1. søndag i advent

Då var adventstida her igjen.

Har brukt dagen på å laga julekort, malt julelykter, sett julefilmar og ete lapskaus med Bjørnar, Hanne, Lykke, Oline og Oddis. Kan og anbefale Varm epletoddy istaden for julegløgg for dei som ikkje er så glad i sistnemte.

Varm Epletoddy:
1 liter eplenektar
1 kanelstang
4-6 nellikspikrar
(2 dl calvados om ynskjeleg)
Varm eplenektar og krydder til kokepunktet. Dersom ein skal ha med alkhol trekk panna frå varmen og rør i calvadosen. Server i glass med skivet sitron i.

Ellers går dagane med til julegåve-strikking og jobbing. Så nett på nyåret skal alt ut på bloggen for dokumentering :D Gledar meg til å kunne legge ut bilete av produksjonen att.

Ynskje alle lukka til i den tida som kjem no. Ikkje stress for mykje ok?

Prioriteringar

Same dagen som eg og Tove skulle setja opp på flyet til Mexico for 2 veker med ferie, blei det bestemt å ha strikkeklubb med gjengen frå jobb. Då eg og Tove måtte takka nei til invitasjonen fekk vi eit par kommentarar om at prioriteringane våre kunne vore eit par hakk betre. Så for å bevisa at vi har prioritert alt så kjem følgjande bilete for å dokumentera vår prioriteringsemne:

På flyet:
På Schipol:
På flyplassen i den Domenikanske Republik:

Ja til og med på stranda har vi bedrevet strikking. Det skal seiast at strikking, solkrem og saltvatn nesten vert ei god treningsøkt. Det er himla tungt faktisk.

Det skal og seiast at folk har, av ein eller annan grunn, sett rimleg rart på oss når vi har drege fram strikketøyet og strikka ein mønsteromgong, men i mangel på skruplar så har vi ikkje akkuratt brydd oss.

Vi fekk faktisk laga ferdig ein handduk kvar. Dette vert julegåver, så det vert ikkje nemt meir her.



Som eit forslag til neste gong, kva med strikkeklubb i Mexico?

Her sit eg ved El Castillo på Chitzen Itza og strikkar litt:
På båten frå Isla Mujeres tilbake til Cancun. Her ser ein at folk glor litt:

Borte kanon, heime KALDT!!!

Mens jetlaggen framleis sit godt i, kroppen skrik etter varmen i Mexico, søvn er fråværande då klokka eigentleg kun er 20:00 torsdag kveld i hovudet, så kan det vera kjekt å legge ut nokon bilete her og minnast dei gode tidene igjen.

Som nemt i innlegget vi fekk gjordt ifrå ein PC i lobbyen på The Reef Playacar, så har vi gjordt meir enn berre det å ligga på stranda og sola oss. Sjølvsagt har vi gjordt ein god del at det og, men som bileta under så har vi gjordt så mykje meir og.

Bilete til venstre visar Tove på god veg opp ein 46 meter høg pyramide midt i jungelen. Området var på 70 kvm med jungel og mayaruiner. Kun 20% av ruinane er til no gravd fram og restaurert. Fantastisk...


