Keep calm and bake more cake!!

Eg har baka kaker igjen. Ja, eg har blitt ein kakesmule hekta. Eg likar utfordringen, det å komma på ideen, det å overbevisa meg sjølv at eg kan få til den ideen, planlegge tidsskjema og byrja tidsskjema mitt. Så sjå at ideen vert eit faktum og sjå at kaka fell i smak :)

Over er bursdagskaka mi iår. Har mangen gongar sett på bl.a denne kaka, den er imponerande i sin fargerike enkelheit. No følte eg eg hadde sett nok og måtte heller laga den sjølv, og bursdagen min var eit ypperleg påskudd for å laga kaka :)

Eg har brukt kaka og kremmen frå dette innlegget frå Sweetapolita sin blogg (ein blogg eg har fått eit avhengigheitsforhold til). Kakerøra er av den STORE sorten, så delte den i 6 like delar (brukte vekt) og fargar kvar del og steika delane individuelt, 20 cm kakeform. Når kakene var avkjøla så stabla eg dei med kremmen frå innlegget, men laga ein enkel kvit smørkrem frå Cacas til å ha utapå. Pynta enkelt med ein sprøytekant og litt kakedryss. 

Største utfordringen med denne kaka var ikkje å laga den faktisk, men å få den med meg på jobb. Kaka var for høg for kaketeina mi... :o Men fekk den til jobben og det var veldig kosleg å dela med gode kollegaer :)

Neste kakebake anledning var ikkje langt unna, så hadde meir moro rett rundt hjørna. Var nesten som ein bursdagsgåve, å få lov til å komma på ein ny god kake ide og gjennomføra den :)

Den neste anledningen var årets Juli-Tre-Fest, ein tradisjon eg har hatt gleden av å vera med dei siste par åra. Men denne festen var litt anleis iår, vertane gifta seg nemleg kort tid før festen så iår blei det Juli-Tre-Bryllaup (noko som forklarar bilete over :) ). Min tradisjon i samsvar med festen er å laga dessert, og denne gongen skulle ikkje vera noko anleis. Ok, kanskje litt anleis... Eg har ikkje laga kaka til festen før, men stilt opp med nysteikt smuldrepai med is til. Bryllaup derimot ber om ei stor kaka, så då må eg laga stor kaka :)

Ideen kom når det slo meg at toppen på kaka måtte bli eit brudepar beståane av ein kakemann og ei kakedame. Kaka måtte bli ein blanding av jul og sommar - så det blei kakemenn og blomstrar. Arkitekturteikningane for kaka mi er på bilete i midten til venstre over.

Når kakemennene og blomstrane var laga så starta jobben med å laga sjølve bryllaupskaka. Brukte nok ei oppskrift frå Sweetapolita sin blogg, ei sjokoladekaka som er heilt genial!! Anbefalar den på det høgaste, oppskriften er her. Har og falt for to smørkremmar frå samme dama, Peanøtt smørkrem og Jordbær smørkrem. Laga 6 kakerører, ein porsjon peanøtt smørkrem (det er ein stor porsjon) og 2 porsjonar jordbær smørkrem. Kakene blei ei 30 cm, ei 25 cm, ei 20 cm og ei 15 cm. Når kakene var heilt avkjølt så delte eg kvar kaka i 3 lag, fylte to av kakaene med kvar sin krem. Dekka alle kakene med kvit fondant. Så kom utfordringen, stabla kakene i høgda utan at vekta frå kakene knuste kakene under. Etter ein del søking på youtube og ein lenger tur for å finne underlag og bambuspinnar så kunne eg byrja å stable og pynta.

Det einaste som gjenstod så var å få kaka ned i bilen som eg er barnevakt for, kjøra den gjennom heile Bergen til selskapslokalet. Vel framme ved selskapslokalet så fekk ein staut kar frå festen hjelpa meg å bæra kaka inn i festlokalet, tok ikkje sjansen på å mista kaka i bakken når eg var så nær (den blei ingen lettvektar). 

Etter ein god runde og to med pinnekjøtt og tradisjonelt tilbehør så blei det koka opp kaffe og kaka blei "åpna" av brudeparet. Så fekk gjestene kaka og festen varte til dei små timar. Det kjekkaste med denne kaka var reaksjonen til bruda når ho fekk sjå kaka, usikker på kva ho forventa av dessert på festen men det var iallefall ikkje ein 4 etasjes brullaupskaka. Brudgommen hadde fått litt hakk i plata når det kom til kaka; han refererte heile tida til ein sms eg hadde sendt der eg sa "... eg har tenkt på noko...", kaka var vist noko meir enn han forventa og. 

