakka kamera i veskene og tok turen til Gamlehaugen.

Eg kom til Bergen i 1996, men dette er faktisk fyrste gongen eg var på Gamlehaugen. Det var deilegt, mildt sagt. Været var nesten upåklageleg, litt kjøling vind i ny og ne. Gamlehaugen var ikkje åpen for omvisning, men vi har jo tidlegare uttalt at ein alltid bør ha grunnar til å komma tilbake til severdigheitar. Så til sommaren...

Eg og måtte her legge ut eit bilete av hestehovane vi fant oppi bakkane på Gamlehaugen, litt ved tilfeldigheit faktisk. Som Tove nemne i sitt innlegg er den det øveste symbolet på vår. Snøklokkene er eit godt teikn på at vinteren held på å gje slipp. Krokusen klarar liksom ikkje å dy seg heller når sola byrja å titte fram. Det er med andre ord godt å bu på vestlandet om dagane :)

Ellers så har Tove og Lasse alt komt med kjempebilete på utfordringen min, så klikk dykk inn og sjå :) Eg skal prøva meg på eigen utfordring, men hestehoven er alt brukt så eg får finna noko anna :)

Det blei og fotografert noko ferdig strikkeprosjekt, men då dei skal bli gåver så kjem dei fyrst på bloggen om litt.