Ellers så var vi og innom dei mest kjente mayaruinane i Mexico, nemleg Chitzen Itza. Bilete visar El Castillo (Tårnet).
Etter turane til både Chitzen Itza og Coba fekk vi lov til å bada i cenoter. Cenoter er eit underjordisk nettverk av elvar og innsjøar som dekkar heile yucatan halvøya. Bilete er av ein som heite Choo Cha som var underjordisk. Var i å bada i ein som heite Ikk Kil der taket hadde rast inn mangen tusen år sidan så der kom sollyset ned til innsjøen. Heilt uttruleg...
The Reef Playacar, som var resorten vi budde på levde absolutt opp til forventningane. Hyggeleg personell (alle helste på ein og mangen hugsa kva ein likte). Det var digg å vakna kvar morgon til ein jungel, maten var alltid fersk og delikat, drikke var det berre å henta, eigen isbar, eigen cenote. Bilete under visar den øverste poolen og poolbaren by night. Kan anbefalast på det sterkaste :)
Cozumel er ei øy som låg rett utfor kysten der vi budde. Vi såg til den heile dagen faktisk, skyline om ein vil. Men på nattestid, då blei det ekstra kjekt å kikka utover havet og sjå auraen til Cozumel. Dessverre kom vi oss ikkje ut til øya denne gongen, men noko må ein ha til gode dersom sein reise på nytt :)
Dykking kom vel ikkje som nokon bombe at eg har gjordt. Hadde meg 6 dykk totalt. Det var skikkeleg flott, sjølv om eg må innrømma at Raudehavet var betre. Men i Raudehavet såg eg ikkje skillpaddar...
eller Blowfish (som faktisk blåste seg opp). Fekk vita at ein Blowfisk kun kunne blåsa seg opp 5-6 gongar i livet sit, så litt beæra følte eg meg :)
Og på Resorten var det kvar kveld Shows, dei fleste dagane var dei i regi av aktivitetsgjengen på hotellet. Det blei berre kjekkare og kjekkare å sjå på etter kvart som vi blei betre kjent med folka i den gjengen. Dei var så morosame ein kveld at dei fekk Tove til å le så ho grein :)
Eg klarte og ein kveld å vinna ein limbo-konkurranse. Bilete er av siste stanga eg skulle under. Klarte det ikkje heilt, hadde berre att å komma meg opp. Men etter applausen å dømma etterpå så gjorde eg vist ein godt jobb. Har ei t-skjorte å visa for bragden. Så tusen takk til Tonje og Hege for treninga eg fekk på etasjefesten :)
Både eg og Tove er vel einige i at det var ein fin tur som helst ikkje skulle vore over endå. Men, shit happens - then you die... Så kanskje eg kjem på jobb på mandag, who knows :)
Alle bileta kan klikkast på for å få større format :)

Siste dagen i paradiset...

Da var siste dag kommet her paa rette siden av kloden...

Dessverre saa faar eg ikkje last ned bilete fraa turen og lagt ut her i Mexico, saa bilete skal det bli i massevis naar eg kjem heim tysdag kveld eller iloepet av onsdagen. Har tatt sinnsjukt mage bilete og skal eg seie :)

Vi har besoekt Chichen Itza (mayaruiner), Coba (mayaruiner framleis under utgraving), vore paa katamaran-tur til Isla Mujers (Damens oey), eg har dykka 6 dykk og sett skillpadder og andre kjekke dyr, sola oss mykje, drukke ein del Strawberry Daquiri (sikkert ein del eg kjenner som skulle likt aa sett det), vore paa klubbar, sett ildshow, snakka med folk fraa mangen land... I det store og det heile saa har vi kosa oss.

Imorgon, over 1500 bilete seinare av severdigheiter og ny venner saa maa vi ta flyet heim :( Vi har alt proevd aa bytta med nokon svenskar som har 1 veke att, men dei ville jaggu meg ha peng for det.

Vel, alle maa kosa seg vidare i heimlandet saa kjem vi snart tilbake.

MEXICO!

I morgon, 29. oktober 2007, kl 0630 forlet eg og Tove Flesland og Noreg. Med det været vi har hatt i Bergen dei siste par dagane gjer det ikkje vansklegare å forlata landet iallefall.

Denne tida imorgon så er vi på god veg over atlanteren. Kl 0300 natt til tysdag (her heime) landar vi i Cancun og byrjar å sende sms'ar til alle som fortjenar det.

Lovar å få inn nokon bilete her iløpet av opphaldet :)

Skal no mata sommarfuglane før ein må prøva å få litt søvn dersom ein skal komma seg opp så tidleg som vi må imorgon tidleg.

Talas om 2 - 3 veke :)

Påbegynt, halvferdig og avslutta

Det er kjent fakta i alle handarbeidsmiljø... Aldri ha berre eit prosjekt, alltid ha fleire prosjekt å bytta mellom.