Eg likar å laga kaka, eg likar å ete kaka og eg elskar å dela kaka!! Så som bursdagskortet frå Down under seie "Keep calm and eat more cake!", se bilete nede i høgre hjørnet over. Trur det skal bli mitt motto, iallefall så lenge eg kjem til å baka kaker :)

Håpar alle får ein framleis flott sommar i inn og utland, både med og utan kaka :) 

Sommarklem frå meg!

PS: skal prøva å via strikketøyet meir oppmerksamheit framover no...

Babyboom og kakebestillinger

... og litt generell strikking :)

Tida flyr som alltid ufatteleg fort, ubeskriveleg faktiskt. Juni allereie, kor forsvant dei andre 5 mnd?
Når eg setje meg godt til rette i sofaen og tenkjer etter så kan eg komma på nokon ting eg har fylt tida med. Eg har vore på ferie, der forsvant ein månad av året. Ellers har strikkepinnane gått seg varme eit par gongar. Der er mangen kollegaer som ventar småfolk, og slikt kan ikkje gå ustrikka hen. Har og laga ein babygåve på bestilling. 

Bileta over kvarandre høyrer saman. Så topp/bunn til venstre: bestilling frå Kristina, babypledd og hue frå Strikkedesign No. 230. Strikka i Gjestals Baby Ull. Topp/bunn i midten: Hege og Svend ventar ei jente så strikka ei jakke og hue til dei frå Strikkedesign No. 230. Strikka i Picles Baby Merino. Topp/bunn til høgre: Espen og Britt ventar sin fyrstefødte, men dei veit ikkje kva dei før, så i rimleg nøytrale fargar så strikka eg Pickles Lun Bris babypledd, strikka i Abuelita økologisk bomull, og ei lita jakke, hugsar ikkje kva garn eg brukte her.
Ynskje alle foreldrene og babyane lukka til. Foreløpig er ståa 1 av 3 babyar har ankommet :) Dette vert spanande og kjekt.

Eit par andre artige ting eg har klart å presse ut av strikkekorga er eit par Arne og Carlos sine eggevarmarar. Desse fant eg i påskeboka deira, syns dei er kjempe artig. Påskefrukosten blei litt ekstra pynta iår. Til eggevarmarane brukte eg Sandnes Mini Duett. Har og strikka eit par vottar med rosa flamingoar, kven syns ikkje rosa flamingoar er kule?? Eg endra tommelen frå oppskrifta, og syns dei blei skikkeleg tøffe. Flamingoane er laga i Du Store Alpakkas Hverdag.

Og så har eg laga ei kaka sidan sist. Faktisk min fyrste kakebestilling. Fekk mail av ein kollega på torsdag denne veka med spørsmål om eg hadde lyst til å laga ei dykkarkaka til mannen hennar som fylte 40 år på fredag. Eg kjenner Karstein og har dykka med han, så dette var ikkje ein utfording eg klarte seie nei til :)
Så byrja idemyldringa og søkte på nett med ein gong. Før eg la meg torsdagkvelden så var ideen klar; korleis kaka skulle sjå ut og kva kaka og fyll eg skulle bruka. Kaka blei mørk sjokoladekaka med Peanut butter Swiss Meringue Buttercream. Eg er nemleg blitt trufast lesar av Sweetapolitas kakeblogg, og dette innlegget har eg lest mangen gongar. Denne gongen gjorde eg alvor av det...

Eg dobbla oppskriften, så fekk 4,5 stk kaker (20 cm) og ein liten muffins. Muffinsen lagar eg fordi eg vil smaka om eg syns kaka er god, sidan eg aldri har laga den før. Når eg hadde laga peanøtt smørkremmen og hatt litt på muffinsen så skjønte eg kjapt at denne oppskrifta skal inn i kokeboka mi :) Det var veldig godt og ikkje så mektig som eg var redd for det skulle bli.

Laga og ein del fondant figurar. Ein dykkar, eit bildekk, kamskjell, fiskar, sjøstjerner, anker og ikkje minst ein fiskebolle boks :) I tillegg hadde eg handla inn litt smågodt til å pynta med. Så no som pynten, kaka og fyllet var klart så byrja eg å dele opp og stable kaka. Eg stabla 6 lag med kaka og 5 lag med fyll. Så laga eg vanleg kvit smørkrem som eg delte opp og farga blå, grønn og ufarga. Dekka heile kaka med blå smørkrem. Den grønne hadde eg i sprøyteposen og forsøkte å laga litt tang og tare. Så laga eg båten av restar med kaka og den ufarga smørkremmen. Båten dekka eg med kvit forndant. Mala på svart kant på båten og teikna på Karstein og N-40 med spiseleg maling og tusj.

