Eg har vore på lange turar før, men aldri åleine. Alt er så mykje lettare når ein er fleire om å passa på kvarandre. Denne gongen skulle eg reise åleine og som de ser av boardingpasset mitt så skulle eg bytta fly eit par gongar. Min største frykt før turen starta var at eg kanskje ikkje fekk transit på bagasjen heilt fram, men det fiksa seg heldigvis :) Ruta var kanskje av dei litt knotete, men slikt må ein ta med seg når det er prisen på turen som rådar. Så på Kastrup var vedkommande som satt ved sida av meg så supersnill at ho fulgte meg til passkontrollen før ho gjekk for å henta eigen bagasje for så å køyra heim litt utanfor København.
I London Heathrow var det berre å følgja skilta, been there done that for å seie det slik. Neste stopp var Hong Kong International Airport (se bilete til venstre), betjeningen på flyet dit var fantastiske. I 11 timar og 20 min så var dei rundt i kabinen, smilande og blide og med mat, drikke og assistanse. Takk og lov for underhaldningssystemet i nakkestøtta på alle stolane. Såg 3 filmar, litt TV og høyrte litt musikk. Så var 11t 20 min puff - borte!
Siste og endelege stoppet på turen er Sydney. Slo mobilen på når flyet var komt til gaten, og klokka viste 06:53 lokal tid. Då var det ut, følgja skilta til baggage claime, fant ein minibank og tok ut litt peng. Gjekk gjennom passkontrollen, fekk baggasjen rimleg kjapt og må beklagar til alle som håpa å sjå meg på Grensevakten, men tollen tok meg 3 min... Så var det å finne bussane som køyrte til Central Station der eg skulle møte Camilla (togtrafikken var nemleg satt ut av drift idag, typisk). 1 time etter eg slo på mobilen var eg allereie på bussen mot sentrum faktisk. Så til høgre er bilete av inngongen som eg valgte å stå ved til Central Station.Camilla kom til slutt, flyet var nemleg for tidleg og eg var for kjapp så stakkars Camilla blei for sein :)
I skrivende stund sit eg på leksepulten til Camilla og ser på den blå himmelen og kvite skydottar. Camilla høyre på ein lecture... Snart er det butikken som står for tur.
Eg er glad eg er framme, eg gledar meg til å sova inatt, eg er spent på kva ferien vil bringa.
2 kommentarer:
For****e busser og tog som ikke kan samarbeide når jeg mest trenger det. Og selvsagt var det ikke kø for å komme igjennom pass, bagasje og toll kontroll. Nei, hvorfor skulle det være det når jeg hadde lagt det inn i mitt tidsskjema for å møte deg?
Jaja, du er kommet og det er fint, varmt vær :)
Supert å se at du er vel fremme og at den lange reisen gikk så fint! Nå må du virkelig kose deg! Håper du opplever masse som du kan fortelle om når du er hjemme igjen :-)
Klem
Legg inn en kommentar