Mitt påbegynte prosjekt er bærenett til å ha på stranda i Mexico. Innrømmar glatt at eg er påvirka av Tove og nettet ho hekla. Så eg fant noko tilsvarande på Purlbee. Snart ferdig med kroppen, i mangel på noko betre å kalla det. Går fort å strikka berre eg hugsar å kasta tråden mellom alle fellingane... Oppskrifta seie bomullsgarn, og eg hadde ein haug med Tukan frå Dale som eg har knabba frå mamma i korga. Kunne ikkje blitt betre trur eg :)

Så var det prosjektet som er halvferdig. Grunnen til at det er halvferdig er at eg kun har ein sokke-tøffel. Må handla meg eit nøste til med raud Pronto. Oppskrifta eg har brukt er eigentleg berekna på Eskimo, men det stoppar ein sjeldan frå å prøva med anna garn. Oppskrifta fant eg på Garnstudio. Må skaffa meg ei stor heklenål og slik at pyntekanten kan bli ein realitet. Denne tøffelen var veldig god å ha på seg :)

Så var det prosjektet som var avslutta. Evalua nr 3. Eg har strikka den i trippelt Oleanna-garn. I oppskrifta står det at ein skal strikka til arbeidet målar 23 cm. Eg avslutta når mitt målte 21 og syns kanskje det var litt stort då, så oppfordrar dei som vil laga denne til å prøva litt i ny og ne.

Så no er det store spørsmålet; kva nytt prosjekt skal eg byrja på sidan Evalua er avslutta. Fyrste tanken min er julegåvar, har ambisjonar på den fronten iår...

Oh, you got me...

Som ild i tørt gras kjem no meldingar om tagging, og eg blei tagga av Fru Turøy

Ein gjer som følgjande:
1. Link til den som har tagga deg.
2. Fortell 7 sanningar om deg selv, litt forskjelleg og litt rart.
3. Tagg 7 personar i slutten av blogginnlegget.
4. Legg ein melding i bloggen deira og gje beskjed om at dei er tagga.

Sju sanningar om meg...
1 - Eg var faktisk Festsjef når eg var med i russestyret.
2 - Har vore den stolte eigar av ein bukk ved namnet Blåmann. Broderen sin bukk heite Labbetuss.
3 - Eg og ei venninne vant konsertbillettar til Backstreet Boys på Topp 20. Den gongen HC var programleiar. Vi hadde laga eit troll med fem hovud, eit hovud for kvar gut i gruppa. Konserten blei tilbrakt på tribuna ilag med mødrene til alle dei hylande tenårings-fansen.
4 - Eg har kappa av meg tuppen på venstre peikefing med øks. Skulle laga båt til bror min. Den då "offesielle" forklaringa var at eg hadde dunka borti øksa (som stod godt fast i huggestabben) med ryggen og den falt ned og tok fingen min med seg.
5 - Spelte fotball i 7 år ein gong i tida. Jobba meg opp frå fast benkeplass til venstre spiss.
6 - Er avhengig av sjangerane Fantasy og Sci-fi. Har eit stort behov for å kunne drøyma meg vekk av og til. Spesielt når dagane er lange og kulda setjer inn. Oppnår dette ved å sjå filmar, lese bøker, spela spel av forskjellege slag...
7 - Eg er født i Stornoway, Skottland.

Slit litt med å tagga 7 bloggar tilbake, er så ny i gamet. Men taggar herved: Tove og Bjørnar som er dei eg kjenner som har blogg, bortsett frå Fru Turøy. Eg må påvirka fleire til å starta blogg og tagge vidare då :)

Fullførte langtidsprosjekt

Av og til brukar ein lang tid på prosjekt som i utgangspunktet skulle vore ferdig på eit par dagar. Av og til skjer det og at ein brukar kortare tid på prosjekt som skulle teke laaanng tid.