Siste finishen var å legge litt lyst brunt sukker langs kanten av kaka (havbotnen), og plasserte pynten litt rundt om ilag med nokon punsjknappar (kråkeboller??) og nokon anna smågodt. Så kom Irene og henta den med hjelpar til å halde kaka påvegen tilbake til bursdagsselskapet.

Så håpar bursdagsbarnet og selskapet likar kaka like godt som eg gjorde. No er det på tide med middag for meg :)

Framleis god helg og snart god sommar, til ALLE!!

Perfekt søndag

Følar dette bilete seie alt :) Eg har kosa meg med French Earl Grey (lausvekt), i den kulaste tesila nokon sinne. Koppen er og konge, må jo innrømme at eg er ein moggle. Dei som leser Harry Potter på engelsk veit kva det er, for alle andre så er det det ikkje magiske mennesker vert kalla. Og strikketøyet sjølvsagt, ingen søndag utan :)

Måtte veka som står for dør bli skikkeleg bra, produktiv og gjevandes, for meg sjølv og alle andre som skulle lese dette :) 

Roadtrip!!!

Dette siste innlegget etter Australiaferien min har eg starta og slutta fleire gongar. Det har alltid stoppa opp når eg skal velgja bilete. Den 11 dagar lange turen blei berre 9 dagar og litt over 3000 km lang, men der skjedde MYKJE og der var endå fleire bilete å velgja mellom... Men har endeleg falt ned på eit bitte lite knippe med bilete...

Øverst til venstre og nedover: 1: Morgonbad etter fyrste overnatting i bilen. 2. Ein morgon fekk vi med oss surferane i soloppgongen. 3. Der var mangen flotte fyrtårn på turen. 4. Bilen vår. Leigd hjå Wicked Campervans. Vi er særdeles fornøyd. 5. Bilen benyttast til alt, lufting av sengetøy og tørking av handdukar. 6. The great ocean road! Finally! 7. Bimbi Camping, sleep beneath the koalas :) 8. The twelve apostles.

Eg vil anbefala dei som reiser til Australia å leiga ein bil og kjøra rundt. Det er verdt å merka seg at ein bør ta full forsikringsdekning, då der er rare reglar for skade på bilar og forsikring i Australia. Ein aldri så liten advarsel til; ikkje prøv å overnatte i bilen inne i nokon som helst bygd/by med mindre det er på campingplassar. Bota vi fekk eine morgonen, kl. 0620, var då vi fekk info om kor vi kunne og ikkje kunne parkere bilen og sova... Heldigvis så var vaktene snille med oss, spesielt når vi forklarte at vi ikkje var klar over den regelen, så vi fekk 1 bot på deling og ikkje ei bot kvar... Takk og lov.

Kartet visar kor vi kjørte frå Sydney (som er nett utanfor bilete oppe i høgre hjørna) og til Portland der vi snudde og tok rettaste vegen tilbake til Sydney området. Vi skulle sjekke ut eit fjellområde utanfor Sydney, men då der regna og var tjukk tåke så returnerte vi til Sydney 2 dagar før tida. Greitt å kunne bruka eit par dagar ekstra til å vaska kler, pakka og slappa av med kino før avreise.

Er ikkje umogleg eg må tilbake til Australia nok ein gong... Manglar jo alt på vest og nordkysten, og ikkje minst outbacken... Me want to go!

3 dager - 2 netter på Fraser Island

Ankomst (dag 1):

Etter nokon opplevelsesrike dagar i Brisbane og omeng tok eg, Camilla og Cathrine turen vidare til Hervey Bay og vidare til verdas største sandøy Fraser Island. Øya er 120 km lang og 5- 25 km brei. Sanden som øya er laga av stammar frå antarktis fleire millionar år sidan. For å komma seg ut på øya må ein ta ei ferje ut dit. Vi fekk plassert bagasjen vår på ein bil, som transporterte den dit vi skulle overnatta, medan vi gjekk ombord og kunne nyta utsikten. Vel framme på øya var det ein kort spasertur inn lengden av jettyen (brygga) og meir eller mindre rett på ein svær 4WD buss og direkte på sightseeing på øya.

venstre til høgre: 1) Fraser Island dead ahead, ombord på Kingfisher Bay Ferry. 2) Bussen vår, ser meir ut som ein lastebil... 3) Camilla har fått på seg sikkerheitbelte og er klar!! 4) Ein liten spaser opp jettyen (brygga) til bussen som venta på oss.