Vel i kveld/natt blei eg inspirert til å fullføra eit prosjekt av kvar type. Pleddet tek i utgangspunktet litt tid å strikka. 255 maskar er ikkje gjordt i ei handvending. Og iallefall ikkje når det endelege resultatet målar 110x174 cm. Byrja strikka på det for lenge sidan, snakkar måndar sidan. Så var eg sjuk og tok att tapt tid. Veldig nøgd med resultatet og trur det skal bli ei gåve om ikkje så veldig lenger.

Så er det prosjektet som berre skulle ta eit par dagar og ein omgong i vaskemaskina for vel 6 mnd sidan... Var kun pyntekanten og taua på sida som manglar, og det har teke litt tid. Så no som tida er godt forbi sengetid har eg endeleg fullført dei. Desse vert nok og gitt vekk innan kort tid, dette har vore planlagt lenge.

No er det på høg tid å komma seg i seng. Ny arbeidsdag snart. Berre 25 dagar att til avreise... God natt :)

Resultatet

Vel, her er resultatet. Om no Eva som har laga oppskrifta nokon gong ser denne så håpar eg ho godkjenne den.

Eg likte iallefall hua. Har ikkje bestemt meg om eg skal ta den sjølv eller gje den vekk.

Bileta er med dei obligatoriske vinklane har eg forstått etter litt blogging :)

Strikking med 9 nøster ull...

Etter besøk hjå Fru Turøy igår kom eg heim med ein del Oleana garn. På jobb idag kom eg på ideen å laga Evalua, den er litt poppis i gjengen om dagane :) Men den er kul så... Men eg fant ut eg skulle laga den i 3 forskjellege fargar. Noko som då resulterte i at sofane min nesten blei for liten for meg og strikket mitt...

Men håpar og trur hua kan bli kul eg :)

Chocolate Pretzels

Folk som kjennar meg litt har mest sannsynleg fått med seg at eg likar meg veldig godt på kjøkkenet. Eg likar derimot ikkje oppvasken... Men å laga noko varmt å eta eller å drikka, baka ei kaka eller to, det likar eg. Og dersom eg lagar slikt, spesielt kakene, så delar eg helst med andre. Inkje unntak igår. Fekk plutsleg lyst til å laga noko godt og det blei Chocolate Pretzels (sjokolade kringler)

Sjokolade Kringler

100 g margarin, 100 g sukker, 1 egg, 225 g mjøl, 25 g kakao.

> Pisk margarin og sukker kvitt, pisk inn egger. Sikt i mjøl og kakao og bland til fast deig. La kvile i 15 min. Del i ca 30 emner. Trill kvart emne til ca 10 cm lange pølser og lag kringler. Plasser på bakepapir med litt mellomrom. Steik midt i omnen, 190 grader i 8 - 12 min. Avkjøl.

Desse kjeksa kan trekkast med sjokolade. Då smeltar ein 100 g kokesjokolade og 1 ss margarin i vannbad. Dypp kringlene og la sjokoladen stivne. Server :)

Eg likte iallefall kringelene, ikkje umogleg at dei vert laga att ein annan gong.

Sjukedagar

Dagar då ein er sjuk går som oftast frykteleg seint. Dei siste 2 dagane har gått frykteleg seint. Men dei har vore "produktive". Har sett heile sesong 2 av Prison Break, eit par liter te har eg drukke og fleire cm er strikka. I morgon skal eg komma meg på jobba att, så skal eg heller bruka kveldane på å strikka og drikka så mykje te.

Merk den kjekke koppen, bursdagsgåve frå eit vennepar og jentungane deira. Trur det er ein kjekk måte å seie at eg må finna meg ein frosk å kyssa. Kranglar ikkje på den :)

Nye pinneprosjekt

Eg fant ei oppskrift på knitty som eg berre måtte prøva. Tok meg 2 dagar å strikka eit par. Eg fulgte oppskrifta men har bestemt at eg skal prøva ein gong til, men går ned til 3.5 i pinne.Men syns dei blei søte eg. Ein ny type sokk. Den typen som jenter kan ta med seg i veska og ta på seg kor som helst; på fest, i besøk, på hytta, på kontoret, på skulen osv.