Dag 1: Central Station, Wanggoolba Creek og Lake MacKenzie med lunsj og kookaburra.

Etter vi hadde komt oss på bussen så bar det rett avgarde innover på øya. Fyrste stopp var Central Station, men før det skulle vi oppleve korleis det er å kjøre på ei øy laga av sand som er utsatt for å regelrett renne vekk i kraftig regnvær. Nøkkelordet vert HUMPETTE!!!! Men vel framme på Central Station så fekk vi ut av bussen og hjernen kunne stoppa å hoppa. Central Station var knutepunktet på øya for all tømmervirksomheita. Denne industrien blei lagt ned fyrst i 1991 og øya blei lagt på verdensarvlista året etterpå. Tømmer frå Fraser finn ein i store delar av Suez Kanalen pga at det er så sterkt. 

Frå Central Station gjekk vi langs Wanggoolba Creek som renner gjennom ein av verdas eldste regnskogar. Creeken høyre ein ikkje at sildrar ein gong, dette skal vera pga av formen på sanden på øya. Sanden er nemleg rund. Alt vatnet i innsjøane og creekane på øya er og ferskvatn, frå så langt unna som Uluru/Aiers Rock.

Etter Wanggoolba Creek kjørte Les (guiden) oss til Lake MacKenzie der vi kunne bada, sola oss og innta lunsj. Lake MacKenzie er ein av ca 100 ferskvannsinnsjøar på øya. Innsjøen har pH 2-3, så vi fekk beskjed om at vatnet ville ha ein balsameffekt på håret vår. Dei fleste var under i den innsjøen :) Vatnet var varmt og klar og deilegt. Lunsjen fekk vi servert på eit inngjera rasteområde ovanfor innsjøen. Der fekk vi besøk av fleire kookaburra (australias nasjonalfugl) og den er SØT! Likar litt på Solan :)

Etter lunsj blei vi humpande kjørt tilbake til Lodgen vi skulle overnatt på. Der kunne vi slappa av og kosa oss før middag blei servert litt seinare på kvelden i nærmaste DingoBar. Vi hadde booka tur med Cool Dingo Tours.

Venstre til høgre: 1) Kookaburra. 2) Central Station, midt i regnskogen. 3) Wanggoolba Creek. 4) Alle kosa seg i Lake MacKenzie. 5) Vatnet var varmt, deilegt og klart!

Dag 2: 75 mile beach, Eli Creek, Maheno (vrak), Coloured Sands, The Champang Pools, Indian Head og DINGO!

Allereie før 0800 så er vi på bussen og humpar avgarde, då har vi ete frukost i DingoBaren og. Dette er den dagen på touren der vi har heile dagen til disposisjon, så der står mangen stadar på programmet. Programmet var dessverre ikkje vidaresendt værgudane kvelden i forvegen, så vi vakna til regnvær... Været fulgte oss på vegen og.

Vi kjørte rett over til motsatt sida av øya for å byrja å kjøra på highveien, meir kjent som 75-mile beach. Denne stranda funkar som 2-4 felts motorveg og delar av den vert og brukt som rullebane for Air Fraser Island. Ein badar heller ikkje i havet på Fraser Island, den enkle forklaringen er hai. Pga måten reva ligg utanfor kysten så er farvatna rundt Fraser Island matstasjon for mangen typar hai. Medan vi kjøre i 80 km/t oppover stranda så kjem det frå Les: "Dingo on the beach guys, get your cameras ready!" Som sagt så gjort. Alle av bussen og knips, knips, knips. Dingoen blei teke med over til øya av urinnvånarande langt tilbake i tida og brukt som jakthunder. Opptil for ein del år sidan så mata regjeringane den dingostammen som var på øya og. No derimot så kjempar dingoen for å overleve, dei er alle magre då der er lite og ingen naturlege matkilder til dei. Og når dingoen er opportunistisk og angripe menneske (som var sjeldan, men ikkje så sjeldan som når dei blei mata) så blei fleire generasjonar med dingoar skutt og drept :(

Etter fotosesjonen så hoppa vi inn på bussen og kjørte forbi dei fleste severdigheitene med ein lovnad om å ta dei påveg tilbake i håp om at været var blitt betre. Når vi kom til endes (nesten på tuppen av øya) stoppa vi og sola byrja smyge seg fram. Og på turen til The Champange Pools så kom den fram gitt. The Champagne Pools er naturlege havbasseng og den einaste trygge staden å bada i saltvatn på øya, så her blei det litt sand, sol og hav :)

Etter bading så gjekk tura tilbake til forrige strand. Der tok vi lunsj, og som dessert så blei vi peika i retningen Indian Head. Ein liten spasertur opp på ei klippe som stikke dramatisk ut i havet. Dette er ein heilag stad for urinvånarane, så delar av Indian Head var forbudt å entre. Men resten var heldigvis åpen for allmennfolk og utsikten var upåklageleg der og. Turen opp var kjapp, men blei høgt ned alikevel.

Vidar påvegen tilbake så stoppa vi ved Red Canyon, ein del av The Coloured Sands. Dette er sandklippar langs kysten i gult, raudt, orange, brunt og kvitt. Dette pga av eit utallig antall minerallar i sanden på Fraser Island, og desse reagerar ulikt på luft og fuktigheit og fargar sanden deretter. Red Canyon f.eks inneheld ein del jerndioksid og vert raud av rust. Her møte vi og Air Fraser Island som nokon valgte å ta ein aldri så liten flytur med. 

Medan dei flaug, flytta vi andre oss ned til skipsvraket S.S Maheno (byggeår 1905), eit luksusskip som skulle gå mellom Tasmania og Sydney. Skipet har og vore eit flytande sjukehus i fyrste verdenskrig før det gjekk tilbake til å vera luksusskip før det blei stempla som utdatert i 1935. Når skipet skulle tauast til Melbourne i juni 1935 sleit det seg i ein cyklon og hamna på stranda på Fraser Island. Der har det lagt sidan og blitt ein stor severdigheit, men det har ikkje lang levetid som det igjen heller no...

Siste stoppet på returen vår denne dagen blei Eli [ee-lahy] Creek. I denne elva/bekken renner heile 4 millionar liter ferskvatn i timen. Vatnet var kaldare enn det meste vi hadde opplevd så langt på øya, men særdeleg forfriskande alikevel. Og 4 millionar liter i timen betyr visst at der er ein viss fart på vatnet, flaut kjapt nedover bekker ja :) Men fekk skylt av saltvatnet frå The Champagne Pools og fekk drikke ferskvatn direkte frå bekken. Mykje betre enn det klor-greiene som kjem frå springen her nede...

Etter dette kjørte Les oss humpande tilbake til Lodgane. Igjen fekk vi slappa litt av før middag og vi måtte ta farvel med den delen av gruppa som kun skulle delta på 2-dagers touren, trist...

Venstre til høgre: 1) ein einsam dingo på 75-mile beach.  2) Red Canyon, ein del av the Coloured Sands. 3) 75-mile beach, funkar som highway og rullebane for fly. 4) Maheno, vrak. 5) Treppene ned til The Champange Pools, naturlege havbasseng. 6) Rett ned i havet frå Indian Head. 7) Spasertur opp Eli [ee-lahy] Creek.

Dag 3: Lake Wabby, Sand Blows, REGN og Lake Birrabeen:

Så starta siste dagen, gruppen var redusert (i antall), vi hadde fått sova litt lenger og regnet var tilbake. Så var spørsmålet på alles lepper, ville Les kunne lura værgudane denne gongen og?

Fyrste stoppen denne dagen var The Sand Blows og Lake Wabby. The Sand Blows er eit stort område med kun sand som forflyttar seg 2-3 meter på ein år og som slukar opp alt som skulle komma i vegen. Lake Wabby er eit resultat av the Sand Blows. Denne innsjøen er ferskvatn som ein gong blei innesperra av sanden og som ein dag vil bli slukt av sanden. Innsjøen er den djupaste på øya og. Den har pH 8-9 og utruleg nok så lever der dyr i den. Der er små rensefiskar og store mulefiskar. Det er og mogleg å sjå ferskvann skillpadder i innsjøen, men desse er veldig sky... Desse var nok flykta når vi oss ned til innsjøen då der allereie var nokon å bada å innsjøen. Etter kanskje 20 min ved innsjøen blei det klart for alle at Les ikkje klarte å halde regnet på avstand denne gongen. Vi valgte å gå gjennom skogen i håp om å få litt ly frå regnet (framfor å gå over the Sand Blows), dette funka då ikkje. Den 35-45 min lange turen tilbake til bussen var ein ekte regnskog opplevelse. Alle kunne vri klærene etterpå. Godt bussen hadde betre plass til å henge kler til tørk denne dagen :)