Oppskrifta heiter Twinkeltoes på knitty.

Spillegalskap

Må innrømma at eg har ein svakheit utanom strikketøy, 20 meter under overflaten og eksotiske plassar.

Eg likar veldig godt å spele brettspel. Her ser de mesteparten av dei spela eg har. Der er eit par til som ein nesten er flau over å ha i skapet, så dei lot eg ligga.

Mange lurar sikkert på kva som er favorittspelet mitt, men ikkje sikker på om eg har eit favorittspel. Eg berre lika å spele.

I stabelen min finn ein spel som:
Tantrix: byggespel
Scarablords: Strategispel for 2 personar
Alhambra Gardens: Byggespel
Carcassonne: Byggespel og taktikk
Carcassonne, the Castle: Byggespel og taktikk
Pueblo: Byggespel og taktikk
Settlers m/sjøfararar: Sivlilisasjonsbygging
Shadows of Camelot: Lagspill, moglegheit for bløff pga forrædar.
Ticket to Ride: Kappløp gjennom bygging
Penzum: Kunnskapsspill.

Eg har ein liten samling, men ingenting i forhold til ein kompis. Han brukar aliaset Fairwood på sidene til Brettspill på nettet. Meinar han har lagt ut liste over spela han har der og. Dei siden er verdt å sjekka for julegåver, bursdagsgåver og gåver til seg sjølv.

Neste spel eg trur eg må bestilla frå Brettspill er Shear Panic.

Bringer fisken på bordet

I ny og ne så finn eg ut at eg skal ha fisk til middag. Då må eg planlegge i god tid. Eg må avtala med nokon venner, dra fram stampen med utstyret frå under vasken på badet og ikkje minst så må eg få tak i luft.

Så er det å komma seg til ein flott fiskeplass, bruka 30 min på å pakka på seg 30 kg med utstyr og hoppa i det. Dykking er fantastisk, deileg, avslappande, innbringande og krafttømmande.

Om det skulle vera i heimlege trakter, eller

om det er i fjerne strøk. Varmt eller kaldt, for fangst eller for å nyte. Har ein lyst, har ein lov og kronasjen eit dykkarsertifikat kostar er verdt det.

Dykking i Mexico er det neste store eventyret :)

Mexico 29.okt - 13.nov

Idag er det akkuratt 7 veke til eg (og Tove) sit på stranda i Playa del Carmen, Mexico. Nærmare bestemt på The Reef Playacar. Eit 4+ all inclusive hotel, rett på stranda.

Avreise Bergen tidleg mandag morgon 29. oktober. Flyr så til Schipold og etter eit par timar pause der går flyet direkte til Cancun, Mexico. 1 times busstur etter det og vil er i Playa del Carmen.

Vi har store planar om å slappa av, sola oss (bli ekkelt brune), besøka eit par ruinar, bada, eg skal ha eit par dykk og vi har sjekka moglegheita for å ta ein tur med ein katemaran.

Vil berre advara folk med ein gong, her kjem bilete på bloggen når eg kjem att...

Dette er eit bilete frå nettet av eine pyramiden på Chichen Itza.

Inspirasjonen til bloggen

Fru Turøy må få æra for at eg har starta blogg.

Oss jentene på jobben byrja litt etter litt å strikka på jobben. I den samanhengen fekk vi og adressa til
Irene sin blogg og fekk inspirasjon frå den. Så no skal eg gjera eit hederleg forsøk på å laga ein blogg på eigahand.

Noko av det som er blitt laga sidan strikkeklubben Vital blei starta. Orange tøfflar laga eg til 30 års dagen til ein kompis. Etter tøfflene var tova i vaskemaskina trekte eg dei over eit par yttersko for å la dei tørka der. Då var eg sikker på at dei blei like store iallefall.

Så er der to babypledd. Det kvite er levert og vert brukt heile tida. Det gule med kvit blomster rand ventar på ein baby å varme i oktober.