Vi tok tidleg lunsj denne dagen, og på Eurong Resort (ein av kanskje 4 resorts på øya). Etter den så besøkte vi nok ein innsjø, Lake Birrabeen. Hit reiste dei nesten aldri med gjester lenger på øya, og det kunne vi sjå då der ikkje var andre hjulspor i vegen dit. Vel framme så kom vi til ein innsjø som hadde mykje felles med Lake MacKenzie (dag 1), men denne var omkransa av høge sivplanter. Ellers så hadde denne innsjøen (som Lake MacKenzie) og pH 2-3. Eg hadde då valgt å ikkje bytta på meg tørre kle etter regnskogturen vår og blei einaste som bada i her. Eg bytta til tørre kle etter denne dukkerten eg :) Deilegt!! Når vi skulle ta oss te/kaffi og kjeks ved Lake Birrabeen så kom regnet, så vi tok litt te/kaffi på bussen og kjørte tilbake til Kingfisher Bay. 

Her tørka vi kler i ein tørketrommel vi klarte å oppdrive medan vi venta på at ferja skulle gå tilbake til fastlandet. 

Alle var einige i at det hadde vore ein KJEMPE bra tur!!! Litt regn har jo aldri skada nokon, no derimot er der sikkert oversvømelsar på Fraser Island... Glad vi reiste når vi gjorde :) 

Takk til Camilla og Cathrine, og til Les hjå Cool Dingo :)

venstre til høgre: 1)  Lake Wabby og The Sand Blows. 2) Gjengen har komt seg frå utkikken og ned på  the Sand Blows og nærmar oss Lake Wabby. 3) Endeleg!! tilbake ved bussen... VÅT! 4) Liv i Lake Wabby, også utanom roommaten vår frå Korea. 5) Lake Birrabeen, eg var einaste som bada (alle andre hadde fått på seg tørre kler). 6) Regnet tok oss att igjen, etter kort tid var vegane på øya elvar og innsjøar...

Neste eventyr: Vi har leigd CamperVan og skal begi oss ut på road trip i 11 dagar. 11 dagar på feil side av vegen og mykje spanande å sjå... Oppdatering vil følgja seinare :)

Park #4 - Australia Zoo

Øverst og nedover: 1) Koala, trøyt... 2) Kakadue. 3) Elefant, denne er ei 50 år gamal dame. 4) Ecidna,  australsk pinnsvin. 5) Kenguru, mating og handspålegging. 6) Wombat 7) Tiger. 8) Krokodillen, favorittdyret til Steve Irwin som dyrehagen er mest kjent for. 9) Dyrehagen har nyleg fått ein Afrika del med bl.a kvite neshorn som har fått baby Savanna :)

Foreldrene til Steve Irwin, kjøpte området Australia Zoo idag ligg på i 1970, det var då starten på ein av verdas mest kjente dyrehagar.

Vi er alle glade i dyr, og nokon meir enn andre :) Så ein dyrehage var midt i blinken som avsluttning på turen til Brisbane. Og her var det mange dyr å observera og ohhhh'a og ahhhh'a oss over :) Parken har og eit stort utvalg at aktivitetar der folk kan betala litt ekstra for ein opplevelse for livet; om det måtte vera å halda ein lys levande koala, gå på tur med wombaten, klappa og kosa med ein tiger, fotograferast med ein STOR slange m.m. All inntekt er øyremerka parkens konseveringsprogram og dyresjukehus.

Det er og mogleg å handla kengurumat i parken, då innhegningen til kenguruane og wallabyane er åpen. Det vil seie at gjestene går fritt i innhegningen og kan mate dyra og klappa. Kenguruane har derimot friområder i innhegningen, så dersom dei bevegar seg inn der så skal gjestene la dei vera åleine. Vi mata og klappa alt vi var god til :) Kan verifisera at kenguruar og wallabyar er mjuke og deilege å ta på.

Vi benytta og sjansen til delta i matinga av elefantane i parken :) Der var 3 elefantar, alle var damer og alle var godt oppi åra. Så når det var teatime så måtte gjestene bevega seg opp til dei i desse dager (motsatt ende av inngongen), før kom nemleg elefantane til gjestene. Dei var skikkeleg søte, store og snille :)

Leyla bestilte seg time for å gå på luftetur med wombaten. Og medan ho kosa seg med det benytta vi andre sjansen til å halde og bli fotografert med ein super mjuk koala. Eg spurte fint passaren om eg kunne springa min veg før han tok koalaen tilbake, men det berre lo han av gitt... Skjønnar ikkje kvifor??

Så utan koala under armen, eit nytt smykke om halsen, mangen bilete og opplevelsar rikar så gjekk vi på bussen, klar for togreisa tilbake til Brisbane (siste 1 timers togturen). I Brisbane venta pakking, middag og soving før alle reise neste morgon. Leyla skal tilbake til Sydney og resten skal på 3 dagars tur på Fraser Island :)

Denne dagen hadde ho mamma bursdag og, så eg satt meg på gongen og ringte heim og preika litt. Må til, ikkje kvar dag ho mamma har bursdag :)

Park #3 - SeaWorld

Øverst: 1) Vert møtt med vennlege ansikt med ein gong, denne delfinen er eg sikker på smilte og blunka til oss. 2) Nelson the polarbear kosa seg i det kalde bassenget sitt. 3) I undersea utkikken var der myjke spanande å sjå på, trur denne stingrokken syns det same. 4) Delfinshow, eit must! 5) Etter å ha sett Happy Feet 2 eit par kveldar før så var pingvinane om mogleg endå søtare.

SeaWorld, også 1 time med tog og ein aldri så liten busstur unna Brisbane. Denne parken var ikkje drevet av eit filmstudio, men det var klart at dei hadde eit godt samarbeid med Nickelodeon (barne-tv kanalen) pga Svampe Bob. Her var færre berg-og-dal-banar enn dei andre parkane (vi tok kun ein tur), men til gjengjeld så var her mykje anna å sjå og ta på. Der var mangen små basseng rundt om der ein kunne stikke hendene nedi og ta på; det kunne vera hai egg (nokon hai-artar legg nemleg egg), sjøpølser, sjøstjerner og rokker m.m :) Og dersom ein ikkje fekk ta på, så kom ein rimleg tett opptil dyra alikevel. Delfinshowet var og veldig bra. Desse dyra imponerar alltid og vi hadde glatt teke ein med heim om det var mogleg.

Denne dagen, så blei dei flesta av oss litt solbrent ein eller annan stad. Vi var nok ikkje flinke noko til å driva med påfyll av solkrem og ingen tenkte stort på at alt vatnet ville gjere sola sterkare... Jaja, slikt skjer! Vi vert flinkare i morgon, garantert!

Nok ei returreise står for tur, middag og znork! :) Ny dag og park i morgon...

Park #2 - DreamWorld

Øverst: 1) Vel ankommet DreamWorld, kor er køen vår? Kjøp billettar online og gå i kjappare spesialkø... 2) Ein vanntur i det varme gode været, DIGG! 3)  Tårent til Tønneturen. 4) Tårnet til turen BuzzSaw, sinnsjukt bane!!! 5) Dagane blei alltid avslutta med solnedgong

Etter ein kviledag i Brisbane med shopping så vakna vi til rimleg bra vær og kom oss tidleg avgarde til toget. For nok ein gong var det 1 times togtur og ein busstur på 20 min som stod mellom oss og neste park, DreamWorld. Denne parken er drevet av DreamWorks kjent for filmar som; Shrek-filmane, Madagaskar 1 & 2, Gladiator, American Beauty, Redd mening Ryan og Transformers-filmane.

Denne parken hadde mange fleire berg-og-dal-baner enn MovieWorld og færre butikkar. Vi byrja med BuzzSaw, der blei vi sakte men sikkert trukke opp ein vegg (loddrett) og så opp/ned før vi blei sluppe ut ein ein liten korkeskru. Så gjekk det mest på farten vi hadde fått opp og tilbake 2 gongar før vi blei stoppa. Trur alle hadde litt blodsmak i kjeften etter å ha hengt oppned i den ja. Vi fortsatte med 2 rolege, men våte turar. Etterpå var vi i desperat jakt på nokon stad å tørka oss :) Endleg rimleg tørre så kjørte vi Motocoaster, vognene var forma som racersykklar. Vi hadde lenge sikla på Tower of Terror 2. Den bana høyrte vi uansett kor vi var i parken. Så endeleg gjekk vi i kø, men gjett om dei fekk problem med turen når vi hadde stått 15 min i kø då?? Alle blei oppfordra til å forlata køen og heller komma tilbake. Det var uvist når dei ville få fiksa turen. Vi fulgte nøye med, så når vi såg der byrja skje noko så var vi på plass. Og der var jo ikkje kø å snakka om, så på 10 min så blei vi skutt baklengs opp i loddrett posisjon i 120 km/t og sluppe tilbake. IIIIIKKKKK!!!!!!! :D Vi sprang tilbake og klarte akkuratt å få oss ein tur til før parken stengte, TAKK OG LOV for den var KONGE!

Så var det retur til Brisbane, middag og eit godt stykke søvn som gjenstod av den dagen :)

Park #1 - MovieWorld

1) Rett etter inngongen var der plassert eit par superheltar på taket av ein suvenirbutikk. 2) Ein av rides'ene vi tok heite Escape, der blei vi skutt opp til 100 km/t på 2 sek og over det høgste punktet KULT!! 3) Utanfor Harry Potter butikken var det det korrekte tilbehøret. 4) Og på ettermiddagen var der parade gjennom parken med alle dei kjente og kjære karakterane.

Etter ca 1 time på togen frå Brisbane sentrum og ein 10 min busstur så ankom vi endeleg MovieWorld. Denne parken er drevet av Warner Brothers, kjent for Supermann filmane, Looney Toons teiknefilmane, Batman filmane, Dødleg våpen m.m. Denne parken er ein miniversjon av Disneyworld vil eg tru. Den var eit par rides/berg-og-dal-baner, mangen butikkar, ei hovudgata og mangen små gater som alle følast som ein har sett i ein eller annan film.

Vi starta direkte i køen til Escape (Supermann berg-og-dal-bana), tok oss vel ein 45 min å komma gjennom køen og 45 sek å fullføra bana. Men vert ein sendt ut i ein fart på 100 km/t så går det fort, uansett kor mangen snurrar banen har :) Vi tok og Dødlig våpen berg-og-dal-bana, der trur eg hjernen min blei rista laus... Barneturen til Scooby Doo gjekk vi og inn på, lengste køen og den mest overraskande banen :) Såg oss mykje rundt, handla ein del (eg er 2 tekoppar, akkuratt det eg ikkje trengte, rikare) og fekk med oss ein film i 4D (Reisen til jordens indre). 4D betyr at filmen er 3D men den vert fylt ut litt ekstra med effektar i og rundt settet du sit i... Skikkeleg artig :)

Når dagen var omme og sola holdt på å gå ned var det tid for ein 10 min busstur og 1 time på toget tilbake til hostellet og Brisbane. Alle var einig i at det hadde vore kjekt og sov godt den kvelden :)
Meininga var å reise i ny park dagen etter på, men når vi tysdagen var det høljeregn. Vi bestemte oss for å ta denne dagen i Bristbane med litt shopping. Så sagt så gjort, og du kor lurt det skulle visa seg å vera :)

Brisbane - Australia

Oppe, venstre - høgre: 1) Vi (minus Cathrine) står på ein av fleire bruer som krysser elva som renne gjennom Brisbane.  2) Brisbane skyline. 3) Høljeregn, vi har søkt tilflukt i ein undergong. Fekk tida til å gå med sang :) Nede, ventre - høgre: 4) Brisbane hadde sitt eige parisarhjul. Ved sida av det stod The Nepal Peace Pagoda. Camilla poserar på ein elefantstatue. 5) Lett galopp ned strandpromenaden. 6) Eg og Camilla har lukta oss fram til ein lokal garnbutikk i Fortitude Valley. Begge handla :)

Eg er tilbake i Australia for dei som ikkje har forstått det utifrå forrige post. Desseverre så gjer dette landet/kontinentet slikt inntrykk på meg at eg verken klarar å velgje ut få bilete eller å fatte meg i kortheit om turen... Så for dei om ikkje orkar så er det berre å skumme gjennom dette og dei neste innlegga, eller hoppa direkte over dei :)

Har no vore her litt over halvparten av ferien. Følar eg har gjort mykje, men der er og så sinnsjukt mykje meir eg skulle likt å gjort. Men det som er gjennomført og opplevd er tur til Brisbane. Meg, Camilla, Leyla og Cathrine (kollektivet til Camilla) bestilt oss fly oppover and of we went. Værutsiktene var ikkje allverdas dessverre. Vi har gått litt rundt, men hovudgrunnen til reisa til Brisbane er alle parkane som ligg rundt denne byen. Men i Brisbane fekk vi sett litt, opplevde down pour (høljeregn) og fekk dekka eit aldri så lite garnbehov. I Brisbane fekk vi eit 4 bed dorm for oss sjølv på eit hostel. Det blei basen vår og turen gjekk nesten dagleg med tog til og frå ein park utanfor byen. Der kjem eigne innlegg om parkane, heile 4 parkar faktisk :)